Japanese longevity secrets| వయసు పెరుగుతున్నా ఆరోగ్యంగా, చురుకుగా ఉండాలని ప్రతి ఒక్కరూ కోరుకుంటారు. అయితే ఇందుకోసం కఠినమైన వ్యాయామాలు, ఖరీదైన డైట్‌లు అవసరం లేదని జపాన్ ప్రజల జీవనశైలి చెబుతోంది. చిన్న చిన్న రోజువారీ అలవాట్లతోనే ఆరోగ్యాన్ని మెరుగుపరుచుకోవచ్చు. ప్రపంచంలో ఎక్కువ ఆయుర్దాయం (ఎక్కువ కాలం జీవించే ప్రజలు) ఉన్న దేశాల్లో జపాన్ కూడా ఒకటి. అక్కడి ప్రజలు ఆహారం, వ్యాయామం, మానసిక ప్రశాంతత, కుటుంబ సంబంధాలకు ఎంతో ప్రాధాన్యం ఇస్తారు. వారి జీవనశైలిలోని కొన్ని అలవాట్లు మనం కూడా పాటించవచ్చు. ఎక్కువ కాలం ఆరోగ్యంగా జీవించేందుకు ఉపయోగపడే 7 జపనీస్ అలవాట్లు ఏమిటో తెలుసుకుందాం.
జపాన్ ప్రజల ఆరోగ్యకరమైన జీవనశైలిలో ఆహారానికి ప్రత్యేక స్థానం ఉంది. వాషోకు అనే సంప్రదాయ ఆహార విధానంలో తాజా, సీజనల్ ఫుడ్స్‌కు ప్రాధాన్యం ఇస్తారు. ఇందులో కూరగాయలు, చేపలు, అన్నం, పులియబెట్టిన ఫుడ్స్, గ్రీన్ టీ ఉంటాయి. ఒకేసారి ఎక్కువగా తినకుండా చిన్న చిన్న పరిమాణాల్లో వివిధ రకాల ఆహారాలు తీసుకుంటారు. ఇలాంటి ఆహారం శరీరానికి అవసరమైన పోషకాలను అందిస్తుంది.
జపాన్‌లో హరా హాచి బు అనే ఆహారపు అలవాటు ప్రసిద్ధి చెందింది. దీని ప్రకారం కడుపు 80 శాతం నిండినట్లు అనిపించగానే తినడం ఆపాలి. ఇలా చేయడం వల్ల అతిగా తినే అలవాటు తగ్గుతుంది. బరువును నియంత్రించుకోవడానికి కూడా ఇది ఉపయోగపడుతుంది. భోజనం చేసేటప్పుడు తొందరపడకుండా నెమ్మదిగా తినాలి.
రేడియో తైసో అనేది జపాన్‌లో చాలా ఫేమస్ తేలికపాటి వ్యాయామ కార్యక్రమం. ఇందులో సాగదీతలు, చేతులు, కాళ్ల కదలికలు ఉంటాయి. సాధారణంగా 10 నిమిషాల్లో ఈ వ్యాయామాలు పూర్తి చేయవచ్చు. ఇవి శరీరాన్ని చురుకుగా ఉంచడంతో పాటు కీళ్ల కదలికలు, శరీర సౌలభ్యాన్ని మెరుగుపరుస్తాయి.
జపాన్ సంస్కృతిలో స్నేహబంధాలకు ఎంతో ప్రాధాన్యం ఉంది. మోయి అంటే ఒకరికి ఒకరు అండగా నిలిచే స్నేహితుల బృందం. వీరంతా తరచుగా కలుసుకుంటూ సంతోషాలను, సమస్యలను పంచుకుంటారు. అవసరమైనప్పుడు ఆర్థికంగా, మానసికంగా సహాయం చేసుకుంటారు. ఇలాంటి బంధాలు ఒంటరితనాన్ని తగ్గించి మానసిక ప్రశాంతతను అందిస్తాయి.
జెన్ ధ్యానం జపనీస్ సంప్రదాయంలో ముఖ్యమైన భాగం. ఇది మనసును ప్రస్తుత క్షణంపై కేంద్రీకరించడానికి సహాయపడుతుంది. ప్రతిరోజూ కొన్ని నిమిషాలు ధ్యానం చేయడం, శ్వాసపై దృష్టి పెట్టడం అలవాటు చేసుకోండి. ఇది ఒత్తిడిని తగ్గించి ఏకాగ్రత మెరుగుపరిచేందుకు సాయపడుతుంది.
ఒఫురో అనేది జపాన్‌లో పాటించే సంప్రదాయ స్నానం చేసే పద్ధతి. రోజంతా పని చేసిన తర్వాత గోరువెచ్చని నీటితో స్నానం చేస్తారు. దీనివల్ల కండరాలకు విశ్రాంతి లభిస్తుంది. శరీరం, మనసు ప్రశాంతంగా మారి నిద్రకు సిద్ధమవుతాయి. అయితే మరీ వేడినీటితో స్నానం చేయకూడదు.
Also Read: ఒకసారి కాదు.. మూడు సార్లు పెళ్లి చేసుకునే అమ్మాయిలు! ఆ ప్రాంతంలో వింత సంప్రదాయం
షిన్రిన్ యోకు అంటే అడవిలో లేదా ప్రకృతి మధ్య ప్రశాంతంగా సమయం గడపడం. దీన్ని ఫారెస్ట్ బాతింగ్ అని కూడా అంటారు. ఇందుకోసం కఠినమైన వ్యాయామాలు అవసరం లేదు. పార్కులో నడవడం, చెట్లను గమనించడం, పక్షుల శబ్దాలను వినడం వంటివి చేయవచ్చు. ఇలా ప్రకృతితో గడపడం ఒత్తిడిని తగ్గించి మానసిక ఆరోగ్యానికి తోడ్పడుతుంది.
Also Read: మీ పిల్లలు టపాసుల శబ్దాలకు భయపడుతున్నారా? దీపావళి వేళ తల్లిదండ్రులకు 5 చిట్కాలు
జపాన్ ప్రజల జీవనశైలి మనకు ఒక ముఖ్యమైన విషయాన్ని నేర్పుతుంది. ఆరోగ్యంగా ఉండటానికి చిన్న అలవాట్లను క్రమం తప్పకుండా పాటించడం అవసరం. మంచి ఆహారం, రోజువారీ వ్యాయామం, స్నేహబంధాలు, ధ్యానం వంటి వాటికి ప్రాధాన్యత ఇవ్వండి. ఒక్కరోజులో అన్ని అలవాట్లను మార్చుకోవాల్సిన అవసరం లేదు. నెమ్మదిగా ప్రారంభించి మీ దినచర్యలో భాగం చేసుకోండి.
గమనిక: ఈ కథనంలోని సమాచారం సాధారణ అవగాహన కోసం మాత్రమే. ఇది వైద్యుల సలహాకు ప్రత్యామ్నాయం కాదు. ఆరోగ్యానికి సంబంధించిన మార్పులు చేసుకునే ముందు వైద్య నిపుణులను సంప్రదించండి.
Share
హిందూపురంలో సతీమణితో బాలకృష్ణ ప్రత్యక్షం.. ఓటు హక్కుపై కీలక వ్యాఖ్యలు!
ఏపీలో ‘మురసు’ ముసురు.. కుమ్మేస్తున్న వర్షాలు, తీర ప్రాంతాలకు అలర్ట్, తెలంగాణలో కూడా
