Tips For White Hair: ఇవి వాడితే.. తెల్లజుట్టు అస్సలు రాదు

Tips For White Hair: చిన్న వయస్సులోనే జుట్టు తెల్లబడటం వల్ల చాలా మంది ఇబ్బంది పడుతున్నారు. మారిన జీవనశైలి, పోషకాహార లోపంతో పాటు అనేక కారణాలు జుట్టు తెల్లబడటానికి కారణం అవుతాయి. ఇదిలా ఉంటే రంగు మారిన జుట్టును నల్లగా మార్చుకోవడానిరకి చాలా ప్రయత్నాలు చేస్తుంటారు. ముఖ్యంగా బటయ దొరికే కలర్స్ వాడుతుంటారు. వీటి వల్ల తాత్కాలికంగా జుట్టు నల్లబడినప్పటికీ కొన్ని రోజుల తర్వాత మళ్లీ తెల్లగా మారిపోతాయి. మరి ఇలాంటి సమయంలో కొన్ని రకాల హోం రెమెడీస్ వాడటం వల్ల మంచి ఫలితం ఉంటుంది.

కొన్ని హోం రెమెడీస్ సహాయంతో తెల్ల జుట్టును సహజంగా నల్లగా మార్చవచ్చని మీకు తెలుసా? అవును, వంటగదిలో ఉండే 5 రకాల పదార్థాలు
తెల్ల జుట్టు సమస్యను తొలగించడంలో సహాయపడతాయి. మరి ఏ ఏ పదార్థాలు తెల్ల జుట్టును నల్లగా మార్చడంతో ఉపయోగపడతాయి. వీటిని ఎలా ఉపయోగించాలనే విషయాలను గురించి ఇప్పుడు తెలుసుకుందాం

కరివేపాకు:
తెల్ల జుట్టును సహజంగా నల్లగా మార్చడానికి మీరు కరివేపాకును ఉపయోగించవచ్చు. ఇందుకోసం కొబ్బరినూనెలో కొన్ని కరివేపాకులను వేసి బాగా వేడి చేయాలి. దీని తరువాత ఆయిల్ గోరు వెచ్చగా మారిన తర్వాత తలకు సున్నితంగా మసాజ్ చేయండి. ఇలా రోజు చేయడం వల్ల మీ జుట్టు సహజంగా నల్లగా మారడం ప్రారంభిస్తుంది.

భృంగరాజ్:
మీరు మీ జుట్టును నల్లగా చేయడంతో పాటు బలంగా చేయాలనుకుంటే, మీరు భృంగరాజ్‌ని ఉపయోగించవచ్చు.దీని కోసం మీరు బృంగరాజ్ పొడి లేదా నూనె తీసుకోవాలి. దీనిని జుట్టు యొక్క మూలాలకు అప్లై చేసి, రాత్రంతా అలాగే ఉంచాలి. తర్వాత ఉదయాన్నే జుట్టును వాష్ చేయాలి. మీరు బృంగరాజ్‌ని ఉపయోగిస్తున్నప్పుడు కొబ్బరి నూనెను కూడా అందులో కలుపుకోవచ్చు.

కాఫీ:
బ్లాక్ కాఫీ తెల్ల జుట్టు సమస్యను తొలగించడంలో కూడా చాలా ప్రభావవంతంగా ఉంటుంది. దీని కోసం కాఫీ పౌడర్ ను నీటిలో వేసి మరిగించండి.ఆ తర్వాత చల్లబరచండి.దీని తరువాత, స్ప్రే సీసాలో నింపి జుట్టు యొక్క మూలాలపై స్ప్రే చేయండి.2-3 వారాలలో జుట్టు పెరుగుదల మెరుగుపడి, నల్లగా మారడం ప్రారంభమవడం మీరే చూస్తారు.

మెంతి గింజలు:

మీరు మెంతి గింజలను ఉపయోగించడం ద్వారా జుట్టు నల్లగా మార్చుకోవచ్చు. ఇందులో ఉండే పొటాషియం జుట్టుకు సంబంధించిన అనేక రకాల సమస్యలను దూరం చేస్తుంది . అంతే కాకుండా జుట్టు రాకుండా చేస్తుంది. దీన్ని ఉపయోగించాలంటే, రాత్రంతా నీటిలో నానబెట్టి, పొడి చేసి ఆపై ఉసిరి రసాన్ని జోడించి, జుట్టు మూలాలను బాగా మసాజ్ చేసి, ఒక గంట తర్వాత మీ జుట్టును వాష్ చేసుకోవాలి. ఇలా చేయడం ద్వారా జుట్టు త్వరగా నల్లబడుతుంది. అంతే కాకుండా జుట్టు రాలకుండా ఉంటుంది.

Also Read: ఇలా చేస్తే.. వద్దన్నా జుట్టు పెరుగుతుంది తెలుసా ?

గూస్బెర్రీ:

ఉసిరికాయ జుట్టుకు ఎంత మేలు చేస్తుందో అందరికీ తెలిసిందే. ఇది జుట్టు పెరుగుదలకు మాత్రమే కాకుండా, జుట్టును నల్లగా మార్చడానికి కూడా చాలా మంచిదని చెబుతుంటారు.
ఉసిరిని చిన్న చిన్న ముక్కలుగా చేసి నీళ్లలో వేసి మరిగించి చల్లారిన తర్వాత జుట్టుకు పట్టించాలి. ఇలా వారానికి కనీసం 3 సార్లు చేయండి. జుట్టు సహజంగా నల్లగా మారడానికి ఇది ఎంతగానో ఉపయోగపడుతుంది.