PGCIL Jobs: మీకు ఈ అర్హతలున్నాయా..? అయితే అప్లై చేసుకోండి.. భారీ వేతనం భయ్యా..!!

పవర్‌గ్రిడ్‌ కార్పొరేషన్‌ ఆఫ్‌ ఇండియా లిమిటెడ్‌ (పీజీసీఐఎల్‌) 25 కంపెనీ సెక్రటరీ ప్రొఫెషనల్‌ పోస్టులను భర్తీ చేయనుంది. ఆసక్తి గల అభ్యర్థులు ఈ ఉద్యోగానికి దరఖాస్తు చేసుకోవచ్చు. నోటిఫికేషన్ పూర్తి వివరాలు చూసేద్దాం.

మొత్తం ఉద్యోగాల సంఖ్య: 25

అభ్యర్థులను కాంట్రాక్ట్‌ ప్రాతిపదికన ముందుగా 2 ఏళ్ల కాలానికి ఎంపిక చేస్తారు. సంస్థ అవసరాలతో పాటు, అభ్యర్థి పనితీరు ఆధారంగా ప్రతిఏటా దీన్ని పొడిగించే అవకాశం ఉంటుంది.

కాంట్రాక్ట్‌ గరిష్ఠ కాలపరిమితి 5 ఏళ్లు. మొత్తం ఉద్యోగాల్లో అన్‌రిజర్వుడ్‌ విభాగంలో 11, ఓబీసీ (ఎన్‌సీఎల్‌)లకు 7 పోస్టులు, ఎస్సీలకు 3, ఎస్టీలకు 2, ఈడబ్ల్యూఎస్‌లకు 2 పోస్టులను కేటాయించారు.

విద్యార్హత: ఇంటర్/తత్సమాన పరీక్ష, కంపెనీ సెక్రటరీ ప్రొఫెషనల్‌ కోర్సు పూర్తి చేయాలి. ఈ పోస్టులకు దరఖాస్తు చేసే అభ్యర్థులు ఇండియన్‌ ఇన్‌స్టిట్యూట్‌ ఆఫ్‌ కంపెనీ సెక్రటరీస్‌ ఆఫ్‌ ఇండియా (ఐసీఎస్‌ఐ)లో అసోసియేట్‌ సభ్యులైవుండాలి. వర్కింగ్ ఎక్స్ పీరియన్స్‌ను కూడా పరిగణలోకి తీసుకుంటారు. ఎజెండా డ్రాఫ్టింగ్, మినిట్స్, అఫిషియల్‌ లెటర్‌ రాయడం, బోర్డు/ కమిటీ, జనరల్‌ బాడీ మీటింగ్​లు నిర్వహించడంలో అభ్యర్థికి అనుభవం ఉండాలి. శిక్షణ, ఇంటర్న్‌షిప్‌ కాలాన్ని ఎక్స్​పీరియన్స్​గా పరిగణించరు. 

వయస్సు: 29 ఏళ్లు మించకూడదు. ఎస్సీ/ ఎస్టీలకు 5 ఏళ్లు, ఓబీసీ (ఎన్‌సీఎల్‌)లకు 3 ఏళ్లు, దివ్యాంగులకు ప్రభుత్వ రూల్స్​ అనుగుణంగా సడలింపులు వర్తిస్తాయి.

దరఖాస్తు ఫీజు: రూ.400 ఉంటుంది. (ఎస్సీ, ఎస్టీ, దివ్యాంగ, మాజీ సైనిక ఉద్యోగులు ఎలాంటి ఫీజు చెల్లించాల్సిన అవసరం లేదు)

ఉద్యోగ ఎంపిక విధానం: అభ్యర్థులను ఇంటర్వ్యూ ఆధారంగా ఉద్యోగానికి ఎంపిక చేస్తారు. దరఖాస్తులు అధిక సంఖ్యలో వస్తే స్క్రీనింగ్‌ టెస్ట్​ను నిర్వహించి ఇంటర్వ్యూకు షార్ట్‌లిస్ట్‌ తయారుచేస్తారు. దీంట్లో అన్‌రిజర్వుడ్‌/ ఈడబ్ల్యూఎస్‌లు 40 శాతం, రిజర్వుడ్‌ కేటగిరీకి చెందినవారు 30 శాతం కనీస అర్హత మార్కులను సాధించాలి. ఇంటర్వ్యూలోనూ ఇదేవిధంగా మార్కులు సాధించాల్సి ఉంటుంది.

జీతం: నెలకు రూ.30,000-1,20,000 వరకు ఉంటుంది. మూలవేతనానికి(బేసిక్​కు) అదనంగా డీఏ, హెచ్‌ఆర్‌ఏ, పెర్క్స్, గ్రాట్యుటీ, వైద్య, ఇన్సూరెన్స్ మొదలైన సదుపాయాలు ఉంటాయి.

దరఖాస్తుకు చివరితేది: 2025 జనవరి 16

Also Read: AIIMS Recruitment: గోల్డెన్ ఛాన్స్.. టెన్త్ క్లాస్ అర్హతతో 4597 ఉద్యోగాలు.. జీతం అక్షరాల రూ.70,000

ముఖ్యమైనవి:

ప్రస్తుతం వాడుకలో ఉన్నటువంటి ఈమెయిల్‌ ఐడీ, మొబైల్‌ నంబర్లను దరఖాస్తులో రాయల్సి ఉంటుంది. వీటితోపాటు ప్రత్యామ్నాయ సెల్​ నంబర్, ఈమెయిల్‌ ఐడీలను కూడా పేర్కొనాలి.

ఒరిజినల్ సర్టిఫికెట్స్‌ను పరిశీలించిన తర్వాత ఇంటర్వ్యూ నిర్వహించడం జరుగుతోంది.

ప్రభుత్వ రంగ సంస్థల్లో పని చేసే అభ్యర్థులు ఇంటర్వ్యూ సమయంలో నో అబ్జెక్షన్ సర్టిఫికెట్ సమర్పించాల్సి ఉంటుంది.

అఫీషియల్ వెబ్‌సైట్‌: http://www.powergrid.in

Share

• 
• 
• 
• 
• 
•