Prabhu Deva’s Premikudu Movie Re-Release on May1: రీ రిలీజ్ కు సిద్ధమవుతుంది ప్రేమికుడు మూవీ. 30 ఏళ్ల క్రితం విడుదలైన ప్రభుదేవ ప్రేమికుడు సినిమా ఓ సంచలనం. శంకర్ దర్శకత్వంలో వచ్చిన ఈ సినిమాలో కెటి కుంజుమాన్ నిర్మాతగా, ఏ.ఆర్. రెహమాన్ సంగీతం, ప్రభుదేవా డాన్స్, కథానాయిక నగ్మా అంద చందాలు కుర్రకారును థియేటర్లకి పరుగులు పెట్టించాయి.
మహా గాయకుడు స్వర్గీయ యస్.పి. బాలసుబ్రమణ్యం ఈ సినిమాలోప్రభుదేవ తండ్రిగా ప్రత్యేక పాత్ర పోషించిన సంగతి తెలిసిందే. వడివేలు, రఘువరన్, గిరీష్ కర్నాడ్ ప్రధాన పాత్రలు పోషించారు. తమిళంలో రూపొందిన ఈ చిత్రం తెలుగులో కూడా భారీ విజయాన్ని సొంతం చేసుకుంది. ఇందులోని పాటలకు ఇప్పటి యువతరం కూడా డాన్సులు వేస్తున్నారంటే ఈ ప్రేమికుడి కెపాసిటీ అర్దం చేసుకోవచ్చు.
Also Read: అప్పుడు వదిలేసుకున్నా.. ఇప్పుడు ఆ ఛాన్స్ కోసం ఎదురుచూస్తున్నా
ప్రస్తుతం రీ-రిలీజ్ ల ట్రెండ్ నడుస్తున్న నేపథ్యంలో ప్రేమికుడు సినిమా మే 1న 300లకు పైగా థియేటర్ లలో ఘనంగా రీ-రిలీజ్ చేయనున్నట్లు నిర్మాతలు పేర్కొన్నారు. ప్రేమికుడు రీ-రిలీజ్ సంబంధించిన వేడుక ఏప్రిల్ 27న ఘనంగా జరిగింది.
రమణ, మురళీధర్ ఈ చిత్రానికి రీ రిలీజ్ నిర్మాతలుగా వ్యవహరిస్తున్నారు. ఈ సందర్భంగా ఏర్పాటు చేసిన విలేకర్ల సమావేశంలో ప్రొడ్యూసర్ కౌన్సిల్ సెక్రటరీ కె ప్రసన్న కుమార్, కోసాధికారి రామ్ సత్యనారాయణ, దర్శకులు ముప్పలనేని శివ, అథిదులుగా హాజరయి రీ రిలీజ్ కానున్న ప్రేమికుడు మూవీ మళ్లీ ఘన విజయం సాధించి నిర్మాతలకు లాభాలపంట పండించాలని అభిలాషించారు.