ఏ అరటిపండ్లు కొనాలి? అవి కొంటే బుక్కైనట్టే, కెమికల్స్‌తో పండించినవాటిని గుర్తించడం ఎలా?

Banana Buying: మార్కెట్లోకి రకరకాల పండ్లు వస్తున్నాయి. నిత్యం మన కళ్ల ముందు కనిపించే వాటిలో అరటి పండ్లు కీలకమైనవి. ఆరోగ్యానికి ఎంతో మేలు చేస్తాయని డాక్టర్లు పదే పదే చెబుతారు. జీర్ణం కావాలంటే ఒక్క అరటిపండు తింటే చాలని సలహా ఇస్తుంటారు. బాగా పండిన అరటిపండ్లు ఎంపిక చేసుకోవడం ఒక్కసారి తెలుసుకుందాం.

మార్కెట్లో ఎలాంటి అరటి పండ్లు కొనాలి? అరటిపండు లోపల పచ్చిగా ఉన్నా తొక్క రంగును చూసి చాలామంది వినియోగదారులు మోసపోతుంటారు. చూడటానికి అందంగా ఉన్నా, లోపల మాత్రం పచ్చిగా ఉంటుంది. అదంతా రసాయనాల మహిమ. మరి బాగా పండిన అరటి పండ్లను గుర్తించడానికి ఐదు సులభమైన మార్గాలు ఉన్నాయి. వాటిని ఎంపిక చేసుకోవడం ఎలా? దేశంలో అత్యధికంగా కొనుగోలు, వినియోగించబడేవాటిలో అరటి పండ్లు తొలి స్థానం ఉంటుంది.

అరటిపండు విస్తారంగా కెమికల్స్-పూజలు మొదలు తినే వరకు దీన్ని విస్తారంగా ఉపయోగిస్తారు. అల్పాహారం, పిల్లల మధ్యాహ్న భోజనం, ఉపవాస సమయాలు, సాయంత్రపు వరకు ప్రతి ఇంట్లో అరటిని ఉపయోగిస్తారు. బయటకు పసుపు పచ్చగా పండినట్టు కనిపించే అరటిపండు తొక్క తీసి నప్పుడు లోపల రుచి లేకుండా పచ్చిగా ఉంటాయి. ఆ సమస్యను ప్రజలు తరచుగా ఎదుర్కొంటారు.

రసాయనాల అరటిని గుర్తించడం ఎలా? అలాంటి అరటిపండ్లు దాని రుచిని పాడు చేయడమే కాదు మళ్లీ పండే వరకు వేచి ఉండాల్సి వస్తుంది. వర్షాకాలం, వేసవి కాలంలో ఈ సమస్య తీవ్రంగా ఉంటుంది. చాలా మంది వ్యాపారులు అరటి పండ్లను అమ్మడానికి రసాయనాలు ఉపయోగిస్తారు. అలాంటి పరిస్థితిలో తొక్క రంగును బట్టి అరటిపండును కొనడం కరెక్టు కాదని చెబుతున్నారు. వాటిని కొనుగోలు చేసేటప్పుడు కొన్ని సాధారణ విషయాలను గుర్తుంచుకోవాలి. బయట పసుపు రంగులో ఉండి లోపల పండని వాటిని కొనుగోలు చేసేందుకు ఈ చిట్కాలు మీకు సహాయపడతాయి.

1. అరటిపండు కాండం అంటే పైభాగం పచ్చగా ఉండి మిగిలిన పండు పూర్తిగా పసుపు రంగులో కనిపిస్తే దాని లోపలి భాగం పూర్తిగా పండలేదని అర్థం. పూర్తిగా పండిన అరటిపండ్లకు కాండం కొద్దిగా పసుపు లేదా గోధుమ రంగులో కనిపిస్తుంది. చాలామంది లేత గోధుమ రంగు, మచ్చలను చూసి ఆందోళన చెందుతారు. కాండం రంగును తప్పకుండా చూడండి.

2. చాలా మంది మచ్చలు లేని అరటిపండ్లను కొనడానికి ఇష్టపడతారు. వాటిపై చిన్న గోధుమ లేదా నల్లటి మచ్చలు ఉంటే ఆ అరటిపండు సహజంగా పండినట్టు అర్థం. అరటి పండ్లు సాధారణంగా తీపిగా లోపల మెత్తగా ఉంటాయి. నొక్కి తనిఖీ చేయవచ్చు. అరటిపండును మెల్లగా నొక్కండి. అది కాస్త మెత్తగా అనిపిస్తే తినడానికి సిద్ధంగా ఉన్నట్లే. తినడానికి తియ్యగా ఉంటాయి. ఒకవేళ మరీ గట్టిగా ఉంటే అది పచ్చిగా ఉండవచ్చు.

3. రంగు ఒకటేనా కాదా? అరటిపండు పసుపు రంగులో ఉంటుంది. దాని కాండం-అంచుల చుట్టూ ఆకు పచ్చని ఛాయ కలిగి ఉంటే అది రసాయనాలతో పండించినది కావచ్చు. సహజంగా పండిన అరటిపండ్లు క్రమంగా సమానంగా రంగు మారుతుంది. మెరిసే అరటి పండ్ల విషయంలో జాగ్రత్త వహించండి

4. అతిగా మెరిసే లేదా అసాధారణంగా రీతిగా ఉండే అరటిపండ్లు వేగంగా పక్వానికి వస్తాయి. కావున కొనుగోలు చేసే ముందు వాటిని క్షుణ్ణంగా పరిశీలించండి. అరటి గెలలో అరటిపండ్ల అన్నింటినీ చూడండి.

5. ఒక పండును చూసి అరటిపండ్లు కొనవద్దు. గెల మొత్తాన్ని ఒక్కసారి పరిశీలించండి. కొన్ని అరటిపండ్లు పచ్చగా మరికొన్ని పూర్తిగా పసుపు రంగులో ఉంటే అవన్నీ సమానంగా పండ లేదని అర్థం. నమ్మకమైన పండ్ల వ్యాపారుల వద్ద కొనుగోలు చేయండి.

ALSO READ: చీపురను ఉప్పు నీటిలో నానబెడితే.. ఆ సమస్యలన్నీ మాయం, నెట్టింట వైరల్ అవుతున్న క్రేజీ ట్రిక్!