Jade Roller: మీ ఫేస్ సహజంగానే మెరిసిపోవాలంటే.. వీటిని వాడండి చాలు !

Jade Roller: అందంగా కనిపించాలని ఎవరికి ఉండదు చెప్పండి. తమ ముఖ చర్మాన్ని కాంతివంతంగా మార్చుకోవడానికి అమ్మాయిలు రకరకాల ఉత్పత్తులను ఉపయోగిస్తారు. కానీ ఈ ఉత్పత్తులు చర్మంలోకి లోతుగా చొచ్చుకుపోయి చర్మాన్ని పోషించినప్పుడు మాత్రమే ప్రభావాన్ని చూపుతాయి. పార్లర్ లో చర్మం బాగా మెరిసేలా చేయడానికి, ఫేస్ టూల్స్ ఉపయోగిస్తారు. ఇవి ముఖాన్ని బాగా మసాజ్ చేసి రక్త ప్రసరణను పెంచుతాయి. దీనివల్ల ముఖం సహజంగానే మెరుస్తుంది. మరి పార్లర్‌లో ఉపయోగించే ఉపకరణాలు వాటిని వాడే విధానం గురించిన పూర్తి వివరాలను ఇప్పుడు తెలుసుకుందాం.

జాడే రోలర్:
జాడే రోలర్ ను చాలా మంది ముఖ సౌందర్యం కోసం ఉపయోగిస్తారు . వీటిని వాడటం వల్ల చర్మ కండరాలు సడలించబడతాయి. జాడే రోలర్ రెండు వైపులా చిన్న పెద్ద డిజైన్ చేసిన రోలర్లను కలిగి ఉంటుంది. ముఖాన్ని పెద్ద రోలర్‌తో మసాజ్ చేసుకోవచ్చు. చిన్న రోలర్‌ను కళ్ళ చుట్టూ అంతే కాకుండా ముక్కు వంటి సున్నితమైన ప్రాంతాలను మసాజ్ చేయడానికి ఉపయోగిస్తారు.

ముఖం మీద వాపు తగ్గించడంలో జాడే రోలర్ చాలా సహాయపడుతుంది. దీనివల్ల ముఖం ఉబ్బినట్లు కూడా కనిపించదు. ఫేస్ వాష్‌తో ముఖాన్ని శుభ్రం చేసుకున్న తర్వాత.. సీరం లేదా ఫేస్ ఆయిల్ అప్లై చేయాలి. ఆ తర్వాత జేడ్ రోలర్ సహాయంతో మసాజ్ చేయండి. ఇది క్షణాల్లోనే మీ ముఖంలో తేడాను చూపిస్తుంది. జాడే రోలర్‌ను ఉపయోగించే ముందు కొంత సమయం ఫ్రిజ్‌లో ఉంచండి. ఇలా చేయడం వల్ల మంచి ఫలితం ఉంటుంది.

జాడే రోలర్ ప్రయోజనాలు:

సహజ మెరుపు:
జాడే రోలర్ చర్మానికి సహజ మెరుపును అందిస్తుంది. దీనిని వాడటం వల్ల ముఖంపై రక్తప్రసరణ మెరుగుపడుతుంది.

ముడతలు తొలగిపోతాయ్:
మీరు వృద్ధాప్యాన్ని తగ్గించడానికి జాడే రోలర్‌ను ఉపయోగించండి. ఇది చర్మాన్ని బిగుతుగా చేసి, ముడతలను తగ్గించడంలో సహాయపడుతుంది.

డార్క్ సర్కిల్స్:
మీ కళ్ల క్రింద నల్లటి వలయాలు ఉంటే మీరు జేడ్ రోలర్‌తో మసాజ్ చేయాలి. ఇలా చేయడం వల్ల సమస్య నుండి ఈజీగా బయటపడతారు.

స్కిన్ ప్రొడక్ట్స్:
మీరు సీరం, ఫేస్ ఆయిల్ లేదా మాయిశ్చరైజర్ అప్లై చేస్తుంటే గనక జాడే రోలర్‌తో మసాజ్ చేయడం వల్ల అది చర్మంలోకి బాగా శోషించబడుతుంది. అంతే కాకుండా మరింత ప్రభావవంతంగా ఉంటుంది

గువాషా:
మీకు పదునైన దవడ కావాలంటే ఈ ఫేస్ టూల్‌ని ఉపయోగించవచ్చు. అమ్మాయిలు చాలా మంది దీనిని వాడటానికి ఆసక్తి చూపిస్తుంటారు.ముఖానికి సీరం లేదా ఫేస్ ఆయిల్ అప్లై చేసిన తర్వాత, గువాషా సహాయంతో మసాజ్ చేయండి. మసాజ్ చేయడానికి.. దవడ రేఖ నుండి ముఖం పైభాగానికి మసాజ్ చేయండి. ఇది చర్మాన్ని విశ్రాంతిని అందించడంలో కూడా బాగా సహాయపడుతుంది.

టీ బార్ మసాజ్ టూల్ :
ముఖాన్ని అందంగా మార్చుకోవడానికి.. రకరకాల స్కిన్ కేర్ ప్రొడక్ట్స్ మాత్రమే కాకుండా అనేక సాధనాలు కూడా అందుబాటులో ఉన్నాయి. టి బార్‌ను గోల్డ్ ఫేషియల్ మసాజర్ అని కూడా పిలుస్తారు. ఇది ఒక ఫేషియల్ మసాజ్ చేసే సాధనం. ఇది ముఖం కంపనాల ద్వారా మసాజ్ చేస్తుంది. దీని వల్ల ముఖం మీద రక్త ప్రసరణ చాలా బాగా జరుగుతుంది. ఈ T-ఆకారపు సాధనం సహాయంతో, చర్మం బిగుతుగా మారుతుంది. ఇది కుంగిపోయిన చర్మాన్ని కూడా సరిచేస్తుంది.

Also Read: చిటికెడు కాఫీ పొడితో.. క్షణాల్లోనే తెల్లజుట్టు నల్లగా మారిపోతుంది !

ఐస్ గ్లోబ్స్ ఫేస్ మసాజ్ టూల్ :
ఐస్ గ్లోబ్స్ సాధనం ముఖంపై వాపును తగ్గిస్తుంది. అంతే కాకుండా ఇది వడదెబ్బ నుండి ఉపశమనం కూడా కలిగిస్తుంది. మీ చర్మం సున్నితంగా ఉంటే ఈ సాధనాన్ని సులభంగా ఉపయోగించవచ్చు. ఫ్రిజ్ లో ఉంచిన తర్వాత ఐస్ గ్లోబ్‌లను ఉపయోగించండి. ముఖాన్ని కింది నుండి పైకి మసాజ్ చేయండి. ఇది తలనొప్పి, మైగ్రేన్ ,సైనస్‌ వంటి వాటికి కూడా చాలా ప్రభావవంతంగా పనిచేస్తుంది.

Share

• 
• 
• 
• 
• 
•