Rajinikanth Remunaration:సూపర్స్టార్ రజినీకాంత్ .. ఏడు పదులు వయసు దాటినా కూడా క్రేజ్ మాత్రం తగ్గలేదు. ఇంకా ఆయన కంటిన్యూగా సినిమాలు చేస్తున్నారు. నెల్సన్ దిలీన్ కుమార్ దర్శకత్వంలో జైలర్ సినిమా షూటింగ్ పూర్తి కాక మునుపే రజినీకాంత్ మరో రెండు సినిమాలు చేయటానికి రెడీ అయ్యారు. అందులో ఒకటి ‘లాల్ సలాం’ మూవీ. తలైవా కుమార్తె ఐశ్వర్య రజినీకాంత్ ఈ చిత్రాన్ని డైరెక్ట్ చేస్తున్నారు. ప్రముఖ నిర్మాణ సంస్థ లైకా ప్రొడక్షన్స్ దీన్ని నిర్మిస్తోంది. విష్ణు విశాల్, విక్రాంత్ ఇందులో మెయిన్ హీరోస్. రజినీకాంత్ ఇందులో కీలక పాత్రలో నటిస్తున్నారు.
లాల్ సలాంలో రజినీ ముఖ్య పాత్రలో నటిస్తారనే సంగతి ముందుగానే బయటకు వచ్చింది. అయితే ఆయన పాత్ర ఎంత సేపు ఉంటుందనే దానిపై క్లారిటీ ఇప్పుడే వచ్చింది. రజినీకాంత్ పాత్ర కోసం మేకర్స్ 7 రోజులు కావాలని అడిగారట. అయితే ఆయన అడిగిన రెమ్యునరేషన్ షాకింగ్. ఎంతో తెలుసా! రోజుకు రూ.4 కోట్లు కావాలని రజినీకాంత్ డిమాండ్ చేశారు. అంటే వారం రోజులకు కలిపి రూ.28 కోట్లు అవుతాయి. అయితే మేకర్స్ దాన్ని రూ.25 కోట్లుగా నిర్ణయించి ఇవ్వటానికి రెడీ అయ్యారు. అప్పుడు తలైవా లాల్ సలాం సినిమాకు డేట్స్ కేటాయించారు. వారం రోజులకు ఈ రేంజ్లో డబ్బులు డిమాండ్ చేయటం, దానికి మేకర్స్ ఒప్పుకోవటం చూసిన కోలీవుడ్ వర్గాలు షాకవుతున్నాయి. ఫ్యాన్స్ మాత్రం దటీజ్ తలైవా అని అన్నారు.
ఇది కాకుండా లైకా ప్రొడక్షన్స్ బ్యానర్లో పూర్తి స్థాయి హీరోగా మరో సినిమా చేయబోతున్నారట. జై భీమ్ దర్శకుడు టి.జి.జ్ఞానవేల్ ఈ చిత్రాన్ని తెరకెక్కించబోతున్నట్లు వార్తలు వినిపిస్తున్నాయి. జైలర్ సినిమా పూర్తయిన తర్వాతే ఈ సినిమాకు సంబంధించిన అనౌన్స్మెంట్ రానుంది. ప్రస్తుతం రజినీకాంత్, టి.జి.జ్ఞానవేల్ మూవీకి సంబంధించిన ప్రీ ప్రొడక్షన్ కార్యక్రమాలు జరుగుతున్నాయి.
Share
Plant Doctors:అలా పిలవడం కరెక్ట్ కాదు..! తైవాన్ వైద్యుల వాదన..
Job: బట్టతలని జాబ్ తీసేస్తే.. 70 లక్షలు వసూల్.. చివర్లో ట్విస్ట్..
