Melody Drama OTT : ఒక డిఫరెంట్ స్టోరీని చూడాలనుకుంటే, ఇప్పుడు చెప్పుకోబోయే సినిమాపై ఓ లుక్ వేయండి. విమర్శకుల నుండి ఈ సినిమాకు అద్భుతమైన రేటింగ్స్ కూడా వచ్చాయి.ఐయండిబిలో దీనికి 7.1 రేటింగ్ కూడా ఉంది. ఈ కథ ఒకే రోజు ప్రసవం కోసం ఆసుపత్రిలో చేరిన ఇద్దరు మహిళల చుట్టూ తిరుగుతుంది. వారిద్దరి మధ్య ఏర్పడిన పరిచయం, వాళ్ళ జీవితాలను ఊహించని మలుపు తిప్పుతుంది.
2021లో పెడ్రో అల్మోడోవర్ దర్శకత్వంలో వచ్చిన ఈ స్పానిష్ సినిమా పేరు ‘ప్యారలల్ మదర్స్’ (Parallel Mothers). ఇందులో పెనెలోప్ క్రజ్, మిలెనా స్మిత్ లీడ్ రోల్స్ లో నటించారు. ఈ సినిమాలో నటనకు గాను పెనెలోప్ క్రజ్ ఉత్తమ నటిగా ఆస్కార్ నామినేషన్ పొందారు. అంతకాకుండా వెనిస్ ఫిల్మ్ ఫెస్టివల్‌లో ఉత్తమ నటి అవార్డు గెలుచుకున్నారు. మీరు ఈ సినిమాను MUBI, Amazon Prime Videoలో చూడవచ్చు.
జానిస్ అనే ఒక ఫోటోగ్రాఫర్, అనా అనే ఒక అమ్మాయి, ఇద్దరూ పెళ్లి కాకుండానే గర్భవతులవుతారు. ఒకే రోజు, ఒకే హాస్పిటల్‌లో వీళ్ళిద్దరికీ డెలివరీ అవుతుంది. జానిస్ ఏమో పాప పుట్టిందని సంతోషంగా ఉంటే, అనా మాత్రం భయపడుతూ ఉంటుంది. హాస్పిటల్‌లో ఉన్నప్పుడు వీళ్ళిద్దరి మధ్య మంచి దోస్తీ కుదురుతుంది. తీరా ఇంటికి వెళ్ళాక కథ అసలు మలుపు తిరుగుతుంది. ట్విస్ట్ ఏంటంటే: జానిస్ ఇంటికి వెళ్ళిన కొన్నాళ్ళకు తన పాప అసలు తన పోలికల్లో లేదని డౌట్ వస్తుంది. ‘డిఎన్ఏ’ టెస్ట్ చేయిస్తే, ఆ పాప తన బిడ్డే కాదని తేలుతుంది. అంటే హాస్పిటల్‌లో పొరపాటున పిల్లలు తారుమారయ్యారన్నమాట. ఈ లోపు అనా కన్న పాప చనిపోయిందని తెలుస్తుంది. అంటే జానిస్ దగ్గర ఉన్నది అనా బిడ్డ, అనా బిడ్డ ఏమో చనిపోయింది. ఈ నిజాన్ని అనాకి చెబితే తట్టుకోలేదని జానిస్ ఆ విషయాన్ని దాచిపెట్టి, అనాను తన ఇంట్లోనే పనికి పెట్టుకుంటుంది. చివరికి అనాకి నిజం తెలిసిపోతుందా ? ఈ క్లైమాక్స్ ఏమిటి ? అనే విషయాలను ఈ సినిమాను చూసి తెలుసుకోండి.
Read Also : ఖాకీలకే ముప్పుతిప్పలు పెట్టే కేసు… మూడు సీజన్లతో 7.9 ఐయండిబి రేటింగ్… నిజంగానే తోపు సిరీస్ మావా
Share
Toilet Stains Trick: టాయిలెట్‌లో మొండి మరకలతో ఇబ్బందిపడుతున్నారా? ఈ సింపుల్ ట్రిక్‌తో క్లీన్ చేస్తే మెరిసిపోతుంది
ఇంటింటి రామాయణం.. ఏప్రిల్ 1 : పల్లవి పై చక్రధర్ సీరియస్.. అవనికి నిజం చెప్పిన చక్రధర్.. గ్రాండ్ గా సీతారాముల కళ్యాణం..
