Bathing: స్నానం ఎంతసేపు చెయ్యాలి? స్నానానికి ఉన్న అసలు ప్రాముఖ్యం ఇదే!

Bathing: స్నానం అంటే మనం ప్రతి రోజు చేసే పనిలో ఒకటి. కానీ చాలా మందికి స్నానం అంటే కేవలం నీళ్ళు పోసుకోవడమే అనిపిస్తుంది. కొంతమంది ఐదు నిమిషాల్లో స్నానం పూర్తిచేసేస్తారు. కానీ స్నానం అనేది అంత తేలికైన విషయం కాదు. మన ఆరోగ్యాన్ని, చర్మాన్ని, రక్త ప్రసరణను ప్రభావితం చేసే ముఖ్యమైన పద్ధతి అది.

స్నానం సరిగా చేయకపోతే మన శరీరంలో అనేక సమస్యలు వస్తాయి. వాసన, చెమట, దుర్వాసన, చర్మ వ్యాధులు మాత్రమే కాదు, కొన్ని మెల్లగా పెరిగే తీవ్రమైన వ్యాధులకూ కారణం అవుతుంది. అందుకే ప్రతి రోజు స్నానం తప్పక చేయాలి.

మరి స్నానం ఎంతసేపు చేయాలి అంటే, కనీసం అరగంట సమయం వెచ్చించడం మంచిది. స్నానం అంటే కేవలం తడవటం కాదు, శరీరాన్ని శుభ్రం చేయడం, చర్మానికి గాలి తగిలేలా చేయడం, లోపలినుండి నూతన శక్తి పొందడం కూడా.

మొదటగా నాలుగు చెంబులు నీళ్ళు పోసుకొని శరీరాన్ని తడపాలి. ఆ తరువాత సున్నిపిండి, బెసన్ పిండి లేదా సహజంగా అందుబాటులో ఉన్న శుభ్రపరిచే పదార్థాలను ఉపయోగించి శరీరాన్ని రుద్దుకోవాలి. ఇది చర్మంలోని దుమ్ము, చమురు, మృత కణాలు అన్నిటినీ తొలగిస్తుంది.

దీనివల్ల చర్మం కొత్తగా మెరుస్తుంది, రంధ్రాలు తెరుచుకుంటాయి, రక్త ప్రసరణ మెరుగవుతుంది. తర్వాత మరో ఏడెనిమిది చెంబులతో శరీరాన్ని శుభ్రంగా కడగాలి. ఎలాంటి అవశేషాలు మిగలనీయకూడదు.

స్నానానంతరం ఇది అత్యంత ముఖ్యమైన దశ.. శరీరాన్ని బాగా తుడుచుకోవడం. చాలా మంది తడి శరీరంతోనే దుస్తులు వేసుకుంటారు. ఇది చాలా పెద్ద పొరపాటు.

తడి భాగాల్లో, ముఖ్యంగా మర్మాంగాల దగ్గర గాలి సరిగా తగలకపోవడం వల్ల సూక్ష్మజీవులు, ఫంగస్ వంటివి పెరుగుతాయి. ఇవి చర్మం కాలిపోవడం, దురద, రాపిడి వంటి సమస్యలకు దారి తీస్తాయి. దీర్ఘకాలంలో ఇవి తీవ్రమైన చర్మ వ్యాధులకు, క్యాన్సర్ వంటి ప్రాణాంతక సమస్యలకు కూడా కారణం కావచ్చు.

అందుకే స్నానం అయిపోయిన వెంటనే మెత్తని టవల్ తో శరీరాన్ని శుభ్రంగా తుడవాలి. ప్రతి అవయవాన్ని వేర్వేరుగా తుడవాలి — కాళ్లు, చేతులు, మెడ, వెన్నెముక భాగం, మర్మాంగాలు అన్నింటినీ శుభ్రంగా తుడవాలి.

తర్వాత ఫ్యాన్ క్రింద నిలబడి లేదా గాలి తగిలే ప్రదేశంలో కొన్ని నిమిషాలు నిలబడి శరీరం పూర్తిగా ఎండిన తర్వాతే దుస్తులు ధరించాలి. ఇది చర్మం ఆరోగ్యంగా ఉండడానికి అత్యంత అవసరం.

స్నానం కేవలం శుభ్రతకే కాదు.. మన మనసుకూ, ప్రాణశక్తికీ ఒక నూతన ఉల్లాసం ఇస్తుంది. ఉదయం స్నానం చేస్తే రోజంతా ఉత్సాహం ఉంటుంది. సాయంత్రం స్నానం చేస్తే అలసట పోయి మనసు ప్రశాంతంగా మారుతుంది.

మన పెద్దలు స్నానాన్ని పవిత్రమైన క్రతువుగా భావించారు. స్నానం ముందు నీటికి నమస్కారం చెయ్యటం, ఆ తర్వాత శరీరాన్ని శుభ్రపరచడం అనేది కేవలం ఆచారం కాదు, ఆరోగ్యానికి మేలైన పద్ధతి కూడా.

అందుకే స్నానాన్ని తేలికగా తీసుకోవద్దు. తక్కువ సమయం కాకుండా, కనీసం అరగంటపాటు మన శరీరానికి సరైన శ్రద్ధ ఇవ్వాలి. ప్రతి రోజు ఇలా స్నానం చేస్తే చర్మం ఆరోగ్యంగా ఉంటుంది, మనసు ప్రశాంతంగా ఉంటుంది, శరీరం దుర్వాసన లేకుండా తాజాగా ఉంటుంది.