Astrazeneca covid vaccine news(Current news in World): ప్రముఖ ఫార్మాస్యూటికల్ దిగ్గజమైన ఆస్ట్రాజెనెకా.. తాను రూపొందించిన కోవిడ్ వ్యాక్సిన్ కొవిషీల్డ్ వల్ల సైడ్ ఎఫెక్ట్స్ ఉన్నాయని, బ్రెయిన్ స్ట్రోక్, హార్ట్ స్ట్రోక్ తో మరికొన్ని అనారోగ్యాలకు కారణమవుతుందని లండన్ కోర్టులో అంగీకరించిన విషయం తెలిసిందే. అయితే తాజాగా ఆస్ట్రాజెనెకా కొవిడ్ వ్యాక్సిన్ పై కీలక ప్రకటన చేసింది. వాణిజ్య కారణాలతో మార్కెట్ల నుంచి తొలగిస్తున్నట్లు ఫార్మా దిగ్గజం తెలిపింది.
ఇకపై వ్యాక్సిన్ ను తయారు చేయడం, సరఫరా చేయడం వంటివి ఉండవని మంగళవారం ఒక ప్రకటనలో తెలిపింది. దీనిని ఒక కో-ఇన్సిడెన్స్ గా పేర్కొంది. టీకా TTS – థ్రోంబోసిస్ థ్రోంబోసైటోపెనియా సిండ్రోమ్కు కారణమవుతుందన్న కారణంతో మాత్రం సరఫరాను నిలిపివేయడం లేదని స్పష్టంగా చెప్పింది. కోవిడ్ వ్యాక్సిన్ ఉపసంహరణ దరఖాస్తు మార్చి 5న సమర్పించగా.. ఇది మంగళవారం (మే 7) నుంచి అమల్లోకి వచ్చింది.
Also Read : కోవిడ్ వ్యాక్సిన్ కు గడ్డకడుతున్న రక్తం.. నిజమేనని అంగీకరించిన ఆస్ట్రాజెనెకా..!
టీకాను వినియోగిస్తున్న ప్రపంచ దేశాల మార్కెట్ల నుంచి కూడా ఆస్ట్రాజెనెకా తన వ్యాక్సిన్ ను ఉపసంహరించుకోనుంది. కొవిషీల్డ్ టీకా అందుబాటులోకి వచ్చిన మొదటి సంవత్సరం.. ప్రపంచవ్యాప్తంగా 3 బిలియన్ డోస్ లను సరఫరా చేసి.. 6.5 మిలియన్ల మంది ప్రాణాలను రక్షించామని ఆస్ట్రాజెనెకా చెప్పింది. టీకా ఉపసంహరణకు వాణిజ్య పరమైన కారణాలను చూపించినా.. అసలు కారణం మాత్రం దుష్ప్రభావమేనని తెలుస్తోంది.
Share
Harirama Jogaiah Comments: పవన్ పదవిపై జోగయ్య జోస్యం..
PM Modi Vs CM Jagan: మోదీ ధమ్కీ! జగన్ తుస్!!
