Malayalam Movies on OTT : మలయాళ చిత్రాలు ఎప్పుడూ కొత్త కథలు, బలమైన నటనతో ప్రేక్షకులను ఆకట్టుకుంటాయి. ఈ వారం కూడా కొన్ని ఆసక్తికరమైన మలయాళ సినిమాలు OTTలో స్ట్రీమింగ్కు వచ్చేస్తున్నాయి. ఆ లిస్ట్ లో థ్రిల్లర్ నుంచి కామెడీ వరకు వివిధ జానర్లు ఉన్నాయి. ఈ వారం ఇంట్లో కూర్చొని చూడాలనుకునే వారి కోసమే ఈ మూవీస్. మరి ఆ సినిమాలు ఎప్పుడు, ఎక్కడ స్ట్రీమింగ్ కాబోతున్నాయి ? అనే విషయాలను వివరంగా తెలుసుకుందాం పదండి.
మోహన్లాల్, మీనా, అన్సిబా హాసన్, ఎస్తేర్ అనిల్, కళాభవన్ షాజోన్, సిద్ధిక్, మురళీ గోపీ, ఆశా శరత్ ప్రధాన పాత్రలు పోషించిన మూవీ ‘దృశ్యం 3’. జీతు జోసెఫ్ దర్శకత్వం వహించిన ఈ థ్రిల్లర్ డ్రామా త్వరలోనే ఓటీటీలోకి రాబోతోంది. జార్జ్కుట్టి (మోహన్లాల్), అతని కుటుంబం కొంతకాలం ప్రశాంతంగా ఉంటారు. గతం ఎప్పుడు మళ్లీ తమను ఇబ్బందుల్లో పడేస్తుందో అని భయపడుతూనే ఉంటాడు. దాచిన రహస్యాలు బయటపడి, వారి జీవితాలు మళ్లీ అల్లకల్లోలమవుతాయా ? అయితే ఈసారి హీరో ఎలాంటి పరిష్కారం కనిపెట్టాడు ? అనేది ఈ పార్ట్ స్టోరీ. మోహన్లాల్ అద్భుత నటనతో మరోసారి మెప్పించే సినిమా ఇది.
ఎక్కడ చూడాలి : Prime Video
స్ట్రీమింగ్ తేదీ : జూన్ 18
ఈ సినిమాలో సైజు కురుప్, దేవా నంద, నిరంజ్ మణియన్పిల్ల రాజు, అశ్వతీ మనోహరన్ మెయిన్ లీడ్స్ గా నటించారు. మను రాధాకృష్ణన్ దర్శకత్వం వహించారు. ఈ హారర్ డ్రామాలో ఎనిమిదేళ్ల అప్పు, అతని కజిన్ మిన్నా చుట్టూ సాగుతుంది కథ. గులికన్ అనే దైవిక శక్తి రహస్యాలను వారు ఎలా అన్వేషిస్తారు ? అనే స్టోరీ లైన్ తో హారర్ ఎలిమెంట్స్తో కూడిన డ్రామా ఇది.
ఎక్కడ చూడాలి : ManoramaMAX
స్ట్రీమింగ్ తేదీ : జూన్ 19
ఇంద్రన్స్, జోమోన్ జ్యోతిర్, శోబి తిలకన్, మదన్ గౌరీ కీలక పాత్రల్లో నటించిన ఈ సినిమాకు దర్శకుడు జాన్పాల్ జార్జ్ దర్శకత్వం వహించారు. ఈ కామెడీ డ్రామాలో విఎఫ్ఎక్స్ టెక్నీషియన్ కావాలని కలలు కంటున్న అనంతరామన్, సినిమా ప్రియుడు ఆశాన్ కథను చూడవచ్చు. ఒక సూపర్స్టార్ సినిమా షూటింగ్ కోసం వచ్చిన బృందం వల్ల వారి జీవితాల్లో ఎలాంటి గందరగోళం ఏర్పడుతుంది ? అనేది స్టోరీ. సినిమా ఇండస్ట్రీ వాస్తవాలను హాస్యంగా చూపించే చిత్రమిది.
ఎక్కడ చూడాలి: Sun NXT
స్ట్రీమింగ్ తేదీ: జూన్ 19
ఈ సినిమాలో టోవినో థామస్, బాసిల్ జోసెఫ్, వినీత్ శ్రీనివాసన్, రియా శిబు, షాన్ రెహమాన్ ఇందులో ప్రధాన పాత్రల్లో నటించారు. అరుణ్ అనిరుధన్ దర్శకత్వం వహించిన ఈ సినిమా యాక్షన్ కామెడీ జానర్లో తెరకెక్కింది. ఇంజనీరింగ్ విద్యార్థి సమ్కుట్టి బ్యాన్ చేసిన కాలేజీ ఉత్సవాన్ని మళ్లీ మొదలు పెట్టాలని ప్రయత్నిస్తాడు. గాయకుడిగా ఎదగాలనుకునే శ్రీకుట్టన్తో అతనికి గొడవ అవుతుంది.
ఎక్కడ చూడాలి: SonyLIV
స్ట్రీమింగ్ తేదీ: జూన్ 19
Read Also : తరతరాలుగా ఊరిని వణికించే దెయ్యం… చీకటంటేనే భయపడే హీరో చేసే రిస్క్ చూస్తే దిమాక్ ఖరాబ్
Share
Tanveer Ahmed: మా అల్లా దిగివచ్చినా...టీమిండియాను పాకిస్తాన్ ఓడించలేదు
ఇంట్లో సంపద, శుభం కోసం మనీ ప్లాంట్ పెంచుతున్నారా? ఈ మూడు మొక్కలు దాని కంటే బెటర్
