Newborn Sleep Smiling| నవజాత శిశువు నిద్రలో ఉన్నప్పుడు అకస్మాత్తుగా నవ్వడం, పెదవులు కదపడం లేదా చిన్న శబ్దాలు చేయడం తల్లిదండ్రులను ఆశ్చర్యపరుస్తుంది. కొన్నిసార్లు బిడ్డ కొన్ని సెకన్ల పాటు ఏడుస్తున్నట్లు శబ్దం చేసి మళ్లీ ప్రశాంతంగా నిద్రపోతాడు. ఇలాంటి చర్యలు చాలాసార్లు శిశువుల సాధారణంగా చేస్తుంటారు. అందువల్ల ప్రతి చిన్న కదలికను అనారోగ్యానికి సంకేతంగా భావించాల్సిన అవసరం లేదు.
నవజాత శిశువుల నిద్ర విధానం.. పెద్దల నిద్ర పోయే విధానానికి చాలా భిన్నంగా ఉంటుంది. వారి నిద్ర చక్రాలు మొదటి కొన్ని వారాల్లో పూర్తిగా అభివృద్ధి చెందవు. అందుకే వారు కొద్దిసేపు నిద్రపోయి, పాలు తాగడానికి మళ్లీ మేల్కొంటారు. పగలు, రాత్రి మధ్య తేడా వారికి ప్రారంభంలో అర్థం కాదు. కానీ క్రమంగా నేర్చుకుంటారు. నిద్రలో ఉన్నప్పటికీ వారి ముఖం, చేతులు, కాళ్లు కొద్దిగా కదలవచ్చు. వారి శ్వాస వేగం కూడా కొంత మారుతూ కనిపించవచ్చు. ఇలాంటి మార్పులు సాధారణ నిద్రలో కనిపించే చర్యలు కావచ్చు.
బిడ్డ నిద్రలో నవ్వితే తల్లిదండ్రులు సాధారణంగా ఎంతో ఆనందిస్తారు. చాలామంది బిడ్డ అందమైన కలలు కంటున్నాడని అనుకుంటారు.
అయితే, ప్రతి నవ్వు కలలకు సంబంధించినదని చెప్పలేం. నిద్రలో జరిగే సహజమైన ముఖ కదలికల వల్ల కూడా బిడ్డ నవ్వుతున్నట్లు అనిపిస్తుంది. బిడ్డ నిద్రలో కనుబొమ్మలు ముడుచుకోవచ్చు లేదా పెదవులు కదపవచ్చు. ఇలాంటి కదలికలు నిద్ర దశలు, అభివృద్ధి చెందుతున్న నాడీ వ్యవస్థతో సంబంధం కలిగి ఉంటుంది.
నవజాత శిశువులు నిద్రలో అనేక రకాల చిన్న శబ్దాలు చేయవచ్చు. వారు గుసగుసలు, మూలుగులు లేదా ఏడుపులా అనిపించే శబ్దాలు చేయవచ్చు. కొన్ని సందర్భాల్లో బిడ్డ కొన్ని సెకన్ల పాటు ఏడ్చినట్లు కూడా అనిపిస్తుంది. తర్వాత ఎలాంటి సహాయం లేకుండానే మళ్లీ ప్రశాంతంగా నిద్రపోవచ్చు. నిద్రలో శిశువు శ్వాస కూడా కొంత వేగంగా లేదా నెమ్మదిగా మారవచ్చు. బిడ్డ సౌకర్యంగా శ్వాస తీసుకుంటే ప్రతి శబ్దానికి వెంటనే భయపడాల్సిన అవసరం లేదు.
ముందుగా బిడ్డ నిజంగా మేల్కొన్నాడా లేదా నిద్రలోనే ఉన్నాడా గమనించాలి. కొద్దిసేపు ఏడ్చి మళ్లీ నిద్రపోతే వెంటనే బిడ్డను లేపాల్సిన అవసరం ఉండకపోవచ్చు. ఏడుపు కొనసాగితే ఆకలి లేదా తడిసిన డైపర్ వంటి సాధారణ కారణాలు ఉండే అవకాశం ఉంది. బిడ్డకు ఎక్కువ వేడిగా లేదా చల్లగా ఉందా? అని కూడా గమనించాలి. మెల్లగా తాకుతూ ప్రశాంతమైన స్వరంతో మాట్లాడితే బిడ్డ మళ్లీ నిద్రపోవచ్చు.
Also Read: కేవలం రూ.16కే ఫ్రెష్ బీర్.. వాటర్ బాటిల్ కంటే తక్కువ ధర.. బారులు తీరుతున్న జనం
నిద్రలో బిడ్డకు స్పష్టంగా శ్వాస తీసుకోవడంలో ఇబ్బంది కనిపిస్తే వెంటనే వైద్యుడిని సంప్రదించాలి. పెదవులు లేదా ముఖం నీలంగా మారడం కూడా తీవ్రమైన హెచ్చరికగా పరిగణించాలి. అసాధారణమైన కుదుపులు పదేపదే కనిపించినా వైద్యుడిని సంప్రదించడం అవసరం. బిడ్డ అసాధారణంగా నీరసంగా ఉండటం లేదా పడుకొని ఉంటే మేల్కొలపడం కష్టంగా ఉంటే కూడా గమనించాలి.
నిద్రపోయే పిల్లల.. ప్రతి నవ్వు కలను సూచించదు, అలాగే ప్రతి శబ్దం సమస్యను సూచించదు. అయితే, ఏదైనా అసాధారణంగా అనిపిస్తే తల్లిదండ్రులు పిల్లల వైద్యుడిని సంప్రదించడం మంచిది.
Also Read: పార్ట్ టైమ్ బిజినెస్తో నెలకు రూ.30 లక్షల ఆదాయం.. కేవలం రూ.19000 పెట్టుబడి
Share
Gundeninda GudiGantalu Today episode: మళ్లీ మోసపోయిన మనోజ్.. ప్రభాకు అబద్దం చెప్పిన మనోజ్.. బాలు కౌంటర్స్..
జపాన్ను వణికించిన భారీ భూకంపం.. భయాందోళనలో టోక్యోవాసులు, పలు ప్రాంతాల్లో వాహనాలు నిలిపివేత
