Tiger 3 Movie : అడ్వాన్స్ బుకింగ్స్ తో దంచి కొడుతున్న సల్మాన్ మూవీ..

Tiger 3 Movie : బాలీవుడ్ బ్లాక్ బస్టర్ మూవీ టైగర్ సీక్వెల్ గా రాబోతున్న మూవీ టైగర్ 3. బాలీవుడ్ కండల వీరుడు సల్మాన్ ఖాన్, కత్రినా కైఫ్ కాంబినేషన్ లో క్రేజీగా వస్తున్న ఈ చిత్రం పై అంచనాలు భారీగా ఉన్నాయి. దీపావళి కానుకగా విడుదలవుతున్న ఈ స్పై చిత్రం విడుదలకు ముందే కొత్త రికార్డులు సృష్టిస్తోంది. రిలీజ్ కూడా కాకముందే ఈ మూవీ ఊహించని అడ్వాన్స్ బుకింగ్ తో దూసుకుపోతోంది.

స్పై మూవీ అంటేనే బయట దేశాల్లో ఎంతో కొంత షూటింగ్ ఉంటుంది.. మరి టైగర్ మూవీ అంటే భారీ బడ్జెట్ కామనే కదా. ఇంతకుముందు చిత్రాలకు మించి ఈ మూవీ షూటింగ్ పలు దేశాలలో చిత్రీకరించడం జరిగింది. క్వాలిటీ దగ్గర నుంచి యాక్షన్ సన్నివేశాల చిత్రీకరణ వరకు మేకర్స్ ఎక్కడ తగ్గకపోవడంతో మూవీ బడ్జెట్ భారీగానే అయింది. షూటింగ్, సినిమా రెమ్యూనరేషన్, ప్రమోషన్ ఖర్చులు అన్నీ కలిపి ఈ చిత్రం బడ్జెట్ సుమారు 300 కోట్లు ఉండవచ్చని అంచనా.

అయితే ఈ చిత్రానికి సంబంధించిన అడ్వాన్స్ బుకింగ్ కూడా అదే రేంజ్ లో జరుగుతున్నాయి.అమెరికా, కెనడా తో కలిపి సుమారు నాలుగు కోట్లు వసూళ్లు కాగా..యూఏఈ, మిడిల్ ఈస్ట్, యూకేలో కూడా భారీ వస్తువులు అడ్వాన్స్ బుకింగ్స్ రూపంలో నమోదయ్యాయి. ప్రపంచవ్యాప్తంగా టైగర్ 3 సినిమా 1.2 మిలియన్ డాలర్స్ వసూలు రాబట్టింది. అంటే భారతీయ కరెన్సీలో ఇప్పటి వరకు ఈ మూవీ 10 కోట్ల రూపాయలు వసూలు చేసింది.

ఇక టికెట్ల అమ్మకాల విషయానికి వస్తే.. ఇప్పటి వరకు 225000 టికెట్లను మల్టీ‌ప్లెక్స్‌లో అమ్ముడుపోయాయి. సెకండ్ డే కి కూడా 1 లక్ష టికెట్ల వరకు అమ్ముడుపోయాయని ట్రేడ్ వర్గాలు వెల్లడించాయి. అంతేకాదు టైగర్ 3 మూవీ సల్మాన్ కెరీర్‌లో అత్యధిక వసూళ్లు సాధించిన చిత్రాల్లో ఒకటిగా నిలిచే ఛాన్స్ ఉంది అని టాక్. ఈ మూవీ ప్రపంచవ్యాప్తంగా ఫస్ట్ డే కలక్షన్స్ 40 కోట్ల వరకు వసూలు అవుతుందని ట్రేడ్ వర్గాలు అంచనా. విడుదలయ్యాక పాజిటివ్ టాక్ వస్తే కలెక్షన్స్ రేంజ్ మరింత పెరిగే అవకాశం ఉంది.