Tech Development:సైన్స్ అండ్ టెక్నాలజీ విషయంలో అభివృద్ధి చెందిన దేశాలు.. అభివృద్ధి చెందుతున్న దేశాలకంటే ముందంజలో ఉన్నాయి. కానీ అభివృద్ధి చెందుతున్న దేశాలు కూడా ఊహించని విధంగా సైన్స్ అండ్ టెక్నాలజీలో పరిశోధనలు చేస్తూ ముందుకు దూసుకుపోతున్నాయి. అందుకే అభివృద్ధి చెందిన దేశాలకు భయం మొదలయ్యింది. అందుకే ఒక్కొక్కటిగా కాకుండా కలిసి సైన్స్ అండ్ టెక్నాలజీలో ముందుకు వెళ్లాలని అనుకుంటున్నాయి.
అమెరికా.. సైన్స్ అండ్ టెక్నాలజీ విషయంలో ఇప్పటికే ఎన్నో అనూహ్య విజయాలను సాధించింది. కానీ ఇతర దేశాలు కూడా అమెరికాకు సమానంగా వాటి పరిశోధనలను చేపడుతున్నాయి. ముఖ్యంగా చైనాను అడ్డుకునేందుకు అమెరికా.. ఇటలీ సాయం తీసుకోనుంది. అందులో భాగంగానే తాజాగా యూఎస్, ఇటలీ జాయింట్ కమిషన్ మీటింగ్ ఆన్ సైన్స్ అండ్ టెక్నాలజీ సమావేశం పూర్తయ్యింది.
ఈ జాయింట్ కమిషన్ మీటింగ్ ఇటలీలో నిర్వహించారు. పలు ప్రభుత్వాధికారులు ఈ మీటింగ్‌లో పాల్గొన్నారు. జాయింట్ కమిషన్ మీటింగ్ 25 ఏళ్ల క్రితం ప్రారంభమయ్యింది. ఇది దేశాల మధ్య దూరాన్ని తగ్గించి, సైన్స్ అండ్ టెక్నాలజీ విషయంలో రెండు దేశాలు కలిసి పనిచేసేలాగా చేస్తుంది. తాజాగా అమెరికా, ఇటలీ మధ్య జరిగిన జాయింట్ కమిషన్ మీటింగ్‌లో ఎన్నో విషయాలపై చర్చలు జరిగాయి.
వాతావరణ మార్పులు, పర్యావరణంలో మార్పులు, న్యూక్లియర్ ఫిజిక్స్, ఆస్ట్రోఫిజిక్స్, హెల్త్ సెక్టార్, టెక్నాలజీ, వంటి అనేక విషయాలపై అమెరికా, ఇటలీ చర్చించుకున్నారు. ఈ మీటింగ్ ద్వారా ఒక దేశంలోని శాస్త్రవేత్తలకు మరో దేశంలో కూడా పరిశోధనలు చేసే అవకాశం ఏర్పడుతుందని వారు భావిస్తున్నారు. సైన్స్ అండ్ టెక్నాలజీలోని ఎన్నో విభాగాలు అభివృద్ధి చెందడానికి అమెరికా, ఇటలీ కలిసి పనిచేయనున్నారు.
Share
Taraka Ratna : తారకరత్న హెల్త్ రిపోర్ట్.. ఆ విషయంపై ఎందుకు క్లారిటీ ఇవ్వలేదు..?
Chiranjeevi : తారకరత్న ఆరోగ్యంపై గుడ్ న్యూస్.. ఇక ప్రమాదం లేదని చిరంజీవి ట్వీట్..
