Ice Craving: ఐస్ తినాలని అనిపిస్తోందా ? జాగ్రత్త.. ఈ వ్యాధి బారిన పడ్డారేమో !

Ice Craving : సమ్మర్‌లో ఐస్ ముక్కలు కలిపి తయారు చేసిన కూల్ డ్రింక్ తాగడం కామన్. మండే ఎండలు, తీవ్రమైన వేడి నుండి ఉపశమనం పొందడానికి చల్లని పదార్థాలను తినడానికి చాలా మంది ఇష్టపడతారు. దీని వల్ల పెద్దగా ఆరోగ్యానికి నష్టం ఉండదు. ఇదిలా ఉంటే.. సమ్మర్ లో ఐస్ ముక్కలను తినే వారిని కూడా మనం చూస్తుంటాం. కానీ మీకు కూడా తరచుగా ఐస్ తినాలనే కోరికలు ఉంటే.. మాత్రం అది తీవ్రమైన ఆరోగ్య సమస్యకు సంకేతం కావచ్చు. దీన్ని సకాలంలో గుర్తించడం అవసరం.

ఐస్ తినడం ఈ వ్యాధికి సంకేతం:
కొంతమందికి ఐస్ తినడమంటే చాలా ఇష్టం ఉంటుంది. సాధారణంగా కనిపించే ఈ అలవాటు నిజానికి సాధారణమైనవి కాదు. దీనిని ‘పాగోఫాగియా’ అని పిలుస్తారు. పిల్లలు, గర్భిణీ స్త్రీలలో పాగోఫాగియా సాధారణం ఇది ఏ వయసు వారికైనా కలుగుతుంది.

పగోఫాగియాకు కారణం:
పగోఫాగియాకు అనేక కారణాలు ఉన్నాయి. కానీ నేషనల్ లైబ్రరీ ఆఫ్ మెడిసిన్‌లో ప్రచురితమైన ఒక అధ్యయనం ప్రకారం.. దీనికి అతిపెద్ద కారణం ఐరన్ లోపం. అంటే ఈ అలవాటు రక్తహీనతకు సంకేతం కావచ్చు. సైన్స్ డైరెక్ట్‌లో ప్రచురితమైన ఒక అధ్యయనం ప్రకారం.. గర్భధారణ, పీరియడ్స్ , తల్లిపాలు ఇచ్చే సమయంలో మహిళల్లో పగోఫాగియా లక్షణాలు ఎక్కువగా కనిపిస్తాయి. ఎందుకంటే ఈ సమయంలో శరీరంలో ఐరన్ లోపం వచ్చే ప్రమాదం పెరుగుతుంది.

ఈ జాగ్రత్తలు తప్పనిసరి:
కొన్నిసార్లు మానసిక ఒత్తిడి కారణంగా కూడా పగోఫాగియా పరిస్థితి ఏర్పడుతుంది. కొన్ని సందర్భాల్లో.. పగోఫాగియా ఒత్తిడి, ఆందోళన లేదా అబ్సెసివ్-కంపల్సివ్ డిజార్డర్ వల్ల కూడా వచ్చే ప్రమాదం ఉంటుంది. శరీరంలో డీహైడ్రేషన్ కారణంగా కూడా మంచు తినాలనే కోరిక కలుగుతుంది.

ఐస్ తినడం ఎంతవరకు సురక్షితం ?
వేసవిలో అప్పుడప్పుడు ఐస్ తినడం ఆరోగ్యానికి హానికరం కాదు. ఐస్ శరీరాన్ని హైడ్రేటెడ్ గా ఉంచడంలో సహాయపడుతుంది. కూల్ డ్రింక్ లేదా జ్యూస్‌లో కొన్ని ఐస్ క్యూబ్స్ వేసి తాగడం వల్ల ఉత్సాహంగా ఉంటుంది. ఐస్ నమలడం వల్ల పళ్లపై బయటి పొర అంటే ఎనామిల్ దెబ్బతింటుంది. ఇది సున్నితత్వాన్ని కలిగిస్తుంది. గట్టిగా ఐస్ నమలడం వల్ల కూడా దంతాలపై పగుళ్లు ఏర్పడతాయి. ఇలాంటి పరిస్థితిలో.. ఎక్కువ ఐస్ తినడం వల్ల మీ నోటి ఆరోగ్యం చెడిపోతుంది.

జీర్ణ వ్యవస్థకు హాని :
మీరు ఎక్కువగా ఐస్ తిన్నప్పుడు, శరీరంలో ఉష్ణోగ్రత అకస్మాత్తుగా పడిపోయే ప్రమాదం ఉంది. ఇది మీ జీర్ణవ్యవస్థపై ప్రత్యక్ష ప్రభావాన్ని చూపుతుంది. అంతే కాకుండా ఇది మీ జీర్ణక్రియ బలహీనంగా , నెమ్మదిగా మారేలా చేస్తుంది. కొన్నిసార్లు ఇది తేలికపాటి కడుపు నొప్పి లేదా తిమ్మిరిని కూడా కలిగిస్తుంది.ఆహారాన్ని జీర్ణం చేయడానికి శరీరంలో కొన్ని ప్రత్యేక ఎంజైములు ఉంటాయి. ఐస్ వంటి చల్లని పదార్థాలు వాటిని బలహీనపరుస్తాయి. దీని కారణంగా ఈ ఎంజైమ్‌లు సరిగా పనిచేయలేవు. అటువంటి పరిస్థితిలో.. జీర్ణ ప్రక్రియ కూడా నెమ్మదిస్తుంది.

Also Read: బంగాళదుంపతో ఈ ఒక్కటి కలిపి వాడితే.. తెల్లగా మెరిసిపోతారు

ఐస్ తినాలన్న కోరిక:
ఐస్ తినాలన్న కోరికలను సకాలంలో గుర్తించి డాక్టర్ ను సంప్రదించడం ముఖ్యం. మీకు ఒక నెల కంటే ఎక్కువ కాలంగా ఐస్ తినాలని కోరిక ఉంటే.. మీరు డాక్టర్‌ని తప్పకుండా సంప్రదించాలి. రక్త పరీక్ష , శారీరక పరీక్ష ద్వారా పగోఫాగియాను గుర్తించవచ్చు.

పగోఫేజియా చికిత్స:
ఇనుము లోపం లేదా రక్తహీనత కారణంగా ఐస్ తినాలని మీకు అనిపిస్తే.. డాక్టర్ ఐరన్ సప్లిమెంట్లను తీసుకోవాలని మీకు సలహా ఇస్తారు. మరోవైపు.. మంచు తినాలనే కోరిక టెన్షన్, ఒత్తిడి లేదా OCD కారణంగా ఉంటే.. అప్పుడు ఇతర చికిత్స మీకు సహాయపడుతుంది. శరీరాన్ని తగినంతగా హైడ్రేటెడ్‌గా ఉంచడం ద్వారా కూడా మీరు ఈ పరిస్థితిని నియంత్రించవచ్చు. ఐరన్, విటమిన్ సి అధికంగా ఉండే ఆహారాన్ని తీసుకోవడం కూడా ప్రయోజనకరంగా ఉంటుంది.

Share

• 
• 
• 
• 
• 
•