Cooking Oil: మనం తీసుకునే నూనెలలో ఉండే కొవ్వు పదార్థాలు గుండె ఆరోగ్యంపై గణనీయమైన ప్రభావాన్ని చూపుతాయి. అనారోగ్యకరమైన కొవ్వులు కొలెస్ట్రాల్ స్థాయిలను పెంచి, గుండె జబ్బులకు కారణం అవుతాయి. ఆరోగ్యకరమైన కొవ్వులు గుండెకు మేలు చేస్తాయి. గుండె జబ్బులు ఉన్నవారు లేదా గుండె ఆరోగ్యాన్ని కాపాడు కోవాలనుకునేవారు తినే ఆహారం విషయంలో జాగ్రత్తగా ఉండాలి. ముఖ్యంగా వంటకాల్లో ఎలాంటి నూనెలను ఉపయోగిస్తే మంచిదో ఇప్పుడు తెలుసుకుందాం.
1. ఆలివ్ ఆయిల్:
ఆలివ్ నూనె గుండె ఆరోగ్యానికి చాలా బాగా ఉపయోగపడుతుంది. దీనిలో మోనోఅన్ శాత్యురేటెడ్ కొవ్వులు అధికంగా ఉంటుంది. అంతే కాకుండా యాంటీఆక్సిడెంట్లు, యాంటీ-ఇన్ఫ్లమేటరీ సమ్మేళనాలు పుష్కలంగా ఉంటాయి.
ప్రయోజనాలు: ఇది చెడు కొలెస్ట్రాల్ స్థాయిలను తగ్గించి, మంచి కొలెస్ట్రాల్ స్థాయిలను పెంచుతుంది. రక్తనాళాల పనితీరును మెరుగుపరుస్తుంది. అంతే కాకుండా గుండె జబ్బుల ప్రమాదాన్ని కూడా తగ్గిస్తుంది. తక్కువ నుంచి మధ్యస్థ ఉష్ణోగ్రత వద్ద ఈ నూనెను ఉపయోగించి వంట చేయడం మంచిది.
2. కనోలా నూనె :
కనోలా నూనె కూడా గుండె ఆరోగ్యానికి మంచిది. ఇది తక్కువ శాంపిల్ కొవ్వులను కలిగి ఉంటుంది. అంతే కాకుండా ఒమేగా-3 ఫ్యాటీ యాసిడ్స్ కూడా ఇందులో ఉంటాయి.
ప్రయోజనాలు: కొలెస్ట్రాల్ స్థాయిలను తగ్గించడంలో ఇది సహాయపడుతుంది. దీని రుచి వివిధ రకాల వంటకాలకు అనుకూలంగా ఉంటుంది. బేకింగ్, స్టిర్-ఫ్రైయింగ్,చాట్ చేయడంలో ఈ ఆయిల్ ఉపయోగించవచ్చు.
3. పొద్దుతిరుగుడు నూనె:
పొద్దుతిరుగుడు నూనెలో విటమిన్ E పుష్కలంగా ఉంటుంది. ఇది పాలీఅన్ శాత్యురేటెడ్ కొవ్వులు అధికంగా ఉంటుంది. అంతే కాకుండా శక్తివంతమైన యాంటీఆక్సిడెంట్ అయిన విటమిన్ Eని కలిగి ఉంటుంది.
ప్రయోజనాలు: గుండె ఆరోగ్యానికి ఈ ఆయిల్ మేలు చేస్తుంది. యాంటీఆక్సిడెంట్ గుణాల వల్ల శరీరానికి రక్షణను అందిస్తుంది. ప్రాసెస్ చేయని (కోల్డ్-ప్రెస్డ్) ఆయిల్ రకాలు ఎంచుకోవడం ముఖ్యం.
4. నువ్వుల నూనె :
నువ్వుల నూనె ఆయుర్వేదంలో కూడా ప్రాముఖ్యత కలిగి ఉంది. ఇందులో మోనోఅన్ శాత్యురేటెడ్ కొవ్వులు, యాంటీఆక్సిడెంట్లు (సెసామోల్, సెసామినోల్) ఉంటాయి.
ప్రయోజనాలు: గుండె ఆరోగ్యాన్ని నువ్వుల నూనె మెరుగుపరుస్తుంది. అంతే కాకుండా కొలెస్ట్రాల్ స్థాయిలను నియంత్రించడంలో సహాయపడుతుంది. దీని ఘాటు రుచి వల్ల కొన్ని వంటకాలకు ప్రత్యేక రుచిని కూడా ఇస్తుంది.
5. వేరుశనగ నూనె:
వేరుశనగ నూనె కూడా గుండెకు మంచిది. ఈ నూనెలో మోనోఅన్ శాచురేటెడ్ కొవ్వులు పుష్కలంగా ఉంటాయి. అంతే కాకుండా విటమిన్ Eని కూడా కలిగి ఉంటుంది. దీనికి అధిక స్మోక్ పాయింట్ ఉంటుంది.
ప్రయోజనాలు:
అధిక వేడితో కూడిన వంటకాలకు (ఫ్రైయింగ్) అనుకూలం. గుండె కణాలను రక్షించే యాంటీఆక్సిడెంట్ గుణాలు ఉంటాయి.
ముఖ్యమైన చిట్కాలు:
నూనెలను మార్చి వాడటం: ఒకే నూనెను నిరంతరం వాడకుండా.. వివిధ రకాల నూనెలను మార్చి మార్చి వాడటం మంచిది. ఇది శరీరానికి వివిధ రకాల పోషకాలు అందేలా చేస్తుంది.
తక్కువ పరిమాణంలో వాడకం: ఏ నూనె అయినా ఆరోగ్యకరమైనదే అయినా.. తక్కువ పరిమాణంలో వాడటం ముఖ్యం. నూనె ఎక్కువైతే కేలరీలు పెరిగి బరువు పెరగడానికి దారితీస్తుంది.
Also Read: ఉదయం పూట వెల్లుల్లి తింటే.. ఎన్ని లాభాలో తెలుసా ?
డీప్ ఫ్రైయింగ్ తగ్గించడం: గుండె ఆరోగ్యానికి డీప్ ఫ్రైయింగ్ పద్ధతులను వీలైనంత వరకు తగ్గించడం మంచిది. బేకింగ్, రోస్టింగ్ వంటివి మంచివి.
రీ-యూజ్ చేయకూడదు: ఒకసారి వేడి చేసిన నూనెను మళ్లీ మళ్లీ వాడకూడదు. ఇది ట్రాన్స్ ఫ్యాట్స్ ఏర్పడటానికి దారితీస్తుంది.
కొబ్బరి నూనె, పామాయిల్: ఈ నూనెల్లో శాంపిల్ కొవ్వులు ఎక్కువగా ఉంటాయి. కాబట్టి గుండె జబ్బులు ఉన్నవారు వీటిని పరిమితంగా లేదా అస్సలు వాడకపోవడం మంచిది.
ఆలివ్ నూనె, కనోలా నూనె, పొద్దుతిరుగుడు నూనె, నువ్వుల నూనె, వేరుశనగ నూనె గుండె ఆరోగ్యానికి మంచివి. మీ ఆహారపు అలవాట్లు, వంట చేసే పద్ధతులు, వ్యక్తిగత ఆరోగ్య పరిస్థితులకు అనుగుణంగా సరైన నూనెను ఎంచుకోవడానికి పోషకాహార నిపుణుడిని సంప్రదించడం మంచిది.
Share
Snake viral news: తాచు పామును కొరికిన ఏడాది బాలుడు.. అతడు బతికాడు, అది చచ్చింది.. ఎక్కడంటే?
Job Guarantee: ఆ కాలేజీలో సీటొస్తే జాబ్ గ్యారెంటీ.. కోటి రూపాయలకు పైగా జీతం
