Australia PM Second Marriage : ఆస్ట్రేలియా ప్రధాని ఆంథోని అల్బనీస్ మళ్లీ పెళ్లి చేసుకోబోతున్నారు. జోడీ హైడన్ అనే మహిళతో ఎంగేజ్మెంట్ జరిగింది. ఈ విషయాన్ని ఆసీస్ పీఎం స్వయంగా వెల్లడించారు. సోషల్ మీడియా వేదికగా ఈ విషయాన్ని బయటపెట్టారు. జోడి హైడన్ తో కలిసి దిగిన సెల్ఫీని అంథోని అల్బనీస్ పోస్ట్ చేశారు. ఆమె అంగీకారం తెలిపిందని ఆ పోస్టులో పేర్కొన్నారు. మళ్లీ వివాహం చేసుకోబోతున్న అల్బనీస్ కు ఆస్ట్రేలియాలోని అధికార, ప్రతిపక్ష లీడర్ విషెస్ చెప్పారు. పదవిలో ఉన్న సమయంలో ఓ ఆస్ట్రేలియా ప్రధాని వివాహం చేసుకోవడం ఆ దేశ చరిత్ర ఇదే తొలిసారి కావడం విశేషం..
ఆస్ట్రేలియా ప్రధాని ఆంథోని అల్బనీస్ వయస్సు 60 ఏళ్లు. న్యూ సౌత్ వేల్స్ డిప్యూటీ ప్రీమియర్ కార్మెల్ టెబట్ను తొలుత వివాహం చేసుకున్నారు. 2000లో వారి పెళ్లి జరిగింది. ఈ జంటకు 23 ఏళ్ల కుమారుడు కూడా ఉన్నారు. అయితే 19 ఏళ్ల వివాహ బంధానికి 2019లో ముగింపు పలికారు. అంథోని అల్బనీస్, కార్మెల్ టెబట్ జంట విడాకులు తీసుకున్నారు.
Read More: మిడతల దండయాత్ర.. కారణమిదే!
2020లో మెల్బోర్న్లో జరిగిన బిజినెస్ డిన్నర్లో హైడన్తో ఆంథోని అల్బనీస్ కు పరిచయం ఏర్పడింది. ఈ స్నేహం ప్రేమగా మారింది. నాలుగేళ్లుగా అల్బనీస్, హైడెన్ ప్రేమలో ఉన్నారు.ఇద్దరూ సహజీవనం కూడా చేస్తున్నారు. 2022లో జరిగిన ఫెడరల్ ఎన్నికల సమయంలోనూ అల్బనీస్ తో కలిసి హైడెన్ ప్రచారంలో పాల్గొన్నారు. ఆ ఎన్నికల్లో ప్రధానిగా ఆంథోని అల్బనీస్ విజయం సాధించారు. అప్పటి నుంచి ఆయన అధికారిక పర్యటనలకు హైడెన్ ను వెంట తీసుకెళుతున్నారు. ప్రస్తుతం ఆమె న్యూ సౌత్ వేల్స్ పబ్లిక్ సర్వీస్ అసోసియేషన్లో అధికారిణిగా పనిచేస్తున్నారు.
Share
mXmoto M16 e-bike: ‘ఎంఎక్స్ మోటో ఎం 16’ ఎలక్ట్రిక్ బైక్ లాంచ్.. లుక్ అదిరింది.. ధర చాలా తక్కువ గురూ!
Sarfaraz Khans: ఎన్నాళ్లో వేచిన ఉదయం.. టీమిండియాలోకి సర్ఫరాజ్.. తండ్రి భావోద్వేగం..!
