చాలా మంది ఇంట్లో మనీ ప్లాంట్ (మొక్క) పెంచుతారు. ఇది సంపద, అదృష్టాన్ని ఆకర్షిస్తుందని నమ్ముతారు. అయితే వాస్తు శాస్త్రంలో మనీ ప్లాంట్తో పాటు మరికొన్ని మొక్కలకు కూడా ప్రత్యేక ప్రాధాన్యం ఉంది. ఈ మొక్కలు ఇంటి అందాన్ని పెంచడమే కాకుండా పాజిటివ్ ఎనర్జీని కూడా పెంచుతాయని నమ్మకం. అయితే వీటిని సరైన దిశలో ఉంచడం చాలా ముఖ్యమని వాస్తు నిపుణుల అభిప్రాయం.
వాస్తు శాస్త్రంలో క్రాసులా మొక్క అంటే అదృష్టానికి సూచికగా భావిస్తారు. దీన్ని మనీ ట్రీ లేదా జాక్పాట్ ప్లాంట్ అని కూడా పిలుస్తారు. ఈ మొక్క ఆకులు చిన్నగా, మందంగా, ఆకర్షణీయంగా ఉంటాయి. ఇది ఇంటికి ధనాన్ని ఆకర్షించే శక్తి కలిగి ఉందని చాలామంది నమ్ముతారు. వాస్తు ప్రకారం ఈ మొక్కను ఇంటి ప్రధాన ద్వారం సమీపంలో కుడివైపున ఉంచడం మంచిది.
ఉత్తర లేదా తూర్పు దిశల్లో కూడా దీన్ని అలంకరణగా పెట్టవచ్చు. అయితే దక్షిణ దిశలో లేదా పడకగదిలో ఉంచకూడదని సూచిస్తారు.
స్నేక్ ప్లాంట్ గాలిని శుద్ధి చేసే మొక్కగా చాలా మందికి తెలుసు. కానీ వాస్తు శాస్త్రంలో దీనికి మరింత ప్రత్యేకమైన స్థానం ఉంది. ఈ మొక్క ఇంట్లో ప్రశాంత వాతావరణాన్ని ఏర్పరుస్తుందని నమ్మకం. ఇంట్లో ప్రశాంతత ఉంటే కుటుంబ సభ్యులు మంచి నిర్ణయాలు తీసుకోగలరు. దీంతో అభివృద్ధి అవకాశాలు కూడా పెరిగే అవకాశం ఉంటుంది.
ఈ మొక్కను ఉత్తర, తూర్పు లేదా ఈశాన్య దిశలో ఉంచడం ఉత్తమం. లివింగ్ రూమ్ లేదా స్టడీ రూమ్లో కూడా దీన్ని పెట్టవచ్చు. అయితే బాత్రూమ్ ఎదురుగా లేదా నైరుతి మూలలో అసలు పెట్టకూడదు.
జేడ్ ప్లాంట్ను శుభం, విజయానికి చిహ్నంగా పరిగణిస్తారు. వ్యాపారులు, ఉద్యోగులు ఈ మొక్కను ఎక్కువగా ఇష్టపడతారు. ఇది కొత్త అవకాశాలను తీసుకువస్తుందని, అభివృద్ధికి దోహదపడుతుందని నమ్మకం.
కుటుంబ సభ్యుల మధ్య ప్రేమ, అనుబంధాలను కూడా పెంచుతుందని చెబుతారు. ఈ మొక్కను తూర్పు లేదా ఉత్తర దిశలో ఉంచడం మంచిది. వర్క్ డెస్క్పై ఉంచినా సానుకూల ఫలితాలు వస్తాయని విశ్వసిస్తారు. అయితే చీకటి ప్రదేశాల్లో లేదా మెట్ల కింద ఉంచకూడదు. మొక్క ఎప్పుడూ పచ్చగా, ఆరోగ్యంగా ఉండేలా చూసుకోవాలి.
Also Read: ఉమ్మడి కుటుంబంలో పిల్లలకు మంచి విలువలు, సంస్కారం నేర్పాలనుకుంటున్నారా.. ఈ సులభమైన టిప్స్ మీ కోసమే
వాస్తు శాస్త్రం ప్రకారం ఇంట్లో శక్తి ప్రవాహం సమతుల్యంగా ఉండాలి. మొక్కలు ఆ శక్తిని ప్రభావితం చేస్తాయని నమ్మకం. అందువల్ల సరైన దిశలో మొక్కలను ఉంచడం ద్వారా వాటి ప్రయోజనాలు పెరుగుతాయని చెబుతారు.
మనీ ప్లాంట్ ఎంత ప్రాచుర్యం పొందినా క్రాసులా, స్నేక్ ప్లాంట్, జేడ్ ప్లాంట్లకు కూడా అదృష్ట మొక్కలుగా ప్రత్యేక స్థానం ఉంది. ఈ మొక్కలు ఇంటి అందాన్ని పెంచడంతో పాటు సానుకూల వాతావరణాన్ని సృష్టించగలవు. వాస్తు నమ్మకాల ప్రకారం వీటిని సరైన దిశలో ఉంచితే శాంతి, శ్రేయస్సు, అభివృద్ధి లభించే అవకాశం ఉంటుంది.
Share
కామెడీ నుంచి థ్రిల్లర్ వరకు... ఈ వారం ఓటీటీలో మిస్ అవ్వకుండా చూడాల్సిన మలయాళం మూవీస్
ఫ్రిజ్లో పెట్టినా పచ్చిమిర్చి చెడిపోతోందా? ఈ చిట్కా పాటిస్తే వారాల తరబడి బాగుంటుంది
