Budimi Kaya : సాధారణంగా మనకు గ్రామాల్లో, రోడ్ల పక్కన, పొలాల గట్ల మీద చాలా రకాల మొక్కలు కనిపిస్తుంటాయి. కానీ మనం అవేవో పిచ్చి మొక్కలని కొట్టిపారేస్తూ ఉంటాం. కానీ ఈ మొక్కల వల్ల కూడా చాలా లాభాలు ఉన్నాయి. ఎన్నో మందులు నయం చేయలేని రోగాలను ఇవి తగ్గిస్తాయి. అందులో ఒకటి బుడిమి కాయ మొక్క, దీన్ని బుడ్డ కాయ, కుప్పింటి మొక్క అనే పేర్లతో కూడా పిలుస్తారు. వీటిలో చాలా రకాలు ఉన్నాయి. ఇది చూడడానికి ముదురు ఆకులతో, చిన్న కాయలతో రెండున్నర అడుగుల వరకు పెరుగుతుంది. గ్రామాల్లో ఈ మొక్క కాయలను ఆహారంగా తీసుకుంటారు. వీటిని తీసుకోవడం వల్ల శరీరంలో ఇమ్యూనిటీ పవర్ పెరుగుతుందని భావిస్తుంటారు. పండిన ఈ కాయలు టమాటా రుచిలో ఉంటాయి. దీన్ని ఆయుర్వేదంలో అనేక అనారోగ్య సమస్యలను నయం చేయడానికి ఉపయోగిస్తారని మనలో చాలామందికి తెలియదు. ఈ కాయల్లో మన శరీరానికి అవసరమయ్యే విటమిన్స్ మినరల్స్ పీచు పదార్థాలు ఎక్కువగా ఉంటాయి. అంతేకాకుండా యాంటీ ఆక్సిడెంట్లు కూడా సమృద్ధిగా లభిస్తాయి. కీళ్ల నొప్పులను, మోకాళ్ళ నొప్పులను తగ్గించడానికి, ఆర్థరైటిస్ నొప్పులను నయం చేయడానికి ఈ బుడిమి కాయలు ఎంతగానో సహాయపడతాయి. ఈ పనులను తినడం వల్ల అధిక బరువు సమస్య నుంచి బయటపడవచ్చు. ఈ పండ్లను తినడం వల్ల మన గుండె ఆరోగ్యం మెరుగుపడుతుంది. కాలేయంలో ఉన్న వ్యర్ధాలు అన్ని తొలగిపోయి శుభ్రం అవుతుంది. మూత్రపిండాల సంబంధిత సమస్యలు ఉన్నవారికి ఈ కాయ తినడం వల్ల వాటి పనితీరు మెరుగుపడుతుంది. బుడిమి కాయలను తినడం వల్ల శరీరంలో రోగ నిరోధక శక్తి పెరిగి అనేక రకాల వైరస్ల నుంచి మనల్ని బయటపడేస్తుంది. షుగర్ ఉన్నవారు వీటిని తీసుకోవడం వల్ల చక్కటి ఆరోగ్యాన్ని పొందుపరచుకోవచ్చు. ప్రతిరోజు వీటిని తింటే రక్తంలో షుగర్ లెవెల్స్ నియంత్రణలో ఉంటాయి. క్యాన్సర్ కణాలను కూడా నశింపజేసే శక్తి ఈ కాయలకు ఉంది. కంటి సంబంధిత సమస్యలను నయం చేయడానికి బుడిమి పండ్లను ఆయుర్వేదంలో ఎక్కువగా వినియోగిస్తారు. ఈ పండ్లలో విటమిన్ ఏ పుష్కలంగా ఉంటుంది. ఇది మన కళ్ళకు, మన శరీరానికి ఎంతో మేలు చేకూరుస్తుంది. బీపీతో బాధపడేవారు ఈ బుడిమి కాయలను తీసుకోవడం వల్ల నియంత్రణలో ఉంటుంది. గుండె సంబంధిత సమస్యలను తగ్గించి ఆరోగ్యంగా ఉంచుతుంది. ఈ పండ్లు పచ్చిగా తినకూడదు. పూర్తిగా పండిన తర్వాత మాత్రమే తినాలని నిపుణులు చెబుతున్నారు. ఎందుకంటే కొందరికి వీటిని తింటే అలర్జీలు వచ్చే అవకాశం ఉంది. గర్భిణీ స్త్రీలు, పాలిచ్చే తల్లులు కూడా వీటిని తీసుకోకపోవడమే మంచిది. పిచ్చి మొక్కగా భావించే ఈ బుడిమి కాయ మనకు ఎంతో ఉపయోగపడుతుందని ఆయుర్వేద నిపుణులు చెబుతున్నారు.