Hormonal Imbalance: మన శరీరంలోని వివిధ విధులను, జీవక్రియలను, పెరుగుదలను, మానసిక స్థితి, పునరుత్పత్తి వ్యవస్థను నియంత్రించడంలో హార్మోన్లు కీలక పాత్ర పోషిస్తాయి. ఈ హార్మోన్ల స్థాయిలో కొంచెం మార్పు వచ్చినా.. అది మొత్తం శరీరంపై పెద్ద ప్రభావాన్ని చూపుతుంది. కొన్నిసార్లు ఈ మార్పులు సహజంగా (యుక్తవయస్సు, గర్భధారణ లేదా మెనోపాజ్) వచ్చినప్పటికీ.. నిరంతరంగా ఉండే కొన్ని లక్షణాలు హార్మోన్ల అసమతుల్యతకు స్పష్టమైన సంకేతాలుగా భావించాలి.
నిర్లక్ష్యం చేయకూడనిహార్మోన్ల అసమతుల్యత లక్షణాలు:
1. బరువులో అకస్మాత్తుగా మార్పు:
కారణం లేకుండా బరువు పెరగడం లేదా తగ్గడం: ఆహారపు అలవాట్లు లేదా వ్యాయామంలో ఎలాంటి మార్పు లేకపోయినా బరువు పెరుగుతున్నట్లయితే, ఇది థైరాయిడ్ లేదా కార్టిసాల్ (ఒత్తిడి హార్మోన్) అసమతుల్యతకు సంకేతం కావచ్చు. ఆకలి ఎక్కువగా ఉన్నా బరువు తగ్గుతుంటే.. అది థైరాయిడ్ హార్మోన్ల అతి చురుకుదనాన్ని సూచిస్తుంది.
2. అలసట ,నిద్ర సమస్యలు:
నిరంతర అలసట: రాత్రి సరిగ్గా నిద్రపోయినా పగటిపూట విపరీతమైన నీరసం, అలసటగా ఉండటం హార్మోన్ల సమస్య కావచ్చు. థైరాయిడ్ లేదా అడ్రినల్ గ్రంథి హార్మోన్ల లోపం దీనికి కారణం కావచ్చు.
నిద్రలేమి : హఠాత్తుగా నిద్ర పట్టడంలో ఇబ్బంది లేదా రాత్రిపూట తరచుగా మెలకువ రావడం ఈస్ట్రోజెన్, ప్రొజెస్టెరాన్ లేదా కార్టిసాల్ స్థాయిల అస్తవ్యస్తతను సూచిస్తాయి.
3. మానసిక స్థితిలో తీవ్ర మార్పులు:
తరచుగా మూడ్ స్వింగ్స్: చిన్న విషయాలకే చిరాకు.. కోపం కారణంగా ఆందోళన లేదా డిప్రెషన్ కు లోనవడం. ఈస్ట్రోజెన్, ప్రొజెస్టెరాన్ వంటి హార్మోన్లు మానసిక స్థితిని నియంత్రించడంలో ముఖ్యమైనవి.
4. స్త్రీలలో సమస్యలు:
పీరియడ్స్: పీరియడ్స్ సమయం తరచుగా మారడం, ఆలస్యంగా రావడం (21 రోజుల కంటే త్వరగా లేదా 35 రోజుల తర్వాత రావడం).
అధిక రక్తస్రావం లేదా నొప్పి: పీరియడ్స్ సమయంలో తీవ్రమైన రక్తస్రావం లేదా భరించలేని కటి నొప్పి ఉండటం.
సంతానలేమి: గర్భం ధరించడంలో ఇబ్బందులు పడటం. ఇవన్నీ PCOS (Polycystic Ovary Syndrome) వంటి సమస్యలకు లేదా లైంగిక హార్మోన్ల (ఈస్ట్రోజెన్, ప్రొజెస్టెరాన్) అసమతుల్యతకు సంకేతాలు.
Also Read: కొవ్వును కరిగించే పచ్చిమిర్చి.. ఫిట్నెస్కు నేచురల్ బూస్టర్ !
5. చర్మం, వెంట్రుకల మార్పులు:
మొటిమలు : యుక్తవయస్సు దాటిన తర్వాత కూడా ముఖం, వీపు లేదా ఛాతీపై దీర్ఘకాలిక మొటిమలు ఉండటం. ఇది అధిక ఆండ్రోజెన్ స్థాయిలను సూచిస్తుంది.
అనవసరమైన జుట్టు పెరుగుదల (హిర్సుటిజం): మహిళల్లో ముఖం, ఛాతీ లేదా వీపుపై అసాధారణంగా దట్టమైన వెంట్రుకలు పెరగడం.
జుట్టు రాలడం: తల వెంట్రుకలు విపరీతంగా రాలిపోవడం లేదా పలచబడటం.
హార్మోన్ల అసమతుల్యత లక్షణాలు సాధారణ ఆరోగ్య సమస్యల మాదిరిగానే కనిపించవచ్చు. అయితే.. పైన పేర్కొన్న లక్షణాలలో ఏవైనా ఒకటి లేదా అంతకంటే ఎక్కువ మీలో దీర్ఘకాలంగా కనిపిస్తున్నట్లయితే.. వాటిని నిర్లక్ష్యం చేయకుండా డాక్టర్ని (ఎండోక్రినాలజిస్ట్ లేదా గైనకాలజిస్ట్) సంప్రదించడం చాలా ముఖ్యం. సరైన సమయంలో రోగ నిర్ధారణ, చికిత్స తీసుకోవడం ద్వారా ఆరోగ్య సమస్యల తీవ్రతను నివారించవచ్చు.
Share
Ponnam Prabhakar: బీజేపీకి అనుబంధ సంఘంగా ఈసీ.. అధికారం కోసమే రాముడి జపం: మంత్రి పొన్నం
Crime News: హైదరాబాద్ నగరంలో దారుణ హత్య.. రౌడీషీటర్ అమీర్ను చంపిన దుండగులు!
