Weight Loss Tips: బరువు తగ్గాలని ప్రయత్నిస్తున్నప్పుడు తక్కువ కేలరీలు తీసుకోవడం ముఖ్యం. అయితే తక్కువ తినాలంటే రోజంతా ఆకలితో ఉండాల్సిన అవసరం లేదు. మనం భోజనం చేసే విధానంలో కొన్ని చిన్న మార్పులు చేసుకుంటే కడుపు నిండిన అనుభూతితో పాటు కేలరీలను కూడా నియంత్రించుకోవచ్చు. తాజాగా చెన్నైకి చెందిన ప్రముఖ ఫిట్‌నెస్ కోచ్ రాజ్ గణపత్ సోషల్ మీడియా ద్వారా సూచించిన ఈ నాలుగు సింపుల్ పద్ధతులు అందుకు ఉపయోగపడతాయి.
చాలా ఆకలిగా ఉన్నప్పుడు భోజనం మొదలుపెట్టే ముందు ఒక గ్లాసు నీళ్లు తాగడం మంచిది. ఇది కడుపులో కొంత నిండిన భావన కలిగించి, వెంటనే ఎక్కువ ఆహారం తినకుండా నియంత్రించడంలో సహాయపడొచ్చు.
Also Read: మెదడు చురుగ్గా పనిచేయాలంటే.. ఈ 5 ఆహారాలు మీ డైట్‌లో ఉండాల్సిందే!
మీ ప్లేట్‌లో ప్రోటీన్, కూరగాయలు, అన్నం లేదా మన శరీరానికి శక్తిని అందించే ఒక ప్రధానమైన కార్బోహైడ్రేట్‌లను సమానంగా ఉండేలా చూసుకోవాలి. అలాగే నూనె, ఫ్రై, క్రీమ్ వంటి ఎక్కువ కేలరీలు ఉండే వంటకాలను తగ్గించడం మంచిది. ఇలా చేస్తే తక్కువ కేలరీలతో మంచి పోషకాలు అందుతాయి.
భోజనం మొదట్లోనే కూరగాయలు తినడం మరో మంచి అలవాటు. కూరగాయల్లో ఉండే ఫైబర్ కడుపు నిండిన అనుభూతిని ఎక్కువసేపు ఉండేలా చేయడంలో సహాయపడుతుంది. ఆ తర్వాత అన్నం, ఇతర కార్బోహైడ్రేట్‌ ఆహారాలు, ప్రోటీన్ తీసుకోవచ్చు.
ఆహారాన్ని తొందరగా తినకుండా కనీసం 20 నిమిషాలు సమయం తీసుకోండి. నెమ్మదిగా తింటే శరీరానికి కడుపు నిండిందనే సంకేతాలను గుర్తించడానికి సమయం దొరుకుతుంది. దీంతో అవసరానికి మించి తినకుండా ఉండటం సులభమవుతుంది.
Also Read: ప్యాకేజ్డ్ ఫుడ్స్‌పై ఇక హెచ్చరిక లేబుల్స్.. కీలక ప్రతిపాదన చేసిన FSSAI!
Share
దేశవ్యాప్తంగా నీట్ పీజీ ఎగ్జామ్.. మద్యం తాగి పరీక్షా కేంద్రానికి వచ్చిన స్టూడెంట్, తెలంగాణలో ఘటన
చిన్నప్పుడు ఈ 5 అలవాట్లు ఉన్న పిల్లల్లు తల్లిదండ్రుల వృద్ధాప్యంలో వారిని పట్టించుకోరు
