Anti Cocaine Vaccine: ప్రపంచంలో కొకైన్ వినియోగం గణనీయంగా పెరుగుతుంది. ఐక్యరాజ్యసమితి నివేదిక ప్రకారం 2021లో సుమారు 22 మిలియన్ల మంది కొకైన్ వినియోగించారు. ఈ సంఖ్య న్యూయార్క్ జనాభా కంటే ఎక్కువ. బ్రెజిల్‌లోని పరిశోధకులు వ్యసనం నుండి ప్రజలను రక్షించడానికి కొకైన్ వ్యాక్సిన్‌ను పరీక్షిస్తున్నారు. దీనివల్ల యువత వ్యసనానికి దూరంగా ఉండటమే కాకుండా డ్రగ్స్ వైపు మళ్లీ వెళ్లకుండా ఉంటారని నిపుణులు భావిస్తున్నారు. ఐరోపాలో గంజాయి తర్వాత కొకైన్ రెండవ అత్యంత సాధారణ డ్రగ్‌గా వినియోగిస్తున్నారు. ఇది కోకా ఆకుల నుండి తయారుచేస్తారు. సాధారణంగా దీన్ని పొడిగా పీల్చు తారు. ఇది వినియోగించే కొద్ద వ్యసనంగా మారుతుంది. దీని కారణంగా శరీరంలోని ఏదైనా భాగం శాశ్వతంగా దెబ్బతింటుంది.
కొకైన్ శరీరానికి మించిన శక్తిని ఇస్తుంది. అందుకే కొకైన్ తీసుకున్న వారు ఆ సమయంలో ధ‌ృడంగా ఉంటారు. దీనికి బానిసగా మారిన వ్యక్తి బయటపడాలంటే శారీరక, మానసికంగా ఒత్తిడిని ఎదుర్కొవాలసి ఉంటుంది. అయితే కొకైన్ వ్యసనంతో బాధపడుతున్న వ్యక్తులకు వ్యాక్సిన్ సహాయపడుతుందని బ్రెజిలియన్ పరిశోధకులు చెబుతున్నారు. ఈ టీకా ప్రజలను డ్రగ్స్ తీసుకోకుండా నిరోధించి వ్యసనం ప్రమాదాన్ని తగ్గించడానికి కూడా పని చేస్తుందని భావిస్తున్నారు.
Also Read: బరువు తగ్గాలంటే ఈ 5 రకాల పప్పులు తింటే చాలు!
కొకైన్‌ను గురకపెట్టినప్పుడు లేదా పైపు ద్వారా పొగ తాగినప్పుడు రక్తప్రవాహం ద్వారా మెదడుకు వేగంగా ప్రయాణిస్తుంది. అప్పుుడు కొకైన్ డోపమైన్‌తో సహా అనేక రకాల మెసెంజర్ పదార్థాలను విడుదల చేయడానికి శరీరాన్ని ప్రేరేపిస్తుంది. కొకైన్ తీసుకోవడం వల్ల శరీరం మరింత చురుగ్గా పనిచేస్తుంది. గుండె పూర్తి సామర్థ్యంతో ధమనులు సన్నబడతాయి. ఆకలి, దాహం తక్కువగా అనిపిస్తుంది. ఇది మాత్రమే కాదు పరిస్థితి మరింత దిగజారితే గుండె కొట్టుకోవడం కూడా ఆగిపోతుంది. కొకైన్ వినియోగం తర్వాత 5 నుంచి 30 నిమిషాల మధ్య దీని ప్రభావం చూపుతుంది.
బెర్లిన్ డ్రగ్ థెరపీ అసోసియేషన్‌లోని వైద్యుడు హాన్స్‌పీటర్ ఎకెర్ట్ మాట్లాడుతూ.. కొకైన్ తీసుకోవడం వల్ల అన్ని సమస్యలు తొలగిపోయినట్లు అనిపిస్తుంది. అప్పుడు మెదడు దానికి బానిస కావడం మొదలవుతుంది. కొకైన్ వ్యాక్సిన్ తీసుకునే వ్యక్తులు కొకైన్ ఓవర్ డోస్ తీసుకునే ప్రమాదం కూడా ఎక్కువగా ఉంటుంది. మీరు డ్రగ్స్ సేవించి మునుపటిలాగా ఆస్వాదించకపోతే అధిక మోతాదు తీసుకోవచ్చని శాస్త్రవేత్తలు భావిస్తున్నారు.
Also Read: ఈ నాలుగు రకాల చేపలను తినకండి..?
బ్రెజిలియన్ పరిశోధకులు సృష్టించిన కొకైన్ టీకా ఉపయోగించినప్పుడు అది కొకైన్ తీసుకోకుండా ప్రేరేపిస్తుంది. అటువంటి పరిస్థితిలో ఈ మత్తుకు కారణమైన మూలకాలు రక్తం ద్వారా మెదడుకు చేరుకోలేవు. బ్రెజిల్‌లోని మినాస్ గెరైస్‌లోని ఫెడరల్ యూనివర్శిటీకి చెందిన పరిశోధకుడు ఫ్రెడెరికో గార్సియా ఎలుకలపై వ్యాక్సిన్ ట్రయల్ విజయవంతంగా జరిపారు. ఇది మానవులపై కూడా విజయవంతమవుతుందని వెల్లడించారు.ఇది ప్రపంచంలోనే మొట్టమొదటి యాంటీ కొకైన్ వ్యాక్సిన్ అయ్యే ఛాన్స్ ఉంది.