Trump Assassination Attempt: హత్యాయత్నం తరువాత ట్రంప్ స్పందన.. షూటర్‌ని కాల్చివేసిన సీక్రెట్ సర్వీస్..!

Trump Assassination Attempt:అమెరికా మాజీ అధ్యక్షుడు డొనాల్డ్ ట్రంప్ పై శనివారం సాయంత్రం హత్యాయత్నం జరిగింది. ఆయన పెన్సిల్వేనియాలో ఎన్నికల ప్రచారం నిర్వహిస్తుండగా.. పరిసరాల్లో ఓ బిల్డింగ్ పై నుంచి ఓ షూటర్ ఆయనను తుపాకీతో కాల్చాడు.

సాయంత్రం స్థానికి సమయం 6.15 గంటలకు జరిగిన ఈ ఘటనలో 78 ఏళ్ల ట్రంప్ కు బుల్లెట్ గాయమైంది. ట్రంప్ కుడి చెవిపై భాగానికి బుల్లెట్ గాయమైంది. ప్రచార కార్యక్రమంలో పాల్గొన్న జనంలో ఒక వ్యక్తి మృతి చెందాడు. ఇద్దరికి గాయలయ్యాయి. ఈ ఘటన తరువాత ట్రంప్ ని వెంటనే ఆస్పత్రికి తరలించారు.

హత్యాయత్నం తరువాత వెంటనే ట్రంప్ స్పందించారు. సోషల్ మీడియా ప్లాట్ ఫామ్ ట్రూత్ సోషల్ లో ఆయన ఓ పోస్టు చేశారు. యు ఎస్ సీక్రెట్ సర్వీస్ కు ఆయన ధన్యవాదాలు తెలిపారు. ఘటనలో చనిపోయిన వ్యక్తి, తీవ్రంగా గాయపడిన వారి కుటుంబాలకు ఆయన సానుభూతి తెలిపారు. ”ఇలాంటి ఘటన మన దేశంలో జరగడం చాలా దురదృష్టకరం. నాకు బుల్లెట్ శబ్దం వినిపించింది కానీ ఏం జరుగుతోందో అర్థం కాలేదు. అంతలోనే నా చెవి పై భాగానికి బుల్లెట్ తాకింది. చెవి నుంచి తీవ్ర రక్తస్రావం జరిగింది.” అని ఆయన పోస్టులో రాశారు.

Also Read: Meta Removes Restrictions: ట్రంప్‌కి శుభవార్త చెప్పిన మెటా..

ట్రంప్ హత్యాయత్నంపై అమెరికా సీక్రెట్ సర్వీస్ ప్రతినిధఇ ఆంథోనీ గుగీల్మీ మాట్లాడుతూ. “సాయంత్రం 6.15 గంటలకు పెన్సిల్వేనియాలో ట్రంప్ ఎన్నికల ప్రచారం జరుగుతున్న సమయంలో పక్కనే ఉన్న భవనంపై నుంచి ఓ షూటర్ కొన్ని బులెట్లు కాల్చాడు. మా సిబ్బంది వెంటనే స్పందించి చర్యలు తీసుకుంది. కాల్పులు జరిపిన వ్యక్తిని పట్టుకోబోగా.. అతను దాడి చేశాడు. రక్షణ సిబ్బంది ఎన్ కౌంటర్‌లో ఆ షూటర్ మరణించాడు,”అని ప్రకటించారు.

మరో రెండు రోజుల తరువాత మిల్ వాకీ లో రిపబ్లికన్ పార్టీ సమావేశాల్లో అధికారికంగా డొనాల్డ్ ట్రంప్ ను పార్టీ అధ్యక్ష అభ్యర్థిగా అధికారిక ప్రకటన జరుగనున్న సమయంలో ఇలాంటి ఘటన జరగడంతో హత్యాయత్నం ఘటన అమెరికా రాజకీయాల్లో సంచలనంగా మారింది.

https://twitter.com/hasibiro_maga/status/1812287147669635487

Share

• 
• 
• 
• 
• 
•