Simple Facepack: కలబంద జెల్‌లో నిమ్మరసం కలిపి ముఖానికి రాస్తే ఏం జరుగుతుందో తెలుసా?

ఇంటి చిట్కాలను పాటించడం ద్వారా చర్మాన్ని సులువుగా మెరిపించుకోవచ్చు. అందులో అలొవెరా జెల్, నిమ్మరసం కలిపి ముఖానికి రాసే పద్ధతి ఎక్కువగా కనిపిస్తోంది. అయితే ఈ మిశ్రమం నిజంగా ఎంతవరకు ఉపయోగకరం? ఎవరికి సరిపోతుంది? చర్మ నిపుణులు ఏం చెబుతున్నారో తెలుసుకోండి.

అలోవెరా జెల్ తో ఉపయోగాలు
అలొవెరా జెల్ చర్మానికి చల్లదనం ఇస్తుంది. ఎండలో తిరిగిన తర్వాత చర్మం ఎర్రగా మారినప్పుడు దీన్ని రాస్తే ఉపశమనం లభిస్తుంది. చర్మం పొడిగా అనిపించినప్పుడు తేమను నిలుపుతుంది. మొటిమల వల్ల వచ్చే మంట, ఇర్రిటేషన్ తగ్గించడంలో కూడా సహాయం చేస్తుంది. అందుకే చాలా క్రీములు, జెల్స్‌లో అలొవెరా ఉపయోగం కనిపిస్తుంది. ఇది సహజంగా చర్మాన్ని మృదువుగా మార్చే గుణం కలిగి ఉంటుంది.

Also read: Kedarnath Yatra: కేదార్ నాథ్ యాత్రకు వెళుతున్నారా? ఈ తప్పులు మాత్రం చేయకండి

ఇక నిమ్మరసం విషయానికి వస్తే ఇందులో విటమిన్ C, సిట్రిక్ యాసిడ్ ఎక్కువగా ఉంటాయి. ఇవి చర్మంపై మచ్చలు తగ్గించడంలో కొంత సహాయం చేస్తాయి. చర్మం కాస్త బ్రైట్‌గా కనిపించేలా చేస్తాయి. ఆయిల్ ఎక్కువగా ఉండే చర్మం ఉన్నవారికి ఇది కొంత ఉపశమనం ఇస్తుంది. అలొవెరా, నిమ్మరసం కలిపితే చర్మం శుభ్రంగా అనిపించడంతో పాటు ఫ్రెష్ ఫీలింగ్ వస్తుంది. కొందరికి మొటిమల మచ్చలు క్రమంగా తగ్గుతున్నట్టు అనిపించవచ్చు.

ఈ జాగ్రత్తలు
అయితే నిమ్మరసం యాసిడిక్ స్వభావం కలిగి ఉంటుంది. నేరుగా చర్మంపై ఎక్కువసేపు ఉంచితే మండటం, ఎర్రబడటం, దురద వంటి సమస్యలు రావచ్చు. సెన్సిటివ్ స్కిన్ ఉన్నవారికి ఇది ఇంకా ఎక్కువ ఇబ్బంది కలిగించవచ్చు. అలాగే నిమ్మరసం రాసి బయట ఎండలోకి వెళ్తే చర్మం సూర్యకాంతికి ఎక్కువ స్పందిస్తుంది. దీంతో టాన్ త్వరగా పడే అవకాశం ఉంటుంది. అందుకే ఈ మిశ్రమం వాడేటప్పుడు జాగ్రత్త అవసరం.

Also read: Badrinath Temple: విష్ణువు తపస్సు చేసిన పవిత్ర స్థలం.. బద్రీనాథ్ ప్రత్యేకతలు ఇవే

ఇంట్లో ఈ ఫేస్ ప్యాక్ తయారు చేయడం చాలా సులువు. ఒక స్పూన్ అలొవెరా జెల్ తీసుకుని కొన్ని చుక్కలు నిమ్మరసం కలపాలి. ముఖానికి పలుచగా రాసి పది నుంచి పదిహేను నిమిషాలు ఉంచి తరువాత నీటితో కడగాలి. వారానికి రెండు సార్లు వాడితే సరిపోతుంది. మొదట చేతి మీద చిన్న భాగంలో పరీక్ష చేసి తరువాత ముఖానికి వాడటం మంచిది. ఏదైనా ఇబ్బంది కనిపిస్తే వెంటనే ఆపాలి. అవసరం ఉంటే చర్మ నిపుణులను సంప్రదించడం ఉత్తమం.