Benefits With Fruits Peels : చాలా మంది ఆరోగ్యానికి మేలు చేస్తుందని రకరకాల పండ్లను కొంటుంటారు. పండును తిని తొక్కను పడేస్తుంటారు.కానీ పండే కాదు.. వాటి తొక్కల్లోనూ బోలెడు పోషకాలు ఉంటాయి. పండు ఆరోగ్యానికి మేలు చేస్తే.. తొక్క సౌందర్య పోషణలో సాయపడుతుంది. ఆ పండ్లేవో తెలుసుకుందామా!
కివీ..
ఇందులో విటమిన్- ఇ పుష్కలంగా ఉంటుంది. దీని తొక్కలకు పెరుగు కలిపి మెత్తగా నూరుకోవాలి. ఈ మిశ్రమాన్ని ముఖానికి పట్టిస్తే సరి. ఇది వృద్ధాప్య ఛాయలను అడ్డుకుంటుంది. ఇలా వారానికి రెండు సార్లు చేస్తే చాలు స్వచ్ఛమైన సౌందర్యాన్ని పొందవచ్చు.
నారింజ..
విటమిన్- సి, సహజ నూనెలు సమృద్ధిగా ఉన్న నారింజ తొక్కలు అందానికి మేలు చేస్తాయి. ఎండిన తొక్కలను మెత్తగా పొడి చేసి, పెరుగుతో కలిపి ముఖానికి మాస్క్‌లా వేసుకోవాలి. మొటిమలను తగ్గించడంలోనూ, మచ్చలను మాయం చేయటంలోనూ చక్కని ఔషధం నారింజ.
నిమ్మ..
దీనిలోని సిట్రిక్‌ యాసిడ్‌ చర్మాన్ని ప్రకాశవంతంగా చేస్తుంది. నిమ్మ తొక్కలను ఎండబెట్టి ఆ పొడిని తేనెతో కలిపి ఫేస్‌ప్యాక్‌ వేయాలి. పావుగంట తర్వాత నీటితో కడిగేయాలి.ఇది మొటిమలను తగ్గించటమే కాదు, ముఖంపై ఉన్న జిడ్డునూ తొలగిస్తుంది.
అరటి..
దీనిలో విటమిన్ ఎ, బి,సిలు, యాంటీఆక్సిడెంట్లు ఉంటాయి. అరటి పండు తొక్క లోపలి భాగాన్ని చర్మంపై రుద్దాలి. ఇది తేమను అందించి, మచ్చలను మాయం చేస్తుంది. పైగా అరటి చర్మానికి తేమను అందిండచంలో సహాయపడుతుంది.
Share
Black Thread : నల్లదారం వెనుక నమ్మలేని నిజాలు
Basil Plant : పదే పదే తులసి మొక్క ఎండిపోతుంటే సంకేతమిదే!
