Aditi Rao Hydari Siddharth Marriage Date Fixed: నటుడు సిద్ధార్థ్ – నటి అదితి రావు హైదరి గత కొన్నేళ్లుగా డీప్ లవ్‌లో ఉన్న సంగతి తెలిసిందే. మహా సముద్రం సినిమా ద్వారా వీరిద్దరు స్నేహితులుగా పరిచయం అయ్యారు. ఈ మూవీలో సిద్, అదితి జంటగా నటించారు. అయితే సినిమా బెడిసి కొట్టినా.. వీళ్లిందరికి మాత్రం కలిసొచ్చిందనే చెప్పాలి. అయితే ఈ మూవీ తర్వాత స్నేహితులుగా ఉన్న ఈ జంట ప్రేమికులుగా మారిపోయారు.
ఇక అప్పట్నుంచి ముంబైలో చెట్టా పట్టాలేసుకుంటూ ఎంజాయ్ చేశారు. రెస్టారెంట్స్, హోటల్స్, మ్యారేజెస్, పార్టీలకు హాజరయ్యేవారు. ఆ మధ్య తరచూ వీరి గురించే చర్చ. అయినా ఈ జంట మాత్రం ఎప్పుడూ నోరు మెదపలేదు. వీరి డేటింగ్‌పై ఎన్నో కథనాలు, ఎన్నెన్నో కథలు జోరుగా సాగాయి. అయినా వీరు ఎప్పుడూ వాటిపై స్పందించలేదు. ఒకవేళ స్పందించాల్సి వచ్చినా.. తాము స్నేహితులం అనే చెప్పుకునే వారు.
అలాగే వీరి గురించి తరచూ వార్తలు చక్కర్లు కొట్టాయి. కానీ సడెన్‌గా వీరిద్దరూ ఆ రూమర్స్‌ను నిజం చేశారు. ఇటీవలే ఆ వార్తలను నిజం చేస్తూ.. ఇరు కుటుంబాల సమక్షంలో ఎంగేజ్మెంట్ చేసుకున్నారు. దీంతో సినీ ప్రియులు, అభిమానులు అంతా షాక్ అయ్యారు. తమ మధ్య ఏదీ లేదని చెబుతూనే ఎంగేజ్మెంట్ చేసుకున్నారంటూ కామెంట్ల వర్షం కురిపించారు.
Also Read: అదితితో సీక్రెట్‌గా ఎంగేజ్మెంట్.. తొలిసారి స్పందించిన సిద్ధార్థ్
అయితే సిద్ధార్థ్, అదితి నిశ్చితార్థం అయిపోయింది.. మరి మ్యారేజ్ ఎప్పుడని అంతా ఆసక్తిగా ఎదురుచూస్తున్నారు. ఈ నేపథ్యంలో తాజాగా వీరి పెళ్లికి సంబంధించి ఓ న్యూస్ బయటకొచ్చింది. త్వరలోనే ఈ లవ్ కపుల్ మ్యారేజ్ చేసుకోబోతున్నట్లు తెలుస్తోంది. ఈ ఏడాది డిసెంబర్‌లో సిద్ధార్థ్ – అదితిలు పెళ్లి పీటలెక్కే అవకాశం ఉందని గుస గుసలు వినిపిస్తున్నాయి. అంటే మరో ఐదు నెలల్లో వీరు వివాహ బంధంతో ఒక్కటి కాబోతున్నరు అన్న మాట.
అయితే త్వరలోనే పెళ్లి డేట్ ఫిక్స్ చేసే ఛాన్స్ ఉందని అంటున్నారు. ఇదిలా ఉంటే ప్రస్తుతం ఈ జంట జాలీగా ఎంజాయ్ చేస్తోంది. తాజాగా వీరిద్దరూ కలిసి వెకేషన్ ట్రిప్ ప్లాన్ చేశారు. ఇటలీలో ఈ ప్రేమ జంట విహరిస్తుంది. ప్రస్తుతం అందుకు సంబంధించిన ఫొటోలు సోషల్ మీడియాలో షేర్ చేయగా వెంటనే వైరల్‌గా మారిపోయాయి.
Share
iPhones Big Price Drop: క్రేజీ ప్రైస్ డ్రాప్.. చాలా చవకగా ఐఫోన్లు.. ఇదే మంచి టైమ్!
Mithila Palkar: కళ్లతో మాయ చేస్తున్న మిథిలా పాల్కర్
