నిద్రలో నోటి నుంచి లాలాజలం ఎందుకు వస్తుంది? ఆరోగ్య సమస్యలకు ఇది సంకేతమా..

చాలా మంది ఉదయం లేచిన తర్వాత దిండు మీద లాలాజలం కనిపించడం గమనిస్తారు. ఒక్కోసారి ఇలా జరగడం సాధారణమే. అయితే ఇది తరచుగా జరిగితే దాని వెనుక కొన్ని ఆరోగ్య కారణాలు ఉండే అవకాశం ఉంది. అందుకే ఈ సమస్యను పూర్తిగా నిర్లక్ష్యం చేయకూడదు.

లాలాజలం శరీరానికి ఎందుకు అవసరం?

లాలాజలం మన ఆరోగ్యానికి చాలా ముఖ్యం. ఆహారం జీర్ణం చేయడంలో ఇది ఉపయోగపడుతుంది. నోటిని తడిగా ఉంచి, పళ్లను హానికరమైన బ్యాక్టీరియా నుంచి రక్షిస్తుంది. అలాగే నోటి పరిశుభ్రతను కాపాడడంలో కూడా కీలక పాత్ర పోషిస్తుంది. సాధారణంగా రోజంతా తయారయ్యే లాలాజలాన్ని మనం తెలియకుండానే మింగేస్తుంటాం.

నిద్రలో లాలాజలం బయటకు ఎందుకు వస్తుంది?

గాఢ నిద్రలో ఉన్నప్పుడు లాలాజలం మింగే ప్రక్రియ నెమ్మదిస్తుంది. దీంతో నోటిలో లాలాజలం చేరి బయటకు కారే అవకాశం ఉంటుంది. అప్పుడప్పుడు ఇలా జరగడం సాధారణమే. కానీ ఇది తరచుగా జరిగితే కారణాన్ని తెలుసుకోవడం మంచిది.

ముక్కు మూసుకుపోతే సమస్య పెరగవచ్చు

జలుబు, అలెర్జీలు లేదా సైనస్ సమస్యలు ఉన్నవారికి వల్ల ముక్కు బ్లాక్ అవుతుంది. అప్పుడు చాలామంది నోటి ద్వారా శ్వాస తీసుకుంటారు. నోరు తెరిచి ఉండడం వల్ల లాలాజలం బయటకు కారే అవకాశం ఎక్కువ అవుతుంది. ఈ సమస్యకు సరైన చికిత్స తీసుకుంటే ఉపశమనం లభించవచ్చు.

తప్పుడు విధానంలో పడుకోవడం

పక్కగా లేదా బోర్లా పడుకునే అలవాటు ఉన్నవారిలో లాలాజలం సులభంగా బయటకు రావచ్చు. వీలైతే నేరుగా వీపు మీద పడుకోవడం కొంతమందికి ఉపయోగపడుతుంది. సరైన నిద్ర భంగిమ ఈ సమస్యను తగ్గించడంలో సహాయపడవచ్చు.

గాఢ నిద్ర వల్ల కూడా లాలాజలం కారవచ్చు

కొంతమంది అలసిపోవడం వల్ల గాఢ నిద్రలో ఉండగా లాలాజలం మింగే చర్య ఆలస్యమవుతుంది. దీంతో నోటిలో చేరిన లాలాజలం బయటకు రావచ్చు. ఇది చాలాసార్లు వ్యాధికి సంకేతం కాకపోవచ్చు.

యాసిడ్ రిఫ్లక్స్ కూడా ఒక కారణం

యాసిడ్ రిఫ్లక్స్ ఉన్నవారికి గుండెల్లో మంట, గొంతులో అసౌకర్యం, పుల్లటి తేపులు రావచ్చు. ఈ పరిస్థితి లాలాజలం ఉత్పత్తిని పెంచి నిద్రలో కారే అవకాశాన్ని పెంచుతుంది.

ఈ ఆరోగ్య సమస్యలు కూడా కారణం

తరచుగా లాలాజలం కారడం స్లీప్ అప్నియా, నాడీ సంబంధిత సమస్యలు, గొంతు ఇన్ఫెక్షన్లు లేదా టాన్సిల్స్ వాపు వంటి కారణాలతో కూడా సంబంధం కావొచ్చు. ఇలాంటి లక్షణాలు కనిపిస్తే వైద్యుడిని సంప్రదించడం మంచిది.

Also Read: మధ్యాహ్నం భోజనం చేసిన వెంటనే నిద్ర వస్తుందా? దీనికి కారణాలు ఇవే

సమస్య తగ్గించడానికి సూచనలు

వీపుపై పడుకునే అలవాటు చేసుకోవాలి. అలెర్జీలు లేదా ముక్కు సమస్యలకు చికిత్స తీసుకోవాలి. రోజంతా తగినంత నీరు తాగాలి. పడుకునే ముందు ఎక్కువ మసాలా లేదా భారమైన ఆహారం తగ్గించాలి. నోటి పరిశుభ్రతను క్రమం తప్పకుండా పాటించాలి.

ఎప్పుడు డాక్టర్‌ను సంప్రదించాలి?

అప్పుడప్పుడు లాలాజలం కారడం సాధారణమే. కానీ ఇది రోజూ జరుగుతూ ఇబ్బంది పెడితే లేదా ఇతర లక్షణాలు కూడా ఉంటే వైద్యుడి సలహా తీసుకోవాలి. సరైన పరీక్షల ద్వారా అసలు కారణాన్ని గుర్తించి చికిత్స పొందవచ్చు.

నిద్రలో లాలాజలం కారడం చాలామందిలో కనిపించే సాధారణ విషయం. అయితే ఇది తరచుగా జరిగితే దాని వెనుక ఆరోగ్య సమస్యలు ఉండే అవకాశం ఉంది. సరైన జీవనశైలి, మంచి నిద్ర అలవాట్లు, అవసరమైనప్పుడు వైద్య సలహా తీసుకోవడం ద్వారా ఈ సమస్యను సమర్థంగా నియంత్రించవచ్చు.