HMD Blackberry Style Phone: నోస్టాల్జియా ఫీలింగ్ను అందిస్తూ సరికొత్త ఫోన్లను పరిచయం చేయడంలో హెచ్ఎండీ (HMD) గ్లోబల్ ఎప్పుడూ ముందుంటుంది. తాజాగా ఈ సంస్థ క్లాసిక్ బ్లాక్బెర్రీ ఫోన్ల డిజైన్ను తలపించేలా ఒక సరికొత్త ఫీచర్ ఫోన్ను తీసుకురావడానికి ప్లాన్ చేస్తోంది. దీనికి సంబంధించిన డిజైన్ స్కెచ్లు ప్రస్తుతం ఇంటర్నెట్లో తెగ హల్చల్ చేస్తున్నాయి.
లీకైన వివరాల ప్రకారం.. ఈ కొత్త ఫోన్ గుండ్రటి అంచులతో, కాంపాక్ట్ సైజులో చాలా స్టైలిష్గా కనిపిస్తోంది. దీనిలో సాంప్రదాయ T9 కీప్యాడ్తో పాటు ఫ్లిప్ డిజైన్ను అందించడం విశేషం. అంతేకాదు.. ఈ ఫ్లిప్ స్క్రీన్ టచ్ సపోర్ట్తో రాబోతున్నట్లు సమాచారం. అంటే యూజర్లు అటు ఫిజికల్ కీస్ వాడుతూనే, ఇటు టచ్ స్క్రీన్ అనుభూతిని కూడా పొందవచ్చు.
Also Read: శీతాకాలం వచ్చేస్తోంది.. కరెంట్ బిల్లు తక్కువ వచ్చే టాప్-7 బెస్ట్ గీజర్లు ఇవే, ధర కూడా బడ్జెట్లోనే!
సాధారణ ఫీచర్ ఫోన్ల కంటే స్మార్ట్గా, అదే సమయంలో స్మార్ట్ఫోన్ల లాగా తలనొప్పి లేకుండా ఉండేలా హెచ్ఎండీ దీనిని రూపొందిస్తోంది. ఇది RTOS టచ్ ఆపరేటింగ్ సిస్టమ్పై పనిచేస్తుంది. దీనివల్ల క్లౌడ్ ఫోన్ సర్వీసెస్ ద్వారా ఎక్స్ప్రెస్ చాట్, న్యూస్, వెదర్, వీడియో స్ట్రీమింగ్ వంటి బ్రౌజర్ ఆధారిత యాప్స్ను సులభంగా వాడుకోవచ్చు.
ఈ ఫోన్ ధర, పూర్తి స్పెసిఫికేషన్లు ఇంకా తెలియాల్సి ఉన్నప్పటికీ.. దీనిలో ఉండే ఆపరేటింగ్ సిస్టమ్ వల్ల బ్యాటరీ ఎక్కువ గంటల పాటు వస్తుంది. ఎలాంటి డిస్ట్రాక్షన్స్ లేకుండా ప్రశాంతంగా ఫోన్ వాడుకోవాలనుకునే వారికి, అలాగే సెకండరీ డివైజ్ కావాలనుకునే వారికి ఇది ఒక బెస్ట్ ఆప్షన్ కానుంది.
కనెక్టివిటీ, ఏఐ అసిస్టెన్స్, యాక్సెసిబిలిటీ వంటి ఫీచర్లతో ఫీచర్ ఫోన్ల ప్రపంచాన్ని మార్చేయాలని హెచ్ఎండీ లక్ష్యంగా పెట్టుకుంది. టెక్నాలజీకి దూరంగా ఉండే సామాన్యులకు కూడా ఆధునిక ఫీచర్లను అందుబాటులోకి తేవాలనే కంపెనీ ఆలోచనకు తగ్గట్లే ఈ సరికొత్త మిస్టరీ ఫ్లిప్ ఫోన్ రూపుదిద్దుకుంటోంది.
Also Read: ఈ సరికొత్త Xiaomi TV అడ్వాన్స్డ్ ఫీచర్లు చూసాక.. సాధారణ LED TV కొనాలనిపించదు.. ఎందుకంటే?
Share
New York: విమానాన్ని ఢీ కొట్టిన డ్రోన్.. చివరకు ఏమైంది?
నిప్పులు కాదండోయ్.. ఈ అగ్నిపర్వతం కురిపించేది అచ్చమైన బంగారం.. ఎక్కడుందో తెలుసా?
