Technician Out from Pushpa 2 Movie: ఏదో అనుకుంటే.. ఇంకేదో జరిగిందే అన్నట్లు.. ఇప్పటివరకు పుష్ప 2 మీద ఒక్క నెగెటివిటీ వచ్చింది లేదు. చాలా సాఫీగా పాజిటివ్ వైబ్స్ తో సాగిపోతుంది. మంచి హైప్ కూడా ఉంది.. ఆగస్టు 15 న అల్లు అర్జున్ మరో రికార్డును క్రియేట్ చేస్తాడు అనుకున్నారు. కానీ, అంతలోనే పుష్ప 2 నుంచి ఒక కీలక వ్యక్తి అవుట్ అంటూ వస్తున్న వార్తలు సంచలనం సృష్టిస్తున్నాయి. దాని వలన పుష్ప 2 వాయిదా పడే అవకాశం ఉందని కూడా చెప్పుకొస్తున్నారు.
అసలేం జరిగింది..? అని అంటే.. అల్లు అర్జున్- సుకుమార్ కాంబోలో వస్తున్న చిత్రం పుష్ప 2. ఇప్పటికే వీరి కాంబోలో వచ్చిన పుష్ప ఏ రేంజ్ హిట్ అందుకుందో ప్రత్యేకంగా చెప్పాల్సిన అవసరం లేదు. ఇక పుష్ప తరువాత బన్నీ ఏ సినిమాలో నటించకుండా.. పుష్ప 2 కోసమే కష్టపడుతూ వస్తున్నాడు. ఇప్పటికే ఈ చిత్రం నుంచి రిలీజైన పోస్టర్స్, సాంగ్ ఎంతటి సెన్సేషన్ క్రియేట్ చేసిందో అందరికి తెల్సిందే. ఆగస్టు 15 న ఈ సినిమా రిలీజ్ కు మేకర్స్ పక్కాగా ప్లాన్ చేశారు.
ఇక ఇప్పటికే షూటింగ్ ను ఫినిష్ చేసే పనిలో పడ్డారు. ఈ నేపథ్యంలోనే పుష్ప 2 సినిమా ఎడిటర్ లివింగ్స్టన్ ఆంటోనీ రూబెన్ సినిమా నుంచి తప్పుకున్నట్లు వార్తలు వినిపిస్తున్నాయి. డేట్స్ విషయంలో వచ్చిన విబేధాల వలన రూబెన్ తప్పుకున్నాడట.
Also Read: Nagababu: నాగబాబు వర్సెస్ అల్లు అర్జున్.. ఇప్పట్లో ఆగేలా లేదే.. ?
ఇక అయన ప్లేస్ లో నవీన్ నూలిని తీసుకున్నట్లు తెలుస్తోంది. ఇదే కనుక నిజమైతే పుష్ప 2 వాయిదా పడే అవకాశాలు ఎక్కువగానే కనిపిస్తున్నాయి. ఇక ఈ విషయం తెలియడంతో ఫ్యాన్స్ లో ఆందోళన మొదలయ్యింది. గుంటూరు కారం సినిమాలా ఇది కూడా అవ్వదుగా అని కామెంట్స్ చేస్తున్నారు. మరి ఇందులో నిజమెంత అనేది తెలియాల్సి ఉంది.
Share
Rain Effect to SRH - GT Match: హైదరాబాద్ మ్యాచ్ కి వర్షం దెబ్బ.. ప్లే ఆఫ్ ముచ్చటేంటి?
EC Meeting with AP CS, DGP: ఢిల్లీలో ఈసీతో ముగిసిన ఏపీ సీఎస్, డీజీపీ సమావేశం..!
