Mojtaba Khamenei: ఇరాన్ కొత్త సుప్రీం మొజ్తబా ఖమేనీ ఆరోగ్యం మాటేంటి? అంతర్జాతీయ మీడియాలో కథనాలు వెనుక అసలు కథేంటి? ఖమేని గురించి కొత్త వీడియో ఒకటి విడుదలైంది. ఈ తరహా వీడియో ఎప్పుడూ రాలేదు. ఆయన ఆరోగ్యంగా ఉన్నప్పుడు, ఎందుకు ప్రజల ముందుకు రావడం లేదని చాలామంది ప్రశ్నిస్తున్నారు. ఇరాన్ న్యూస్ ఛానెల్ విడుదల ఈ వీడియోపై రకరకాల వార్తలు వస్తున్నాయి.
ఇరాక్ కొత్త సుప్రీం మొజ్తబా ఖమేనీ ఆరోగ్యం ఎప్పుడు వార్తలు వచ్చినా రకరకాలుగా వీడియోల్లో కనిపిస్తున్నారు. అందులో మర్మమేంటో ఎవరికీ తెలీదు. ఆయన ఆరోగ్య పరిస్థితి విషమంగా ఉందంటూ అంతర్జాతీయ మీడియో కోడై కూసిన వేళ, ఆయన ఈసారి వెరైటీగా దర్శనమిచ్చారు. ఈ మేరకు ఇరాన్ అన‌ధికారిక మెహ‌ర్ న్యూస్ ఏజెన్సీ.. ఆ వీడియో సోష‌ల్ మీడియాలో పోస్టు చేసింది.
ఆ వీడియోలో మొజ్తఖా ఖమేనీ ఆరోగ్యంగా క‌నిపించారు. త‌న అనుచ‌రుల‌తో కొన్ని విషయాలు మాట్లాడుతున్నట్లు ఉంది. పలు సూచ‌న‌లు ఇస్తున్నట్లు ఉన్నారు. ఆయన తండ్రి అయితుల్లా ఖమేనీ కూడా అదే విధంగా సమయం, సందర్భం వచ్చినప్పుడు కనిపించేవారు. తండ్రి అడుగుజాడల్లో అడుగులు వేస్తున్నట్లు తెలుస్తోంది.
మొజ్తబా ఖమేనీకి సంబంధించిన వీడియో ఖచ్చితమైన తేదీ ఇంకా నిర్ధారించలేదు. మొజ్తబా పరిస్థితి విషమంగా ఉందని ఇజ్రాయెల్ మీడియా పేర్కొంది. ఆయన ఆరోగ్యంపై నాయకత్వం తీవ్ర ఆందోళన చెందుతోందని ఇజ్రాయెల్ ఛానల్ 14, ది జెరూసలేం పోస్ట్ పేర్కొన్నాయి. వదంతులను ఖండించడానికే ఇరాన్ ప్రభుత్వం ఈ వీడియో రిలీజ్ చేస్తున్నట్లు భావిస్తున్నారు.
ఇరాన్ అధ్యక్షుడు మసూద్ పెజెష్కియాన్ టీవీ ఇంటర్వ్యూలో మొజ్తబా ఖమేనీ గురించి కొన్ని విషయాలు బయటపెట్టారు. ఆయన ప్రత్యక్ష సంబంధం చాలా కష్టమని చెప్పకనే చెప్పారు. ఆయన ఉనికి దేశానికి ఒక ప్రధాన బలమని చెప్పారు. విదేశీ మీడియా, సౌదీ అరేబియా వార్తా సంస్థ అల్-హదత్.. ఖమేనీ ఇరాన్‌లో లేరని పేర్కొన్నాయి.
ఈ ఏడాది ఫిబ్రవరి 28న యుద్ధం మొదలైన నుంచి ఖమేనీ ఒక్కసారి బహిరంగంగా కనిపించలేదు. బాంబు దాడుల్లో ఆయన తీవ్రంగా గాయపడ్డారని వార్తలు వచ్చాయి. ఆ ఘటనతో అయితుల్లా ఖమేనీతోపాటు కీలక నేతలంతా హతమయ్యారు. చివరకు కుటుంబసభ్యులను సైతం కోల్పోయారు మొజ్తజా ఖమేని.
ALSO READ: ట్రంప్ ప్రభుత్వం న్యూ ఇమిగ్రేషన్ పాలసీ.. టార్గెట్ H-1B వీసాదారులు
యుద్ధం జోరుగా జరుగుతున్న సమయంలో ఆయన ఆడియోను ఇరాన్ అధికారిక టీవీ విడుదల చేసింది. ఆ తర్వాత ఈ తరహా వీడియో విడుదల కావడం ఇదే తొలిసారి. అసలే ఏఐ టెక్నాలజీ రాజ్యమేలుతున్న ఈ సమయంలో అసలేదో.. నిజం వీడియో లేదో తెలియని పరిస్థితులు నెలకున్నాయి. తాజా వీడియోపై ఇరాన్ పాలకులు ఏమంటారో వెయిట్ అండ్ సీ.
Iran’s Mehr RELEASES VIDEO of Supreme Leader Mojtaba Khamenei for ‘FIRST TIME’ pic.twitter.com/v3Rp81VfLH
— RT (@RT_com) August 8, 2026
Share
మెరిసే చర్మం, జ్ఞాపకశక్తి, యాంటీ ఆక్సిడెంట్ ఇంకా ఎన్నో.. ఈ సూపర్ మొక్క దివ్య ఔషధం
నల్ల జాతీయులను సెల‌క్ట్ చేయొద్దు..ద‌క్షిణాఫ్రికా క్రికెట‌ర్ల‌పై పీట‌ర్సన్ సంచ‌ల‌నం !
