Sleepy After Eating: భోజనం తర్వాత నిద్ర రావడం అనేది ఒక సాధారణ అనుభవం. దీనిని శాస్త్రీయ భాషలో పోస్ట్ ప్రూడెన్షియల్ లేదా మగత అని అంటారు. ఇది ఒక వ్యాధి కాదని, శరీర జీవ ప్రక్రియలో ఒక భాగమని ఆరోగ్య నిపుణులు చెబుతున్నారు. కానీ కొన్ని రకాల ఆరోగ్య పరిస్థితులు దీనిని మరింత తీవ్రతరం చేస్తాయి.
మధ్యాహ్నం పూట తిన్న తర్వాత నిద్ర రావడం వల్ల చాలా మంది ఇబ్బంది పడుతుంటారు. ఆఫీసులో నిద్ర రావడం అనే సమస్య కొన్నిసార్లు అసౌకర్యంగా ఉంటుంది. తిన్న తర్వాత ఈ సమస్య ఎందుకు వస్తుంది అనే ప్రశ్నకు సమాధానం చాలా మందికి తెలియదు. మరి ఇందుకు గల కారణాలు నివారణ మార్గాలను గురించి ఇప్పుడు తెలుసుకుందాం.
తిన్న తర్వాత ఎందుకు నిద్ర వస్తుంది ?
భోజనం తర్వాత చాలా మందికి నిద్ర ఎక్కువగా రావడం, సోమరితనంగా అనిపిస్తుందని ఆరోగ్య నిపుణులు అంటున్నారు. దీని వెనుక చాలా కారణాలు ఉంటాయి. సాధారణంగా.. జీర్ణక్రియ, నిద్ర విధానం సరిగ్గా లేని వారిలో తిన్న తర్వాత నిద్ర రావడం అనే సమస్య ఎక్కువగా కనిపిస్తుంది. దీనిపై జరిగిన అన్ని పరిశోధనలు , అధ్యయనాలు దీని వెనుక సహజ ప్రతి చర్య ఉందని చూపిస్తున్నాయి. అయితే ఆహారం, జీవనశైలి కూడా ఇందులో ప్రముఖ పాత్ర పోషిస్తాయి.
నిద్ర లేకపోవడం లేదా నిద్ర సంబంధిత సమస్యలు కూడా తిన్న తర్వాత నిద్ర, అలసటగా అనిపించడానికి ఒక ప్రధాన కారణం. మీరు ఆహారం తిన్నప్పుడు, జీర్ణ అవయవాలకు రక్త ప్రవాహం పెరుగుతుంది. అంతే కాకుండా అదే సమయంలో మెదడుకు రక్త ప్రవాహం తగ్గుతుంది. ఇది మగత లేదా నిద్రలేమికి దారితీస్తుంది.
ఆహారం జీర్ణవ్యవస్థకు చేరిన వెంటనే.. అది శక్తిగా, అంటే గ్లూకోజ్‌గా మారుతుంది. ఈ ప్రక్రియలో.. అనేక హార్మోన్లు విడుదలవుతాయి. ఇవి మెదడుకు నిద్రపోవాలని సూచించడానికి పనిచేస్తాయి. ప్రోటీన్ , కార్బోహైడ్రేట్లు అధికంగా ఉన్న ఆహారాన్ని తినడం వల్ల శరీరంలో సెరోటోనిన్ హార్మోన్ పెరుగుతుంది. ఇది నిద్రను నియంత్రిస్తుంది. దీని వలన నిద్ర లేదా సోమరితనంగా అనిపిస్తుంది.
శారీరక శ్రమపై తక్కువగా ఉన్నా కూడా.. అది మీ నిద్రను కూడా ప్రభావితం చేస్తుంది. భోజనం తర్వాత మీకు నిద్ర లేదా సోమరితనంగా అనిపించడానికి కారణం అవుతుంది.
మనం మధ్యాహ్నం భోజనంలో అన్నం, రోటీ, బంగాళదుంపలు లేదా స్వీట్లు వంటి కార్బోహైడ్రేట్లను ఎక్కువగా తిన్నప్పుడు.. శరీరంలో ఇన్సులిన్ స్థాయి పెరుగుతుంది. ఇన్సులిన్ మెదడుకు కొన్ని అమైనో ఆమ్లాలను, ముఖ్యంగా ట్రిప్టోఫాన్‌ను పంపడంలో సహాయపడుతుంది. ట్రిప్టోఫాన్ సెరోటోనిన్ , మెలటోనిన్ ఉత్పత్తి చేయడానికి ఉత్పత్తి అవుతుంది. ఈ న్యూరోట్రాన్స్మిటర్లు నిద్రను ప్రేరేపిస్తాయి. దీని అర్థం మీ ఆహారంలో చాలా కార్బోహైడ్రేట్లు ఉంటే.. అది కూడా మీకు నిద్ర వచ్చేలా చేస్తుంది.
ఈ సమస్యలను ఎలా నివారించాలి ?
కొన్ని నివేదికలు శరీరానికి మధ్యాహ్నం నిద్ర వచ్చే సహజ ధోరణి ఉందని సూచిస్తున్నాయి. దీనిని భోజనం తర్వాత డిప్ అంటారు. ఇది సహజం, ఆహారం తగిన మోతాదులో లేకపోయినా కూడా ఇలా జరుగుతుంది. కానీ తినడం వల్ల ఇది మరింత తీవ్రమవుతుంది. అందుకే ఆరోగ్య నిపుణులు ప్రతి ఒక్కరూ తమ మధ్యాహ్న భోజనాన్ని తేలికగా ఉంచుకోవాలని సలహా ఇస్తున్నారు.
Also Read: టాటూతో సైడ్ ఎఫెక్ట్.. పొరపాటున కూడా అలా చేయొద్దు !
ఎల్లప్పుడూ మధ్యాహ్న భోజనం సమతుల్యంగా ఉంచుకోండి. ఒకేసారి ఎక్కువ మోతాదులో భోజనం తినడానికి బదులుగా తక్కువ మోతాదులో 2-3 సార్లు తినండి. భోజనం తర్వాత కొద్దిసేపు నడవండి. ఇది నిద్రలేమి , సోమరితనం వంటి సమస్యను తగ్గించడంలో సహాయపడుతుంది.
Share
Hydra: హైడ్రా కొత్త రూటు.. మూసి వరదలపై ఫోకస్..
Pakistan Terrorism All Party: పాక్ ఉగ్రవాదాన్ని ప్రపంచానికి చాటిచెబుదాం.. విదేశాలకు అఖిలపక్షం నేతల బృందం
