Top Directors Sequels: విశ్వనటుడు కమలహాసన్, టాప్ డైరెక్టర్ శంకర్ కాంబినేషన్‌లో వచ్చిన లేటెస్ట్ మూవీ ‘భారతీయుడు-2’. ఈ మూవీ జూలై 12న ప్రపంచ వ్యాప్తంగా విడుదలైంది. కాగా, 1996లో వచ్చిన ‘భారతీయుడు’కి సీక్వెల్ తీశారు. దాదాపు 28 ఏళ్ల తర్వాత మళ్లీ అదే డైరెక్టర్, హీరో కలిసి పనిచేశారు. భారీ అంచనాల మధ్య విడుదలైన ఈ సినిమాలో శంకర్ మార్క్ కనిపించ లేదని ఫస్ట్ డే నెగిటివ్ టాక్ తెచ్చుకుంది.
డైరెక్టర్ శంకర్ అంటే ఇండియా మొత్తం తెలుసు. ఎన్నో విజయవంతమైన చిత్రాలతో అలరించాడు. అయితే భారీ అంచనాల మధ్య రిలీజైన స్వీకెల్ చిత్రం భారతీయుడు 2 నిరాశపరిచింది. ఇంకా చెప్పాలంటే.. ఈ సినిమాలో శంకర్ మార్క్ కనపడలేదని, భారతీయుడు సీక్వెల్ నిరాశపరిచిందని టాక్ వినిపిస్తోంది. అంటే రోబో 2 లాగే శంకర్ సీక్వెల్ ప్లాన్ మళ్లీ వర్కవుట్ కాలేదా అనిపిస్తోంది.
ఇదిలా ఉండగా.. ఇప్పటివరకు టాప్ డైరెక్టర్స్ తీసిన సీక్వెల్ చిత్రాలు వర్కవుట్ కావట్లేదని తెలుస్తోంది. అంతకుముందు డైరెక్టర్ సురేందర్ రెడ్డి తీసిన ‘కిక్’రవితేజ సినిమాల్లో బిగ్గెస్ట్ హిట్ మూవీగా నిలిచింది. కొంతకాలం తర్వాత ఆ సినిమాకు సీక్వెల్ తీయాలనే ఆలోచనతో కిక్ 2 తీశారు. కానీ ఆ మూవీ అంతగా సక్సెస్ కాలేదు.
ఇక టాప్ డైరెక్టర్ సుకుమార్ దర్శకత్వంలో వచ్చిన ‘ఆర్య’ సినిమా సుకుమార్‌కి, అల్లు అర్జున్‌కి మంచి టర్నింగ్ పాయింట్ ఇచ్చింది. అయితే ఈ సినిమా విజయం చూశాక దీనికి సీక్వెల్ చేయాలనుకున్నారు. దీంతో ‘ఆర్య 2’ తీశారు. కానీ అది ఫ్లాప్ అయింది. మళ్లీ ఈ ఇద్దరి కాంబినేషన్‌లో వచ్చిన పుష్ప బిగ్గెస్ట్ హిట్ అయింది. ప్రస్తుతం దీనికి సీక్వెల్‌గా ‘పుష్ప 2’ వస్తుంది. మరి ఇది సక్సెస్ అవుతుందా లేదా చూడాలి మరి.
ఇదిలా ఉంటే..శంకర్ తదుపరి చిత్రం రామ్ చరణ్ గేమ్ చేంజర్ రాబోతుంది. ఈ భారతీయుడు 2 ఎఫెక్ట్ గేమ్ చేంజర్ సినిమాపై పడుతుందా? అనే ప్రశ్న తలెత్తుతోంది. ఈ విషయం తెలియాలంటే మరికొన్ని రోజులు వెయిట్ చేయాల్సిందే.
Share
Nepal's prime minister: విశ్వాస పరీక్షలో ఓడిపోయిన ప్రచండ..కుప్పకూలిన నేపాల్ ప్రభుత్వం
India vs Zimbabwe 4th T20: జింబాబ్వేతో మరో పోరుకు సిద్ధమైన భారత్.. నేడు నాలుగో టీ20 మ్యాచ్!
