Trump Govt: వలసదారులపై ట్రంప్ సర్కార్ తీసుకున్న నిర్ణయాలు స్థానిక అమెరికా వాసులకు మంచిదే. ఉద్యోగాల నిమిత్తం అక్కడికి వెళ్లిన వలసదారులపై తీవ్ర ప్రభావం చూపుతుంది. ట్రంప్ సర్కార్ ఎప్పుడు ఏలాంటి నిర్ణయాలు తీసుకొస్తుందేమోనని భయంతో బెంబేలెత్తిపోతున్నారు. తాజాగా అమెరికాలో హెచ్-1బీ వీసాదారుల భాగస్వాము లకు జారీ చేసే వర్క్ పర్మిట్ హెచ్-4 ఈఏడీను రద్దు చేసేందుకు ప్రయత్నాలు మొదలు పెట్టిందట. దశాబ్ద కాలంగా అమల్లో ఉన్న ఈ విధానాన్ని వెనక్కి తీసుకోవాలని ఆలోచన చేస్తున్నట్లు తెలుస్తోంది. దీనివల్ల అమెరికాలో సెటిలైన లక్షలాది భారతీయ కుటుంబాలకు ఇది పిడుగులాంటి వార్త.
డిపార్ట్మెంట్ ఆఫ్ హోమ్ల్యాండ్ సెక్యూరిటీ తన 2026 యూనిఫైడ్ ఎజెండాలో RIN 1615-AD14 పేరుతో కొత్త ప్రతిపాదన చేర్చింది. 2015లో ఒబామా హయాంలో తీసుకొచ్చిన నిబంధనను రద్దు చేసి పాత విధానాన్ని పునరుద్ధరించాలని ఆలోచన చేస్తోంది ట్రంప్ ప్రభుత్వం. గతంలో తీసుకొచ్చిన నిబంధన ప్రకారం.. గ్రీన్ కార్డ్ కోసం దరఖాస్తు చేసుకున్నవారు ఆమోదం పొందిన (ఫారం I-140) హెచ్-1బీ ఉద్యోగుల భాగస్వాములు అమెరికాలో చట్టబద్ధంగా పని చేసేందుకు అర్హత ఉంది. కొత్త ప్రతిపాదన అమల్లోకి వస్తే హెచ్-4 వీసాపై ఉన్న భాగస్వాములు తమ తమ ఉద్యోగ అవకాశాలు కోల్పోయే అవకాశముంది. ఈ నిర్ణయం అమెరికాలో ఉన్న భారతీయ కుటుంబాలపై పెను ప్రభావం చూపనుంది.
ప్రభుత్వ డేటా ప్రకారం.. హెచ్-4 ఈఏడీ ప్రయోజనం పొందుతున్న వారిలో 90 శాతానికి ఉన్నవారు భారతీయులే. అందులో ఎక్కువ మంది మహిళలు. గ్రీన్ కార్డ్ కోసం ఏళ్ల తరబడి నిరీక్షిస్తున్న ఫ్యామిలీలకు ఆర్థికం, వృత్తిపరంగా పెద్ద దెబ్బగా భావిస్తున్నారు. ట్రంప్ సర్కార్ తీసుకొచ్చిన కొత్త ప్రతిపాదనను దీర్ఘకాలిక చర్యగా పేర్కొంది. ఈ నిబంధనను అమలు చేయడానికి ప్రభుత్వం అధికారికంగా ఫెడరల్ రిజిస్టర్లో ప్రతిపాదనను ప్రచురించాలి. దీనిపై ప్రజల నుంచి అభిప్రాయాలను స్వీకరించాలి. వచ్చిన వాటిని పరిశీలించి తుది నిర్ణయం తీసుకోవాలి. ఈ ప్రక్రియకు చాలా సమయం పట్టే అవకాశం ఉందని, ఎవరూ ఆందోళన చెందాల్సిన అవసరం లేదన్నది ఇమిగ్రేషన్ అధికారుల మాట. ప్రస్తుత వర్క్ పర్మిట్లు చెల్లుబాటులో ఉంటాయన్నారు ఇమ్మిగ్రేషన్ అటార్నీ స్వాతిలినా బారిక్.
ట్రంప్ ప్రభుత్వం నుంచి వచ్చిన వెంటనే సోషల్ మీడియాలో రకరకాల వార్తలు లేకపోలేదు. రానున్న నెలరోజుల్లో దాదాపు 6 లక్షల ఉద్యోగాలు ఖాళీ అవుతాయంటూ ప్రచారం సాగుతోంది. ఈ వాదనల్లో ఎలాంటి నిజం లేదని, ప్రభుత్వ అధికారిక డేటాలో ఆధారాలు లేవని అక్కడి అధికారులు చెబుతున్నారు. 2024 ఏడాదిలో 1.20.000 వేల హెచ్-4 ఈఏడీ దరఖాస్తులు వచ్చాయి. అందులో భారతీయ పౌరుల వాటా అత్యధికం. ట్రంప్ తొలిసారి అధికారంలోకి వచ్చినప్పుడు 2017లో ఇలాంటి ప్రయత్నం చేశారు. అనుకోని పరిస్థితుల్లో అది కార్యరూపం దాల్చలేదు. ఇప్పుడు అలాంటి ప్రతిపాదనను ముందుకు తీసుకురావడంతో ఇమ్మిగ్రేషన్ విధానాలపై కఠినంగా వ్యవహరిస్తుందనే సంకేతాలు వెలువడుతున్నాయి.
అమెరికాలో H-1B వీసాదారులలో దాదాపు ముప్పావు వంతు మంది భారతీయులున్నారు. H-1B వారిపై ఆధారపడిన వారి పని హక్కులలో ఏ మార్పు వస్తే, అది అక్కడ నివాసం ఉండే భారతీయ కుటుంబాలపై పెను ప్రభావాన్ని చూపవచ్చు. కొత్తగా నియమించుకునే H-1B వీసాదారుల కోసం DHS 103,265 డాలర్ల కొత్త రుసుమును ప్రతిపాదించింది ట్రంప్ సర్కార్. H-1B వీసాదారులు తమ ఉద్యోగాన్ని కోల్పోయిన తర్వాత మరో ఉద్యోగం వెతుక్కోవడానికి లేకుంటే అమెరికాను విడిచి వెళ్ళడానికి సమయం ఇచ్చే 60 రోజుల గడువును తొలగించే ప్రతిపాదనకు వైట్ హౌస్ ఆమోదం తెలిపింది.
Share
సుప్రీంకోర్టులో లాయర్ గా పనిచేస్తున్న తెలుగు హీరోయిన్ ఎవరో తెలుసా?
ఆండ్రాయిడ్ ల్యాప్టాప్లో ఈ సీక్రెట్ ఫీచర్స్ తెలుసా? మీ పనులన్నీ చాలా ఈజీ అయిపోతాయి!
