Huge Part Time Income Voice Over| చిన్న మొత్తంతో ప్రారంభించిన ఒక ప్రయత్నం కూడా జీవితంలో ఊహించని మార్పు తీసుకువస్తుంది. దీనికి NASA (అమెరికా అంతరిక్ష పరిశోధన సంస్థ) ఇంజినీర్ ఎరిన్ ఆండ్రూస్ కథ మంచి ఉదాహరణ. ఆమె అదనపు ఆదాయం కోసం చేసిన చిన్న ప్రయత్నం ఆమె బ్యాంక్ బ్యాలెన్స్ ఈ రోజు విపరీతంగా పెరిగిపోయింది. ఇప్పుడు అదే పని ఆమెకు నెలకు రూ.30 లక్షలకు పైగా ఆదాయం తెస్తోంది. ఎరిన్ ఆండ్రూస్ హ్యూస్టన్లోని NASA జాన్సన్ స్పేస్ సెంటర్లో పూర్తి సమయం పనిచేస్తున్నారు. అదే సమయంలో ఇంటి నుంచే తన వాయిస్-ఓవర్ వ్యాపారాన్ని కూడా నిర్వహిస్తున్నారు. ఆమె కథ చిన్నగా ప్రారంభించి, నైపుణ్యాలను మెరుగుపరుచుకుంటే మంచి అవకాశాలు లభిస్తాయని చూపిస్తోంది.
ఎరిన్ ఆండ్రూస్ తనకు నెల జీతం సరిపోకపోవడంతో 2022 మార్చిలో సైడ్ హస్టిల్ (పార్ట్ టైమ్ వ్యాపకం) అవకాశాల కోసం వెతకడం ప్రారంభించారు. ఆ సమయంలో ఆమె సింగిల్ మదర్గా (భర్త నుంచి విడిపోయారు) తన కుమార్తెను చూసుకుంటున్నారు. ప్రతి నెల అదనంగా 200 డాలర్లు (భారత కరెన్సీలో రూ.19,000) సంపాదించడమే ఆమె మొదటి లక్ష్యం. ఈ డబ్బుతో తన కుమార్తెతో చిన్న ప్రయాణాలు, ఇతర కార్యక్రమాలు చేయాలని భావించారు. ఆన్లైన్లో అవకాశాల కోసం వెతుకుతున్న సమయంలో ఆమెకు వాయిస్ – ఓవర్ పని గురించి తెలిసింది. దీంతో ఈ రంగంలో ప్రయత్నించాలని నిర్ణయించుకున్నారు. ఆమె శిక్షణ కోర్సు, మైక్రోఫోన్, ప్రాథమిక రికార్డింగ్ పరికరాల కోసం సుమారు 200 డాలర్లు పెట్టుబడి పెట్టారు. తర్వాత Fiverr అనే ఫ్రీ లాన్సింగ్ ప్లాట్ ఫామ్లో తన ప్రొఫైల్ను రూపొందించి పనుల కోసం ప్రయత్నించారు.
ప్రారంభంలో ఎరిన్కు వృత్తిపరమైన వాయిస్ – ఓవర్ అనుభవం లేదు. అందుకే మొదట తక్కువ పారితోషికం ఇచ్చే చిన్న ప్రాజెక్టులను స్వీకరించారు. ఈ విధానం ద్వారా ఆమె మంచి పోర్ట్ఫోలియో నిర్మించుకున్నారు. క్లయింట్ల నుంచి మంచి అభిప్రాయాలు కూడా పొందారు. మొదటి నెలలోనే ఆమె సుమారు 1,000 డాలర్ల ఆదాయం సంపాదించినట్లు తెలిపారు. ఇది ఆమె అనుకున్న 200 డాలర్ల టార్గెట్ని మించిపోయింది. కాలక్రమేణా ఆమె తన నైపుణ్యాలను మెరుగుపరుచుకున్నారు. దీంతో పెద్ద ప్రాజెక్టులు, కొత్త క్లయింట్లు ఆమెకు రావడం జరిగింది.
NASAలో ఇంజినీర్గా రోజంతా ఉద్యోగం చేసిన తరువాత ఎరిన్ ఇంట్లో చేసే పని పూర్తిగా భిన్నంగా ఉంటుంది. నాసా సంస్థలో ఆమె వ్యోమగాముల పనితీరు, కదలికలకు సంబంధించిన పరిశోధనలో పనిచేస్తున్నారు. స్పేస్సూట్ ధరించినప్పుడు వ్యోమగాములు ఎలా కదులుతారనే విషయంపై ఆమె డేటాను సేకరించి విశ్లేషిస్తారు. ఉద్యోగం పూర్తయిన తర్వాత ఆమె ఇంటికి వెళ్లి వాయిస్ – ఓవర్ ప్రాజెక్టులపై పనిచేస్తారు. వాయిస్ ఓవర్ చేయాలంటే ఎలాంటి శబ్ద కాలుష్యం లేకుండా ప్రశాంతంగా ఉండే ప్రదేశం కావాలి. అందుకోసం అమె ఇంట్లోని గెస్ట్ రూమ్ (అతిథుల గది)లోని క్లాజెట్ను చిన్న రికార్డింగ్ స్టూడియోగా మార్చుకున్నారు. బయటి శబ్దాన్ని తగ్గించడానికి ఆమె సాధారణ వస్తువులను ఉపయోగించారు. ప్రతి వారం ఒకటి నుంచి ఎనిమిది గంటల వరకు వాయిస్ రికార్డింగ్ చేస్తారు.
కార్పొరేట్ ప్రకటనలు, కంపెనీ వాయిస్ మెసేజ్లు, శిక్షణ వీడియోలకు ఆమె తన గాత్రాన్ని అందిస్తున్నారు.
Also Read: కేవలం రూ.16కే ఫ్రెష్ బీర్.. వాటర్ బాటిల్ కంటే తక్కువ ధర.. బారులు తీరుతున్న జనం
అనుభవం పెరిగిన తర్వాత ఎరిన్కు పెద్ద సంస్థల నుంచి కూడా అవకాశాలు వచ్చాయి. ఆమె క్లయింట్లలో కోకా కోలా, పెట్ స్మార్ట్, యునివర్సిటీ ఆఫ్ మిస్సిసిప్పీ వంటి సంస్థలు ఉన్నట్లు సమాచారం.
2026లో ఆమె వాయిస్-ఓవర్ పని ద్వారా 227,000 డాలర్లకు పైగా సంపాదించినట్లు నివేదికలు పేర్కొన్నాయి. ఆమె నెలవారీ వ్యాపార ఆదాయం 32,000 డాలర్లకు పైగా చేరింది. ఇది భారత కరెన్సీలో సుమారు రూ.30 లక్షలకు సమానం. 2025లోనే ఆమె పార్ట్ టైమ్ ఆదాయం NASAలో లభించే జీతాన్ని మించిపోయిందని సమాచారం.
Also Read: ఆన్లైన్లో ఫ్రీగా చదువుకోవచ్చు.. మరి స్కూల్, కాలేజీ ఫీజులు ఎందుకు పెరుగుతున్నాయి?
ఈ అదనపు ఆదాయంతో ఎరిన్ ప్రయాణాలు చేయగలిగారు. ఆమె ఒక సెకండ్ హ్యాండ్ టొయోటా రావ్4 కారు కూడా కొనుగోలు చేశారు. తన కుమార్తె ఉన్నత విద్య కోసం ప్రత్యేకంగా పొదుపు నిధిని కూడా ఏర్పాటు చేశారు. చిన్న మొత్తంతో ప్రారంభమైన ఈ ప్రయత్నం ఇప్పుడు పెద్ద వ్యాపారంగా మారింది. ఎరిన్ కథ నైపుణ్యం, నిరంతర ప్రయత్నం, సరైన అవకాశాలు ఎంతటి మార్పు తీసుకురాగలవో చూపిస్తోంది.
Share
Intinti Ramayanam Today Episode: హమ్మయ్య పల్లవి సేఫ్.. అశ్విన్ అరెస్ట్.. శ్రీయ సాధించింది..
Podarillu Today Episode : మొక్కు తీర్చుకున్న మహా.. పెద్ది కోసం త్యాగం.. శైలును మోసం చేసిన వరాలు..
