America : అమెరికాలో మరోసారి గర్జించిన గన్.. 8 మంది మృతి..

America : అమెరికాలో మరోసారి కాల్పుల మోత మోగింది. ఇల్లినాయిస్‌ రాష్ట్రంలో జోలియెట్‌ ప్రాంతంలో గుర్తు తెలియని వ్యక్తి కాల్పులు జరిపాడు. ఈ కాల్పుల్లో ఎనిమిది మంది అక్కడిక్కడే మృతి చెందారు. దుండగుడు రెండు ఇళ్లపై కాల్పులు జరిపాడు. స్థానికులు ఇచ్చిన సమాచారంతో ఘటన స్థలానికి చేరుకున్న పోలీసులు.. కేసు నమోదు చేసి దర్యాప్తు చేపట్టారు. కాల్పులు జరిపిన వ్యక్తిని రోమియో నాన్స్‌గా గుర్తించారు.

కాగా.. నిందితుడికి మరణించిన వారితో ముందు నుంచే పరిచయం ఉన్నట్లు పోలీసులు అనుమానిస్తున్నారు. అయితే కాల్పుల ఘటన ఆలస్యంగా వెలుగులోకి వచ్చింది. నిందితుడు వద్ద మరిన్ని మారణాయుధాల ఉన్నట్లు పోలీసులు గుర్తించారు. ఎరుపు రంగు టయోటా కారులో తప్పించుకు తిరుగుతున్నట్లు పోలీసులు ప్రకటించారు. నిందితుడి కోసం పోలీసులు పలు బృందాలుగా ఏర్పడి గాలింపు చర్యలు చేపట్టారు. అతని ఆచూకీ ఎవరికైనా తెలిస్తే తమకు సమాచారం ఇవ్వాలని పోలీసులు ప్రజలను కోరారు.

Share

• 
• 
• 
• 
• 
•