బిర్యానీ అంటే చాలా ఇష్టమా? ఎప్పుడూ చికెన్ లేదా మటన్ బిర్యానీయే తింటుంటారు. కానీ కూరగాయలతో కూడా చాలా రుచికరమైన బిర్యానీ తయారు చేయవచ్చు. అలాంటి వాటిలో బీట్రూట్ బిర్యానీ ప్రత్యేకమైనది. బీట్రూట్ వల్ల బిర్యానీకి మంచి ఎర్రటి రంగు వస్తుంది. అలాగే రుచీ కూడా చాలా బాగుంటుంది. ముఖ్యంగా ఆరోగ్యానికి కూడా బీట్రూట్ చాలా మంచిది. కాబట్టి ఇంట్లో ఒకసారి ఈ బీట్రూట్ బిర్యానీ ప్రయత్నించండి.
బీట్ రూట్ బిర్యానీకి కావాల్సిన పదార్థాలు
బాస్మతి బియ్యం – ఒక కప్పు
బీట్రూట్ – ఒకటి (పెద్దది)
ఉల్లిపాయలు – రెండు
టమాటాలు – రెండు
పచ్చిమిర్చి – రెండు
అల్లం వెల్లుల్లి పేస్ట్ – ఒక స్పూన్
పుదీనా ఆకులు – గుప్పెడు
కొత్తిమీర – గుప్పెడు
పెరుగు – రెండు స్పూన్లు
కారం – అర టీస్పూన్
పసుపు – చిటికెడు
గరం మసాలా – అర టీస్పూన్
లవంగాలు – 3
యాలకులు – 2
దాల్చిన చెక్క – చిన్న ముక్క
నూనె లేదా నెయ్యి – 2 టేబుల్ స్పూన్లు
ఉప్పు – తగినంత
నీరు – అవసరమైనంత
Also read: Collagen Foods: ముఖం మెరిసిపోవాలంటే కొలాజెన్ నిండుగా ఉండే వీటిని రోజూ తినాల్సిందే
బీట్ రూట్ బిర్యానీ రెసిపీ
1. ముందుగా బాస్మతి బియ్యాన్ని శుభ్రంగా కడిగి సుమారు 20 నిమిషాలు నీటిలో నానబెట్టాలి. ఇలా నానబెట్టడం వల్ల బియ్యం పొడవుగా, మృదువుగా ఉడుకుతుంది.
2. ఇప్పుడు స్టౌ మీద కుక్కర్ లేదా మందపాటి గిన్నె పెట్టి అందులో నూనె లేదా నెయ్యి వేసి వేడి చేయాలి.
3. నూనె వేడయ్యాక లవంగాలు, యాలకులు, దాల్చిన చెక్క వేసి కొద్దిసేపు వేయించాలి.
4. తర్వాత తరిగిన ఉల్లిపాయలు వేసి బంగారు రంగు వచ్చే వరకు వేయించాలి.
5. ఉల్లిపాయలు బాగా వేగిన తర్వాత అల్లం వెల్లుల్లి పేస్ట్, పచ్చిమిర్చి వేసి ఒక నిమిషం కలపాలి.
6. ఇప్పుడు టమాటా ముక్కలు వేసి అవి మెత్తగా అయ్యే వరకు వండాలి.
7.ఇప్పుడు చిన్న ముక్కలుగా కట్ చేసిన బీట్రూట్ వేసి బాగా కలపాలి. బీట్రూట్ కొద్దిసేపు వేపితే దాని రుచి బిర్యానీలో బాగా కలుస్తుంది.
8. తర్వాత పసుపు, మిరప పొడి, గరం మసాలా వేసి కలపాలి. ఇప్పుడు పెరుగు వేసి మిశ్రమాన్ని బాగా కలపాలి.
9. తరువాత పుదీనా ఆకులు, కొత్తిమీర వేసి మరోసారి కలపాలి.
10. ఇవి బిర్యానీకి మంచి వాసనతో పాటు రుచిని కూడా పెంచుతాయి.
11. ఇప్పుడు నానబెట్టిన బియ్యాన్ని నీరు వంపి గిన్నెలో వేసి మసాలాతో నెమ్మదిగా కలపాలి.
12. తర్వాత తగినంత నీరు, ఉప్పు వేసి కలిపి కుక్కర్ మూత పెట్టాలి.
13. కుక్కర్లో అయితే 2 లేదా 3 విజిల్స్ వచ్చే వరకు ఉడికించాలి.
14. గిన్నెలో చేస్తే నీరు పూర్తిగా ఆవిరై బియ్యం మెత్తగా ఉడికే వరకు వండాలి. అంటే టేస్టీ బీట్ రూట్ బిర్యానీ రెడీ అయినట్టే.
15. బిర్యానీ తయారైన తర్వాత స్టవ్ ఆఫ్ చేసి కొద్దిసేపు అలాగే ఉంచాలి.
16. తరువాత నెమ్మదిగా కలిపి పైన కొత్తిమీర లేదా పుదీనా చల్లి వేడిగా సర్వ్ చేయాలి.
17. దీనితో పాటు ఉల్లిపాయ రైతా లేదా పెరుగు పచ్చడి ఉంటే చాలా రుచిగా ఉంటుంది.
బీట్రూట్లో ఐరన్, ఫైబర్, విటమిన్లు ఎక్కువగా ఉంటాయి. ఇది రక్తహీనత సమస్య తగ్గించడంలో సహాయపడుతుంది. అలాగే శరీరానికి శక్తిని కూడా ఇస్తుంది. అందుకే పిల్లలు, పెద్దలు అందరూ బీట్రూట్ తినడం మంచిదని ఆరోగ్య నిపుణులు చెబుతున్నారు. సాధారణ బిర్యానీకి భిన్నంగా ఉండే ఈ వంటకం ఇంట్లో ఒకసారి చేసి చూస్తే తప్పకుండా అందరికీ నచ్చుతుంది.
Share
Collagen Foods: ముఖం మెరిసిపోవాలంటే కొలాజెన్ నిండుగా ఉండే వీటిని రోజూ తినాల్సిందే
Raw Mango Rice: పచ్చి మామిడికాయ రైస్.. వేసవిలో రుచిగా చేసుకునే రైస్ రెసిపీ
