Hero Nikhils News : యంగ్ హీరో నిఖిల్ త‌న పాన్ ఇండియా ప్ర‌య‌త్నాల విష‌యంలో ఎంతో కేర్ తీసుకుంటున్నారా! అంటే అవున‌నే అనిపిస్తోంది ఆయ‌న తీరు చూస్తుంటే. కార్తికేయ 2తో పాన్ ఇండియా హిట్ సాధించిన త‌ర్వాత నిఖిల్ వ‌రుస పాన్ ఇండియా సినిమాల‌నే లైనప్ చేసుకుంటూ వ‌స్తున్నారు. ఈ వ‌రుస‌లో ముందుగా వ‌స్తోన్న సినిమా ‘స్పై’. జూన్ 29న సినిమాను విడుద‌ల చేస్తున్న‌ట్లు మేకర్స్ ప్ర‌క‌టించారు. రీసెంట్‌గా రిలీజ్ చేసిన టీజ‌ర్‌కు కూడా సూప‌ర్బ్ రెస్పాన్స్ వ‌చ్చింది. అంతా బాగానే ఉంద‌నుకుంటున్న త‌రుణంలో స్పై మూవీ వాయిదా ప‌డుతున్న‌ట్లు విశ్వ‌స‌నీయ వ‌ర్గాల సమాచారం. అందుకు కార‌ణం.. నిర్మాత‌కు, హీరోకు మ‌ధ్య జ‌రిగిన గొడ‌వ‌లే కార‌ణ‌మ‌ట.
అస‌లేం జ‌రిగింద‌నే వివ‌రాల్లోకి వెళితే.. హీరో నిఖిల్ హీరోగా గ్యారీ బి.హెచ్ ద‌ర్శ‌క‌త్వంలో రూపొందిన సినిమాలో చిన్న ప్యాచ్ వ‌ర్క్ మిగిలింది. ఈ నెల 15 నుంచి దానికి సంబంధించిన చిత్రీక‌ర‌ణ జ‌రుగుతుంది. దాన్ని 23లోపు సెన్సార్ చేయించి ఇవ్వాలి. మరో వైపు ప‌ట్టుమ‌ని ప‌దిహేను రోజులు కూడా లేవు. దీంతో ప్ర‌మోష‌న్స్ చేయాలి. పాన్ ఇండియా రేంజ్ మూవీ కాబ‌ట్టి ప్ర‌మోష‌న్స్ గ‌ట్టిగానే చేయాల్సి ఉంటుంది. కాబ‌ట్టి స‌మ‌యం స‌రిపోద‌ని నిఖిల్ భావించాడు. అయితే నిర్మాత అంతా ఓకే అనుకున్నాడు. ఉన్న ఒక పాట‌ను కూడా సైలెంట్‌గా రిలీజ్ చేసేశాడు. ఈ పాట‌ను హీరో నిఖిల్ క‌నీసం త‌న సోషల్ మీడియాలో పోస్ట్ కూడా చేయ‌లేదంటే.. ప‌రిస్థితి అర్థం చేసుకోవ‌చ్చు.
కార్తికేయ 2 హిట్ త‌ర్వాత నిఖిల్ నుంచి వ‌స్తోన్న సినిమా. నేతాజీ సుభాష్ చంద్ర‌బోస్ మ‌ర‌ణం వెనుకున్న ర‌హ‌స్యాన్ని క‌నుగొనే కాన్సెప్ట్‌తో స్పై మూవీ రూపొంద‌టంతో క్రేజ్ క్రియేట్ అయ్యింది. దీంతో నాన్ థియేట్రిక‌ల్ హ‌క్కుల‌కు బాగానే డ‌బ్బులు ద‌క్కాయి. ఇక థియేట్రిక‌ల్ బిజినెస్ విష‌యంలోనూ బాగా డ‌బ్బులు వ‌చ్చాయి. ఇప్పుడు స్పై సినిమాను వాయిదా వేయాలంటే డిస్ట్రిబ్యూట‌ర్స్ ఒప్పుకోరు క‌దా! అని ప్రొడ్యూస‌ర్ ఆలోచ‌న. అయితే తొంద‌ర‌లో చేసే చిన్న త‌ప్పులు వ‌ల్ల ప్రొడ‌క్ట్ మొత్తం ఎఫెక్ట్ అవుతుంద‌ని నిఖిల్ వాదన. దీంతో చివ‌ర‌కు నిర్మాత సైతం నిఖిల్ దారిలోకి వ‌చ్చి సినిమాను వాయిదా వేసేలా చ‌ర్య‌లు తీసుకుంటున్నార‌ని టాక్‌. త్వ‌రలోనే ఈ విష‌యంపై మ‌రింత క్లారిటీ రానుంది.
Share
Sharmila: ఏపీ కాంగ్రెస్ చీఫ్‌గా షర్మిల!.. రేవంత్‌రెడ్డి షాకింగ్ స్టేట్‌మెంట్..
Gopichand New Movie : 14 ఏళ్ల త‌ర్వాత మళ్లీ ఆ ప‌ని చేస్తున్న గోపీచంద్‌
