Joe Biden: 2024లో జరగనున్న అమెరికా అధ్యక్ష ఎన్నికల్లో రిపబ్లికన్ పార్టీ తరుపున పోటీ చేయనున్నట్లు ఆ దేశ మాజీ అధ్యక్షుడు డొనాల్డ్ ట్రంప్ ప్రకటించిన విషయం తెలిసిందే. ఇప్పటికే ప్రచారం కూడా మొదలుపెట్టారు. ఇటీవల ఇండోఅమెరికన్, రిపబ్లికన్ పార్టీ నేత నిక్కీ హేలీ కూడా అధ్యక్ష ఎన్నికల బరిలో నిలువనున్నట్లు ప్రకటించారు.
తాజాగా అమెరికా అధ్యక్షుడు జో బైడెన్ కూడా ఈ ఎన్నికల్లో పోటీచేయనున్నట్లు సంకేతాలు వదిలారు. డెమోక్రటిక్ పార్టీ జాతీయ సమావేశంలో మాట్లాడుతూ… ‘‘మా ప్రభుత్వం దేశ ఆర్థిక వ్యవస్థను బలోపేతం చేసింది. అనేక మౌలిక వసతుల నిర్మాణాన్ని పూర్తిచేశాం. ఆరోగ్య సేవలను మెరుగు పరిచాం. హరిత సాంకేతికతలపై పెద్దఎత్తున పెట్టుబడులు పెట్టాం. మిమ్మల్ని ఒక ప్రశ్న అడగాలనుకుంటున్నాను.. మీరు నాకు అండగా ఉన్నారా?’’ అని అన్నారు. దీంతో పార్టీ ప్రతినిధులు ‘మరో నాలుగేళ్లు.. మరో నాలుగేళ్లు’ అంటూ నినాదాలు చేశారు.
Share
Deeparadhana:వెండి కుందిలో దీపారాధన చేస్తున్నారా….
Robot: వాసనలు పసిగట్టే రోబో వచ్చేసింది
