RRR: ఇండియన్ సినిమా స్థాయిని మరో లెవెల్‌కి తీసుకెళ్లిన చిత్రం RRR. దర్శకధీరుడు ఎస్.ఎస్. రాజమౌళి ఈ సినిమా ద్వారా భారతీయ సినీ పరిశ్రమకు ప్రపంచవ్యాప్తంగా గొప్ప గుర్తింపు తీసుకువచ్చారు. మార్చి 25, 2022న విడుదలైన ఈ సినిమా ప్రపంచవ్యాప్తంగా భారీ వసూళ్లు సాధించింది. హాలీవుడ్‌లోనే కాకుండా, జపాన్, చైనా, కొరియా వంటి మార్కెట్లలోనూ RRR విజయఢంకా మోగించింది. ఇప్పుడు ఈ సినిమా రిలీజై మూడేళ్లు పూర్తవుతున్న వేళ, ఈ సినిమా సాధించిన ఘనతలు, ఎన్టీఆర్-చరణ్ మధ్య స్నేహం, రాజమౌళి క్రియేట్ చేసిన మ్యాజిక్‌ను సినీ అభిమానులు గుర్తు చేసుకుంటున్నారు.
రాజమౌళి విజన్ ఎప్పుడూ నేషనల్ లెవెల్‌కి మించి ఉంటుంది. బాహుబలితో ఇండియన్ సినిమా మార్కెట్‌ను విస్తరించిన ఆయన, RRRతో ఇండస్ట్రీని గ్లోబల్ లెవెల్‌కు తీసుకెళ్లారు. కొమరం భీమ్-అల్లూరి సీతారామరాజు పాత్రలను న్యాచురల్‌గా, ఎమోషనల్‌గా మలిచే విధానం అద్భుతంగా ఉంది. సినిమా కంటెంట్ గ్లోబల్ ఆడియన్స్‌కి కనెక్ట్ అయ్యేలా యాక్షన్, ఎమోషన్, బ్రదర్‌హుడ్ లాంటి ఎలిమెంట్స్ ని యాడ్ చేయడం రాజమౌళి స్పెషాలిటీ. హాలీవుడ్ ప్రఖ్యాత దర్శకులు, విమర్శకులు సైతం “RRR is a Masterpiece!” అంటూ పొగడ్తలతో ముంచెత్తారు.
ఎన్టీఆర్-రాజమౌళి కలయిక ఎప్పుడూ హిట్. స్టూడెంట్ నెం.1, సింహాద్రి, యమదొంగ వంటి చిత్రాలతో ఎన్టీఆర్ యాక్టింగ్ టాలెంట్‌ను కొత్త లెవెల్‌కి తీసుకెళ్లిన రాజమౌళి, RRRలో భీమ్ పాత్రను ఎన్టీఆర్‌కే పరిమితం చేశారు. కొమరం భీముడో పాటలో ఎన్టీఆర్ ఇచ్చిన పెర్ఫార్మెన్స్ ప్రపంచవ్యాప్తంగా సెన్సేషన్ అయ్యింది. విదేశీయులు కూడా ఈ పాటను అనేక ఫిల్మ్ ఫెస్టివల్స్‌లో స్టాండింగ్ ఓవేషన్ ఇచ్చారు.
రామ్ చరణ్ కోసం రాజమౌళి ప్లాన్ చేసిన సీతారామరాజు క్యారెక్టర్ చరణ్ కెరీర్‌ను మలుపుతిప్పేలా చేసింది. ఇంటెన్స్ లుక్స్, యాక్షన్ సీక్వెన్స్‌లు, ఫైర్ ఇమేజ్ – ఇవన్నీ కలిపి రామ్ చరణ్‌ను గ్లోబల్ స్టార్‌గా మార్చేశాయి. “RRR” రిలీజ్ తర్వాత రామ్ చరణ్‌కి హాలీవుడ్ నుంచి ఆఫర్స్ రావడం, అతనిపై ప్రత్యేక ఆర్టికల్స్ రావడం, అమెరికన్ మీడియా ఇంటర్వ్యూలు – ఇవన్నీ చరణ్ స్టార్డమ్ ఏ స్థాయికి వెళ్లిందో చెబుతున్నాయి.
సినిమా విడుదలయ్యాక అంతటి సక్సెస్ సాధించడానికి ప్రధాన కారణాల్లో నాటు నాటు పాట కూడా ఒకటి. ఈ పాటకు “బెస్ట్ ఒరిజినల్ సాంగ్” విభాగంలో ఆస్కార్ అవార్డ్ రావడం ఇండియన్ సినిమా గర్వించదగ్గ విషయం. ఎన్టీఆర్-చరణ్ కలిసి చేసిన స్టెప్పులకు గ్లోబల్ రేంజ్‌లో రెస్పాన్స్ వచ్చింది. సినిమా ప్రమోషన్ల సమయంలో ఎన్టీఆర్-చరణ్ మధ్య ఉన్న స్నేహం, బంధం, కెమిస్ట్రీ హాలీవుడ్ మీడియాను కూడా ఆకట్టుకుంది.
“RRR” సాధించిన ఘనతలు చాలా ఉన్నాయంటే అతిశయోక్తి కాదు. సినిమా ₹1200 కోట్ల పైగా వసూళ్లు రాబట్టింది. అంతర్జాతీయ స్థాయిలో “బెస్ట్ యాక్షన్ ఫిల్మ్”, “బెస్ట్ ఇంటర్నేషనల్ ఫిల్మ్” లాంటి అనేక అవార్డులను గెలుచుకుంది. అమెరికా, యూరప్, జపాన్, కొరియా వంటి దేశాల్లో ఇంకా ఈ సినిమాను చూసే ప్రేక్షకుల సంఖ్య రోజురోజుకీ పెరుగుతూనే ఉంది.
మొత్తానికి, “RRR” ఒక సినిమా కాదు, భారతీయ సినిమా స్థాయిని ప్రపంచానికి చాటిచెప్పిన చరిత్ర. రాజమౌళి, ఎన్టీఆర్, చరణ్ – ఈ ముగ్గురు కలిసి ఇండియన్ సినిమా గౌరవాన్ని మరో మెట్టుపైకి తీసుకెళ్లారు. రాబోయే రోజుల్లో RRR మించిన మూవీ వస్తుందా? అన్నది చూడాలి.
Share
Actress Anshu : పబ్లిసిటీ కోసం చెయ్యలేదు.. అసలు నిజం చెప్పిన హీరోయిన్..
US Visa Holders Under Surveillance: అమెరికాలో విదేశీయులు, వీసాదారులపై తీవ్ర నిఘా.. భారతీయులూ జాగ్రత్త!
