Toothpaste: టూత్ పేస్ట్ పళ్లను శుభ్రం చేయడానికి మాత్రమే కాకుండా మరెన్నో రకాలుగా ఉపయోగపడుతుంది. ఇది ఇంట్లోని కొన్ని రకాల వస్తువులను శుభ్రం చేయడానికి ఉపయోగపడుతుంది.
టూత్పేస్ట్ లో ఉండే తేలిక పాటి అబ్రాసివ్లు, శుభ్రపరిచే ఏజెంట్లు కొన్ని రకాల వస్తువులపై ఉండే మురికిని తొలగించడంలో సహాయపడతాయి. అంతే కాకుండా టూత్పేస్ట్తో ఏ ఇంటి వస్తువులను శుభ్రం చేయవచ్చో, దానిని ఎలా ఉపయోగించాలో ఇప్పుడు తెలుసుకుందాం.
వెండి ఆభరణాలు:
వెండి ఆభరణాలు, పాత్రలు కాలక్రమేణా నల్లగా మారడం ప్రారంభిస్తాయి. వాటిని శుభ్రం చేయడానికి టూత్పేస్ట్ ఉపయోగించండి. దీని కోసం, కొద్దిగా మొత్తంలో పాడయిన బ్రష్తో టూత్పేస్ట్ తీసుకొని వెండి ఆభరణాలు లేదా పాత్రలపై రుద్దండి. తర్వాత దానిని టూత్ బ్రష్ లేదా మృదువైన క్లాత్ తో సున్నితంగా రుద్దండి. అనంతరం గోరు వెచ్చని నీటితో కడిగి, క్లాత్తో తుడవండి.
సింక్ , కుళాయిని శుభ్రపరచడం:
బాత్రూమ్ సింక్లు , ట్యాప్ పై పేరుకుపోయిన మురికి , మరకలను టూత్పేస్ట్తో తొలగించవచ్చు. సింక్ శుభ్రం చేయడానికి, పేరుకుపోయిన మురికిపై టూత్పేస్ట్ను పూయండి. తర్వాత బ్రష్ లేదా స్క్రబ్బర్తో శుభ్రం చేయండి. అనంతరం నీటితో శుభ్రం చేసి ఆరబెట్టండి.
అద్దం, గాజు:
గాజు అద్దాలు లేదా కిటికీలపై దుమ్ము లేదా నీటి మరకలు పడటం కామన్న్. టూత్పేస్ట్ వాటిని ప్రకాశవంతం చేయడానికి సహాయపడుతుంది. దీని కోసం, గాజు ఉపరితలంపై కొద్ది మొత్తంలో టూత్పేస్ట్ను పూయండి. అనంతరం దానిని క్లాత్ లేదా స్పాంజితో రుద్దండి. అనంతరం స్పాంజితో తుడిచి ఆరబెట్టండి.
మీరు అనేక రకాల వస్తువులను శుభ్రం చేయడానికి టూత్పేస్ట్ను ఉపయోగించవచ్చు. దీన్ని ఉపయోగించడం మీకు సురక్షితంగా ఉంటుంది. కానీ రంగు లేదా జెల్ ఆధారిత టూత్పేస్ట్ను ఉపయోగించకూడదని గుర్తుంచుకోండి. ఎందుకుంటే ఇది మరిన్ని మరకలకు కారణమవుతుంది.
పసుపు మరకలు:
దంతాలను తెల్లగా చేసే టూత్పేస్ట్ కూడా మొండి పసుపు మరకలను తొలగించడంలో సహాయపడుతుంది. చాలా సార్లు తినేటప్పుడు, కూరగాయలు లేదా పప్పులు బట్టలపై పడతాయి. దాని వల్ల బట్టలపై నూనె, పసుపు మరకలు కనిపిస్తాయి. ఈ మరకలను సాధారణ పద్ధతిలో శుభ్రం చేయడం చాలా కష్టం. దీని కోసం మీరు టూత్పేస్ట్ను ఉపయోగించవచ్చు. పసుపు మరకపై టూత్పేస్ట్ను పూసి 10 నిమిషాలు అలాగే ఉంచండి. దీని తరువాత ఆ క్లాత్ను గోరువెచ్చని నీటితో రుద్ది శుభ్రం చేస్తే, పసుపు మరకలు తొలగిపోతాయి.
నేలపై మరకలు:
నేలపై ఆహారం మరకలు లేదా గీతలు ఉంటే, దానిని టూత్పేస్ట్ సహాయంతో శుభ్రం చేయవచ్చు. మరకలు ఉన్న ప్రదేశంలో టూత్పేస్ట్ను పూయండి. తర్వాత దానిపై కొంచెం ఉప్పు చల్లండి. కొంత సమయం తర్వాత దానిని క్లాత్ తో తుడవండి. ఇలా నేలపై ఉన్న మరకలు పూర్తిగా శుభ్రం అవుతాయి.
ఐరన్ బాక్స్ పై మరకలు:
ఇస్త్రీ చేసేటప్పుడు ఏదైనా వస్త్రం పొరపాటున కాలిపోతే.. అది ఐరన్ బాక్స్ బాగా అంటుకుంటుంది. దీనిని శుభ్రం చేయడం కష్టం. ఇనుము మీద ఉన్న మరక శుభ్రం కాకపోతే ముందుగా ఆ మరక మీద టూత్పేస్ట్ రాసి 15 నిమిషాలు అలాగే ఉంచండి. దీని తరువాత తడి కాటన్ క్లాత్ తో తుడవండి. ఇలా కాలిన బట్టల మరకలు పోతాయి.
Share
Guru Randhawa: హాస్పిటల్ బెడ్పై గాయాలతో ఫేమస్ సింగర్.. ఇంతకీ ఏం జరిగిందంటే.?
Drishyam 3: త్వరలో దృశ్యం 3.. మోహన్ లాల్ ఓకే.. మరి వెంకటేష్ పరిస్థితేంటి..?
