Hyderabad Rain: హైదరాబాద్ నగరంలో వాతావరణం ఒక్కసారిగా మారిపోయింది. సాయంత్రం 6:45 గంటల సమయానికి అందిన తాజా సమాచారం ప్రకారం.. నగరంలోని పలు ప్రాంతాల్లో ఆకాశం పూర్తిగా మేఘావృతమై ఉంది. మరికొద్ది సేపట్లోనే నగరవ్యాప్తంగా వాతావరణంలో మరిన్ని మార్పులు చోటుచేసుకోనున్నాయి.
ఈ ప్రాంతాల్లో భారీ వర్ష సూచన!
రాబోయే ఒక గంట కాలంలో ముఖ్యంగా దక్షిణ ,తూర్పు హైదరాబాద్ పరిసర ప్రాంతాల్లో ఉరుములు, మెరుపులతో కూడిన భారీ వర్షం పడే అవకాశం ఉంది. రాజేంద్రనగర్, గోల్కొండ, చార్మినార్, చంద్రాయణగుట్ట, సరూర్నగర్, ఎల్బీ నగర్, కాటేదాన్, శంషాబాద్ ఎయిర్పోర్ట్ పరిధిలోని పరిసర ప్రాంతాల ప్రజలు అప్రమత్తంగా ఉండాలి. ఈ రూట్లలో ప్రయాణించే వారు కాస్త జాగ్రత్తగా ఉండాలని అధికారులు తెలిపారు.
Also Read: అంగరంగ వైభవంగా బోనాలు.. అధికారులకు మంత్రి పొన్నం కీలక ఆదేశాలు!
ఉత్తర హైదరాబాద్లో పరిస్థితి ఎలా ఉందంటే?
ఇక ఉత్తర హైదరాబాద్ పరిధిలోకి వచ్చే ప్రాంతాల్లో ప్రస్తుతం అడపాదడపా వర్షాలు కురుస్తున్నాయి. రాబోయే గంటలో కూడా ఇక్కడ ఇదే పరిస్థితి కొనసాగేలా కనిపిస్తోంది. పెద్దగా భారీ వర్షం లేకపోయినా, ఎడతెరిపి లేకుండా కురిసే జల్లులు ట్రాఫిక్కు అంతరాయం కలిగించవచ్చని తెలిపారు.
మిగతా ప్రాంతాల్లో చిరుజల్లులు
పైన పేర్కొన్న ప్రాంతాలే కాకుండా హైదరాబాద్లోని మిగిలిన ఐటీ కారిడార్ , సెంట్రల్ జోన్ పరిధిలోని ఇతర చోట్ల కూడా రాబోయే గంటలో అక్కడక్కడా తేలికపాటి నుండి మోస్తరు చిరుజల్లులు పడే అవకాశం ఉంది. కావున ఆఫీసుల నుండి ఇళ్లకు చేరుకునే వారు, బయటకు వెళ్లే వారు ట్రాఫిక్ ఆంక్షలు , రోడ్లపై నీరు నిలిచే అవకాశాలను దృష్టిలో ఉంచుకుని తమ ప్రయాణాన్ని ప్లాన్ చేసుకోవాలని అధికారులు సూచించారు.
Share
బోల్డ్ సబ్జెక్ట్తో సందీప్ కిషన్ ఫన్ రైడ్.. 'సూపర్ సుబ్బు' ట్రైలర్ అదిరిపోయిందిగా !
ప్రైవేట్ మెడికల్ కాలేజీల ఫీజుల నియంత్రణకు ‘నో’ చెప్పిన సుప్రీంకోర్టు!
