Toilet Stains Removal Trick| ఇంట్లో టాయిలెట్ క్లీన్ చేయడం ఇంటి పనుల్లో అత్యంత బోరింగ్ పని. టాయిలెట్ మురికిగా, దుర్వాసనగా ఉంటే దాన్ని క్లీన్ చేయడానికి చాలా మంది అసహ్యించుకుంటారు. ఎందుకంటే ఆ మొండి మరకలు తొలగించడానికి గంటల తరబడి రుద్దాల్సి వస్తుంది. పైగా క్లీన్ చేయడానికి ఉపయోగించే కెమికల్ క్లీనర్ల వాసనలు అసౌకర్యం కలిగిస్తాయి. కష్టపడి రుద్దినా పూర్తిగా మరకలు తొలగిపోవు. అందుకే ఈ సమస్యకు ఈజీ పరిష్కారం ఉంది. ఇంట్లోనే ఉన్న సామగ్రితో సులభంగా టాయిలెట్ శుభ్రం చేయవచ్చు.
ఈ ట్రిక్లో ఖరీదైన క్లీనర్లు అవసరం లేదు. కేవలం ఇంట్లో సులభంగా లభించే బేకింగ్ సోడా, టూత్పేస్ట్ ఉపయోగించాలి. ఈ రెండు పదార్థాలు కలిపి ఉపయోగిస్తే మొండి మరకలను సులభంగా తొలగిపోతాయి. ఎక్కువ రుద్దాల్సిన అవసరం లేకుండా టాయిలెట్ శుభ్రం అవుతుంది. పైగా టాయిలెట్ తళతళా మెరిసిపోతుంది. ఈ ట్రిక్ సోషల్ మీడియాలో చాలా పాపులర్ అవుతోంది.
బేకింగ్ సోడా దుర్వాసనలను గ్రహించి, మరకలను లూజ్ చేస్తుంది. టూత్పేస్ట్లో ఉండే క్లీనింగ్ ఏజెంట్లు మరకలను మెత్తగా విచ్ఛిన్నం చేస్తాయి. రెండూ కలిపితే ఒక బలమైన క్లీనింగ్ ఏజెంట్ మిక్స్ శక్తిగా మారుతుంది. టాయిలెట్ మొండి మరకలు సులభంగా తొలగిపోతాయి.
ముందుగా టాయిలెట్ సీటు మీద బేకింగ్ సోడా చల్లండి. మరకలు ఉన్న అన్ని ప్రాంతాలను కవర్ చేయండి. కొంత నీరు స్ప్రే చేస్తే సోడా కాస్త అదే ప్రాంతంలో పట్టుకుంటుంది.
తర్వాత మొండి మరకలపై టూత్పేస్ట్ అప్లై చేయండి. సాదా వైట్ టూత్పేస్ట్ ఉపయోగించాలి.
30 నుంచి 60 నిమిషాలు అలాగే ఉంచండి. ఆ తర్వాత తడి గుడ్డతో తుడిచేయండి. మరకలు సులభంగా తొలగిపోతాయి. చివరగా ఒకసారి ఫ్లష్ చేయండి.
ఈ ట్రిక్ ఉపయోగించేందుకు పెద్దగా ఖర్చు చేయాల్సిన అవసరం లేదు. ఇంట్లో ఇప్పటికే ఉన్న వస్తువులతోనే సులభంగా క్లీనింగ్ అయిపోతుంది. పైగా ఘాటు కెమికల్ వాసనలు రావు. బాత్రూమ్ ఫ్రెష్గా ఉంటుంది. టూత్పేస్ట్ మైల్డ్ మింట్ వాసన ఇస్తుంది. టాయిలెట్ ఉపరితలానికి హాని చేయదు. క్రమం తప్పకుండా చేస్తే టాయిలెట్ ఎప్పుడూ శుభ్రంగా, మెరిసేగా ఉంటుంది.
Also Read: ఇంట్లో కాక్రోచ్ల బెడదతో విసిగిపోయారా? ఇలా చేస్తే ఇల్లంతా క్లీన్
టాయిలెట్ను క్రమం తప్పకుండా శుభ్రం చేయండి. మరకలు పేరుకుపోకుండా చూసుకోండి. వారానికి ఒకటి లేదా రెండుసార్లు ఈ ట్రిక్ ఉపయోగించండి. శుభ్రం చేసిన తర్వాత బాగా రిన్స్ చేయండి. బాత్రూమ్లో ఎప్పుడూ బాగా వెంటిలేషన్ (గాలి వీచే విధంగా) ఉండేలా చూసుకోండి. అంటే కిటకీ లేదా ఎగ్జాస్ట్ ఫ్యాన్ ఉంటే బెటర్.
టాయిలెట్ శుభ్రం చేయడం ఇక ఏ మాత్రం కష్టమైన పని కాదు. ఇంట్లో ఉన్న సామగ్రితో సులభంగా చేయొచ్చు. బేకింగ్ సోడా, టూత్పేస్ట్ ఉపయోగిస్తే అద్భుతమైన ఫలితాలు సాధించవచ్చు. ఈ ట్రిక్ సమయం, డబ్బు, శ్రమ అన్నీ ఆదా అవుతాయి. మీ బాత్రూమ్ ఎప్పుడూ ఫ్రెష్గా, శుభ్రంగా ఉంటుంది. ఈ సులభమైన ట్రిక్ ప్రయత్నించి మెరుగైన ఫలితాలు పొందండి.
Share
Iran Warned Tech Firms: గల్ఫ్లో 18 టెక్ కంపెనీలకు ఇరాన్ వార్నింగ్, అలర్టయిన అమెరికా
ఒకే రోజు పుట్టిన ఇద్దరు పిల్లల వింత కథ... గుండెల్ని పిండేసే ఇద్దరు తల్లుల ఎమోషనల్ జర్నీ
