New York: విమానాన్ని ఢీ కొట్టిన డ్రోన్.. చివరకు ఏమైంది?

New York: ప్రపంచ వ్యాప్తంగా ఇప్పుడు డ్రోన్ల యుగం నడుస్తోంది. పార్టీ, ఫంక్షన్లు, పెళ్లిళ్లు ఇలా చూసినా వెరైటీ డ్రోన్లను ఉపయోగిస్తున్నారు. ఒక్కోసారి అది ప్రమాదాలను తెచ్చిపెడుతుంది కూడా. సరిగ్గా అమెరికాలో అదే జరిగింది. ఓ డ్రోన్ నేరుగా వెళ్లి విమానాన్ని ఢీ కొట్టింది. చివరకు ఏమైంది?

న్యూయార్క్ ఎయిర్‌పోర్టు పరిసరాల్లో విమానాన్ని ఢీ కొట్టిన డ్రోన్

అమెరికాలో ఓ విమానానికి పెను ప్రమాదం తప్పింది. అక్కడి కాలమాన ప్రకారం ఈ ఉదయం ల్యాండింగ్‌కు సిద్ధమవుతున్న జెట్‌ బ్లూ ఎయిర్‌లైన్స్‌ కు చెందిన విమానాన్ని న్యూయార్క్‌లోని జేఎఫ్‌కే ఇంటర్నేషనల్‌ ఎయిర్ పోర్టులో దిగేందుకు రెడీ అవుతోంది. ఈలోగా విమానాశ్రయ సమీపంలో డ్రోన్‌.. ఆ విమానాన్ని ఢీ కొట్టింది.

లాస్‌ వెగాస్‌ నుంచి వస్తున్న జెట్ బ్లూ విమానం భూమికి మూడు వేల అడుగుల ఎత్తులో ఉండగా ఈ ఘటన జరిగింది. ఘటన సమయంలో విమానంలో 159 మంది ప్రయాణికులు ఉన్నట్లు సమాచారం. విమాన కాక్‌పిట్‌ బయట భాగాన్ని డ్రోన్‌ బలంగా తాకింది. ఈ విషయాన్ని పైలట్‌.. ఎయిర్‌ ట్రాఫిక్‌ కంట్రోలర్‌‌కు తెలిపాడు. అదృష్టవశాత్తు ఎలాంటి ప్రమాదం జరగలేదు.

ఘటన సమయంలో విమానంలో 159 మంది ప్రయాణికులు

చివరకు విమానం సురక్షితంగా ల్యాండ్‌ అయ్యింది. ఈ విషయాన్ని జెట్‌ బ్లూ ఏయిర్‌లైన్స్‌ స్వయంగా వెల్లడించింది. ఈ ఘటనపై ఫెడరల్‌ ఏవియేషన్‌ అడ్మినిస్ట్రేషన్‌ దర్యాప్తు మొదలుపెట్టింది. ఎయిర్ పోర్టు పరిసరాల్లో ప్రతి నెలా 100 డ్రోన్లను గుర్తిస్తున్నామని ఎయిర్ పోర్టు అథారిటీ చెబుతోంది. నిషేధిత గగనతలంలో ఎగరవేస్తే లైసెన్స్‌ రద్దు చేయడంతోపాటు కఠిన చర్యలు తీసుకుంటామని హెచ్చరించింది ఎఫ్‌ఏఏ.