School Children tips : నేటి కాలంలో డిజిటల్ పాఠశాలలు ఎక్కువగా ఉన్నాయి. తల్లిదండ్రులు కూడా వారి పిల్లలను డిజిటిల్ పాఠశాలలకు పంపేందుకు ఆసక్తి చూపుతున్నారు. అయితే ఈ పాఠశాలల్లో పిల్లలంతా స్క్రీన్‌లు, ఎలక్ట్రానిక్ పరికరాలను ఉపయోగిస్తుంటారు. దీనివల్ల వారి కంటి చూపు దెబ్బతింటుంది.
ఆరోగ్యకరమైన కంటి చూపును నిర్వహించడం అనేది పిల్లల విద్యా పనితీరుకు మాత్రమే కాకుండా.. మొత్తం శ్రేయస్సుకు కూడా ముఖ్యమైనది. పిల్లల ఆరోగ్యకరమైన దృష్టిని ప్రోత్సహించడానికి తల్లిదండ్రులు, అధ్యాపకులు కంటి ఆరోగ్యాన్ని మెరుగుపరిచే అలవాట్లను అలవరచాలి. ఎక్కువ సమయం స్క్రీన్‌తో గడపం వల్ల కంటి ఒత్తిడికి దారి తీస్తుంది.
ఇది తలనొప్పి, పొడి కళ్లు, అస్పష్టమైన దృష్టి వంటి సమస్యలకు దారితీస్తుంది. కంటిపై ఒత్తిడిని తగ్గించడానికి 20-20-20 నియమాన్ని అమలు చేయాలి. ప్రతి 20 నిమిషాలకు ఒకసారి స్క్రీన్ టైమ్ తర్వాత విరామం తీసుకోవాలి. అలానే 20 సెకన్ల పాటు 20 అడుగుల దూరంలో ఉన్న వస్తువుపై దృష్టి పెట్టాలి. ఈ సాధారణ వ్యాయామం సుదీర్ఘ స్క్రీన్ సమయం ప్రతికూల ప్రభావాలను తగ్గించడానికి తోడ్పడుతుంది.
Read More :ఈ ఐదు ఆసనాలతో కొలెస్ట్రాల్‌ మాయం..!
కంటి నిపుణులు అభిప్రాయం ప్రకారం.. ఆరుబయట కార్యకలాపాలలో పాల్గొనడం వల్ల శారీరక ఆరోగ్యంతో పాటు కంటి చూపు ఆరోగ్యంగా ఉండేందుకు కూడా సహాయపడుతుంది. సహజ కాంతి, బయట వాతావరణంలో వివిధ దూరాలు, రంగులకు బహిర్గతం కంటి ఆరోగ్యంపై సానుకూల ప్రభావాన్ని చూపుతాయి. పిల్లలు ఆరుబయట గడపడానికి ప్రోత్సహించండి.
ముఖ్యంగా కంటి ఒత్తిడిని నివారించడానికి తగినంత లైటింగ్ ఉండాలి. పిల్లలను బాగా వెలుతురుగా ఉన్న ప్రదేశంలో చదివించాలి. చదివే మెటీరియల్‌పై కాంతి ప్రకాశించేలా చూడాలి.
Read More : వాటర్ క్యాన్స్‌లో నీరు తాగుతున్నారా..?
పిల్లలు ఎలక్ట్రానిక్ పరికరాలను ఉపయోగిస్తుంటే.. స్క్రీన్ నుంచి సరైన దూరం ఉండేలా చూసుకోండి. స్క్రీన్ కంటి స్థాయిలో ఉండాలి. చూసే దూరం సుమారుగా చేయి పొడవు ఉండటం ముఖ్యం. చదివేటప్పుడు పిల్లల సరైన భంగిమలో ఉండాలి. వంగి చదుతుంటే.. అది సరికాదని చెప్పండి.
కంటి ఆరోగ్యానికి మంచి పౌష్టికాహారం అవసరం. పిల్లలు తీసుకునే ఆహారంలో విటమిన్లు ఎ, సి, ఇ, జింక్, ఒమేగా-3 కొవ్వు ఆమ్లాలు అధికంగా ఉండాలి. ఈ పోషకాలు కంటి చూపును ఆరోగ్యంగా ఉంచడంతో పాటు పొడి కళ్లు, రేచీకటి వంటి పరిస్థితులను నివారిస్తాయి.
పిల్లల కళ్లు హైడ్రేట్‌గా చేయడానికి తగినంత నీరు తాగేలా వారిని ప్రోత్సహించండి. మీ బిడ్డకు ఎలాంటి దృష్టి సమస్యలు లేకపోయినా కంటి పరీక్షలు చేయించుకోండి. మీ పిల్లల వయస్సు, ఇప్పటికే ఉన్న ఏవైనా కంటి పరిస్థితుల ఆధారంగా నిపుణుడిని సంప్రదించండి.
Disclaimer : ఈ సమాచారాన్ని ఆరోగ్య నిపుణుల సలహాలు , పలు వైద్య పరిశోధనలు ఆధారంగా అందించాం.
Share
Simhachalam: శ్రీ వరాహలక్ష్మీనృసింహ స్వామి.. 108 బంగారు సంపెంగలతో స్వర్ణపుష్పార్చన..
Driverless Train: డ్రైవర్ లేకుండానే 84 కిమీ వెళ్లిన గూడ్స్ రైలు ..
