Yoga For Students: పిల్లల్లో ఏకాగ్రత పెరగడం కోసం యోగా !

Yoga For Students: పిల్లలు ఎంత ఉత్సాహంగా చదువుకోవడానికి కూర్చున్నా, కొంత సమయం తర్వాత వారికి విసుగు కలుగుతుంది. చదువుతున్నప్పుడు నిద్రపోవడం, చదివినవి కొన్ని గంటల్లో మర్చిపోవడం లేదా చదువుపై ఆసక్తి లేకపోవడం వంటి అనేక సమస్యలు విద్యార్థులు ఎదుర్కొంటారు. ఈ సమస్యలకు ఏకాగ్రత లేకపోవడం ఒక కారణం. ఏకాగ్రత మనస్సు జ్ఞాపకశక్తిని పదును పెట్టడమే కాకుండా చదువుపై ఆసక్తి పెంచడంలో కూడా సహాయపడుతుంది విద్యార్థులు చదువులో మెరుగ్గా ఉండాలంటే ఏకాగ్రత పెంచుకోవాలి.

మెదడుకు పదును పెట్టడంలో జ్ఞాపకశక్తిని బలోపేతం చేయడంలో, ఏకాగ్రతను పెంచడంలో యోగా చాలా ప్రభావవంతంగా పనిచేస్తుంది. రెగ్యులర్‌గా యోగా చేయడం వల్ల శారీరక ఆరోగ్యాన్ని మెరుగుపరచడమే కాకుండా మానసిక సమతుల్యత, ఏకాగ్రత సామర్థ్యం కూడా మెరుగుపడుతుంది. విద్యార్థులకు ప్రత్యేకంగా ఉపయోగపడే కొన్ని యోగాసనాలు, ప్రాణాయామాల గురించి ఇప్పుడు తెలుసుకుందాం.

తడసనా:
ఈ ఆసనం సాధన శారీరక , మానసిక సమతుల్యతను పెంచుతుంది. ఎక్కువసేపు కూర్చొని చదువుకునే విద్యార్థులకు ఇది ప్రయోజనకరమైన యోగా వ్యాయామం.తడసనా సాధన చేయడానికి, నిటారుగా నిలబడి, మీ చేతులను మీ తలపైకి పెట్టండి. ఈ స్థితిలో కొన్ని సెకన్ల పాటు ఉండి, నెమ్మదిగా సాధారణ స్థితికి రావాలి.

వృక్షాసనం:
వృక్షాసనం ఏకాగ్రతను పెంచడానికి, మానసిక స్థిరత్వాన్ని బలోపేతం చేయడానికి సహాయపడుతుంది. ఈ ఆసనాన్ని చేయడాని నిటారుగా నిలబడి, ఒక పాదాన్ని మరొక కాలు తొడపై ఉంచండి. తల పైన రెండు చేతులు పెట్టండి. సమతుల్యతను కాపాడుకోండి. అనంతరం నెమ్మదిగా శ్వాస తీసుకోండి.

వజ్రాసనం:
వజ్రాసనం విద్యార్థులకు ప్రయోజనకరంగా ఉంటుంది. ఈ ఆసనం మానసిక ప్రశాంతతను అందిస్తుంది. ఏకాగ్రతను మెరుగుపరుస్తుంది. అంతే కాకుండా జీర్ణవ్యవస్థకు చాలా బాగా ఉపయోగపడుతుంది. వజ్రాసనం చేయడానికి కూర్చుని, మీ కాళ్లను వెనుకకు వంచండి. వీపును నిటారుగా ఉంచి చేతులు మోకాళ్లపై ఉంచాలి. లోతైన శ్వాస తీసుకుంటూ, 5-10 నిమిషాలు ఆ స్థితిలో కూర్చోండి.

Also Read: వీళ్లు క్యారెట్ తింటే.. ఎంత ప్రమాదమో తెలుసా ?

భుజంగాసనం:
మెదడులో రక్త ప్రసరణను పెంచడానికి, అలసట నుండి ఉపశమనం పొందడానికి భుజంగాసనం చేయవచ్చు. ఈ ఆసనం చేయడానికి బోర్లా పడుకుని మీ అరచేతులను భుజాల దగ్గర ఉంచండి. తల, ఛాతీని నెమ్మదిగా పైకి లేపండి. కొన్ని సెకన్లపాటు ఇలా ఉంచి, ఆపై ప్రారంభ స్థానానికి తిరిగి వెళ్లండి.

Share

• 
• 
• 
• 
• 
•