Balakrishna : నందమూరి నట సింహం బాలకృష్ణ గురించి ఆయన సినిమాల గురించి ఎంత చెప్పినా తక్కువే.. వయసు పెరుగుతున్నా సినిమాల విషయంలో తగ్గేదేలే అంటూ వరుస సినిమాలు చేసుకుంటూ పోతున్నాడు. ఇప్పుడు ఆయన చేతిలో రెండు సినిమాలు ఉన్నాయి. ఆ సినిమాల కోసం ఫ్యాన్స్ వెయిట్ చేస్తున్నారు. డాకు మహారాజ్ అనే సినిమాతో వచ్చే ఏడాది సంక్రాంతికి ప్రేక్షకులను పలకరించబోతున్నాడు. జనవరి 12న విడుదల చేయనున్నట్లు మేకర్స్ ఇటీవలే డేట్ కూడా అనౌన్స్ చేశారు. గతేడాది సంక్రాంతికి ‘వీర సింహా రెడ్డి’ సినిమాతో బ్లాక్ బస్టర్ హిట్టు కొట్టిన బాలయ్య.. ఈసారి కూడా అదే రిపీట్ చేస్తాడని ఫ్యాన్స్ భావిస్తున్నారు. మరి బాలయ్య ఇప్పటివరకు చేసిన సంక్రాంతి సినిమాలు ఏవో ఒకసారి చూసేద్దాం..
గతంలో బాలయ్య నటించిన సినిమాలు ఇదే సీజన్ లో రిలీజ్ అయ్యాయి. ఇప్పటి వరకూ ఆయన 108 సినిమాల్లో నటిస్తే, వాటిలో 22 చిత్రాలు సంక్రాంతి పండుగకే థియేటర్లలోకి వచ్చాయి. అందులో ఎక్కువ సినిమాలు సంక్రాంతికి రిలీజ్ అయ్యి బ్లాక్ బాస్టర్ హిట్ టాక్ ను అందుకున్నాయి. బాలయ్య సినిమాలు సంక్రాంతికి వస్తున్నాయి అంటే నందమూరి ఫ్యాన్స్ కు పునకాలే అని చెప్పాలి.. ఇప్పుడు తన 109వ సినిమాతో మరోసారి ఫెస్టివల్ బరిలో దిగుతుడం, నటసింహం ఈ మధ్య మంచి ఫామ్ లో ఉండటంతో అందరిలో అంచనాలు నెలకొన్నాయి.. ఇప్పటివరకు బాలయ్య నటించిన సినిమాల్లో ఎన్ని సినిమాలు సంక్రాంతికి రిలీజ్ అయ్యాయో ఆ సినిమాల లిస్ట్ ఒకసారి చూసేద్దాం..
బాలయ్య కేరీర్ స్టార్ట్ చేసిన సమయంలో వేములవాడ భీమకవి’ సినిమా సంక్రాంతికి రిలీజైంది. ఆ తర్వాత ‘దాన వీర శూర కర్ణ’, ‘అనురాగ దేవత’ వంటి సినిమాలు విడుదలయ్యాయి. ఇక బాలయ్య సోలో హీరోగా మారిన తర్వాత ‘డిస్కో కింగ్’ మూవీతో తొలిసారిగా సంక్రాంతికి వచ్చారు. ఇదే క్రమంలో ‘ఆత్మబలం’, ‘భార్గవ రాముడు’, ‘ఇన్స్పెక్టర్ ప్రతాప్’, ‘ప్రాణానికి ప్రాణం’ సినిమాలు ఆడియన్స్ ముందుకు వచ్చాయి. ‘వంశానికొక్కడు’, ‘పెద్దన్నయ్య’ సినిమాలు సంక్రాంతికి వచ్చి హిట్టు కొట్టాయి. ‘సమర సింహారెడ్డి’ చిత్రం సూపర్ హిట్టైంది. ‘నరసింహ నాయుడు’ బ్లాక్ బస్టర్ అవ్వగా.. ‘వంశోద్ధారకుడు’, ‘సీమ సింహం’ సినిమాలు ఫ్లాప్ అయ్యాయి. ‘లక్ష్మీ నరసింహ’ హిట్ స్టేటస్ సాధించగా.. ‘ఒక్క మగాడు’, ‘పరమవీర చక్ర’ సినిమాలు బిగ్గెస్ట్ డిజస్టర్లుగా మారాయి..
ఇక గౌతమి పుత్ర శాతకర్ణి’ సీజన్ ను క్యాష్ చేసుకుని హిట్ అనిపించుకుంది. ‘జై సింహా’ పరాజయం చెందగా.. ‘ఎన్టీఆర్ కథానాయకుడు’ మూవీ అల్ట్రా డిజాస్టర్ అయింది.. గత ఏడాది పొంగల్ కు వీర సింహా రెడ్డి’ చిత్రం ఘన విజయం సాధించింది. ఈ క్రమంలో 2025 ఫెస్టివల్ సీజన్ లో ‘డాకు మహారాజ్’ మూవీ రిలీజ్ కాబోతోంది. ఈ సినిమా బాలయ్య ఫ్యాన్స్ కు పునకాలు తెప్పిస్తుందనే చెప్పాలి.. సితార ఎంటర్టైన్మెంట్స్ బ్యానర్ లో ‘డాకు మహారాజ్’ సినిమా రూపొందుతోంది. ఈ మూవీలో బాలయ్య విభిన్నమైన పాత్రలో కనిపించనున్నారు. బాబీ డియోల్ విలన్ గా నటిస్తున్న ఈ సినిమాలో.. శ్రద్ధా శ్రీనాథ్, ఊర్వశి రౌతెలా, ప్రగ్యా జైస్వాల్ హీరోయిన్లు గా నటిస్తున్నారు.. ఈ మూవీ ఎలాంటి టాక్ ను సొంతం చేసుకుంటుందో చూడాలి..
Share
OTT Movie : భార్యతో ఏకాంతంగా ఉండడం కుదరట్లేదని భర్త షాకింగ్ నిర్ణయం
OTT Movie : కన్నార్పకుండా చూసే అడ్వెంచర్ థ్రిల్లర్... భార్యా బిడ్డల కోసం ప్రాణాల మీదకు
