Indigo: విమానాల్లో కేటుగాళ్లు ఎక్కువైపోతున్నారు. వికృతచేష్టలతో ప్రయాణికులను ఇబ్బందులకు గురి చేస్తున్నారు. ఇటీవల ఓ ప్రయాణికుడు తోటి ప్రయాణికుడిపై మూత్రవిసర్జన చేశాడు. రెండు రోజుల క్రితం మరో విమానంలో ఓ ప్రయాణికుడు వాంతులు చేసుకోవడంతో పాటు డోర్ దగ్గర మలమూత్ర విసర్జన చేశాడు. ఈ ఘటనలు మరువక ముందే మరో సంఘటన చోటుచేసుకుంది.
బ్యాంకాక్ నుంచి ముంబై వెళ్తున్న ఇండిగో విమానంలో ఓ ప్రయాణికుడి ఎయిర్‌హోస్టెస్ పట్ల అసభ్యకరంగా ప్రవర్తించాడు. ఫుడ్‌ బిల్ కోసం ఎయిర్‌హోస్టెస్ పీఓఎస్ మెషిన్ తీసుకొని ప్రయాణికుడి వద్దకు వెళ్లింది. ఆ సమయంలో ఆమెను ప్రయాణికుడు ప్రైవేట్ భాగాల్లో తాకాడు. అంతటితో ఆగకుండా అందరి ముందే ఆమెను వేధించాడు.
ఎయిర్‌హోస్టెస్ పైలెట్‌కు జరిగిన విషయాన్ని వెల్లడించింది. దీంతో ముంబైలో ల్యాండ్ అయిన తర్వాత ఎయిర్‌పోర్టు పోలీసులకు పైలెట్ కంప్లైంట్ చేశాడు. ఈ మేరకు పోలీసులు సదరు ప్రయాణికుడిని అదుపులోకి తీసుకున్నారు. నిందితుడు స్వీడన్‌కు చెందిన 62 ఏళ్ల క్లాస్ ఎరిక్ ఎరాల్డ్ జొనాస్ వెస్ట్‌బర్గ్‌గా గుర్తించారు.
Share
KVP: జగన్తో దూరం ఎందుకంటే.. కేవీపీ క్లారిటీ!
BRS: 50 ఇయర్స్ ఇండస్ట్రీ.. గులాబీ పార్టీలోకి మరాఠా నేతలు..
