Balakrishna: సినీ నటుడు నందమూరి బాలకృష్ణ (Balakrishna)50 సంవత్సరాల సినీ కెరియర్ లోనే అఖండ 2 సినిమాకు ఎంతో ప్రత్యేకత ఉందని చెప్పాలి. ఈ సినిమా బాలకృష్ణ సినీ కెరియర్ లో 110 సినిమాగా ప్రేక్షకుల ముందుకు రాబోతోంది. ఇదివరకు ప్రేక్షకుల ముందుకు వచ్చిన అఖండ సినిమా మంచి సక్సెస్ కావడంతో ఈ సినిమాకు సీక్వెల్ చిత్రంగా అఖండ 2(Akhanda 2) ప్రేక్షకుల ముందుకు రాబోతుంది. అయితే ఈ సినిమా డిసెంబర్ 5వ తేదీ పాన్ ఇండియా స్థాయిలో విడుదలకు కాబోతుందని చిత్ర బృందం ప్రకటించారు. ఇక ఈ సినిమా విడుదల తేదీ ఖరారు కావడంతో బాలకృష్ణ వరుసన ప్రమోషన్ కార్యక్రమాలను కూడా నిర్వహించారు.
బాలకృష్ణ సినీ కెరియర్ లోనే మొదటిసారి పాన్ ఇండియా స్థాయిలో విడుదల కాబోతున్న నేపథ్యంలో ముంబైలో కూడా బాలకృష్ణ పెద్ద ఎత్తున ప్రమోషన్లను నిర్వహించారు. ఈ సినిమా విడుదలకు అన్ని సిద్ధం అనుకున్న తరుణంలో నిర్మాతలు ఊహించని విషయాన్ని బయటపెట్టారు. ఈ సినిమా విడుదల వాయిదా పడుతుంది అంటూ అధికారికంగా వెల్లడించారు. ఇలా సినిమా వాయిదా పడటం వెనుక ఫైనాన్స్ ఇబ్బందులు ఉన్నాయని తెలుస్తోంది. ఈ సినిమా అనుకున్న విధంగా డిసెంబర్ 5వ తేదీ విడుదల కావాలి అంటే ముగ్గురు ఫైనాన్షియర్లకు 70 కోట్ల రూపాయలు నిర్మాతలు చెల్లించాల్సి ఉంటుంది.
ఇలా ఫైనాన్షియర్లకు డబ్బులు ఇవ్వకుండా సినిమా విడుదలకు ఒప్పుకొని నేపథ్యంలో వాయిదా వేయక తప్పలేదు అయితే ఈ విషయం ఇన్ని రోజులు బాలకృష్ణ వద్ద దాచి ఉంచారని తెలుస్తోంది. చివరి నిమిషంలో ఈ విషయాన్ని బాలయ్య దగ్గరకు వెళ్లి చెప్పడంతో బాలకృష్ణ ఆగ్రహం వ్యక్తం చేశారట. అంతేకాకుండా నిర్మాతలకు కూడా చివాట్లు పెట్టినట్టు తెలుస్తుంది. ఈ ఫైనాన్స్ విషయం తన దగ్గర దాచి పెట్టి ఇప్పుడు తన దగ్గరకు ఈ సమస్యను ప్రస్తావించడానికి వస్తే తంతా అంటూ బాలయ్య నిర్మాతలపై ఆగ్రహం వ్యక్తం చేశారు.
ఎన్నో అంచనాల నడుమ ఈ సినిమాని ప్రేక్షకుల ముందుకు తీసుకురాబోతున్న నేపథ్యంలో నిర్మాతల కారణంగా సినిమా విడుదల వాయిదా పడిన నేపథ్యంలో బాలకృష్ణ చాలా సీరియస్ గా ఉన్నారని తెలుస్తోంది. బాలకృష్ణకు అఖండ 2 సినిమా ఎంతో కీలకంగా నిలిచింది మొదటిసారి పాన్ ఇండియా స్థాయిలో ఈ సినిమా విడుదల కాబోతున్న నేపథ్యంలో స్టార్ హీరో అయినప్పటికీ ప్రమోషన్లకు దూరంగా ఉండకుండా స్వయంగా చెన్నై, బెంగళూరు, ముంబై వంటి నగరాలలో పెద్ద ఎత్తున ప్రమోషన్ కార్యక్రమాలను నిర్వహించారు. ఇలా సినిమాకు అంతా సిద్ధమైందనుకున్న నేపథ్యంలో నిర్మాతలు ఈ సినిమా విడుదలకు గల సమస్యను వివరించిన నేపథ్యంలో బాలకృష్ణ నిర్మాతల తీరుపై మండిపడుతున్నారు. మరి నిర్మాతలు ఈ సమస్యకు పరిష్కారాన్ని చూపించి త్వరలోనే విడుదల సినిమా చేయనున్నట్లు తెలుస్తోంది. ఇక ఈ సినిమాని క్రిస్మస్ సందర్భంగా విడుదల చేయాలని భావిస్తున్నట్టు తెలుస్తుంది. ఒకవేళ క్రిస్మస్ కి విడుదల అయితే క్రిస్మస్ సందర్భంగా విడుదల కాబోతున్న సినిమాలపై తీవ్రమైన ప్రభావం చూపుతుందని చెప్పాలి.
Also Read: Akhanda 2: అఖండ 2కు 70 కోట్ల ఫైనాన్స్ ఇష్యూ.. ఎవరికి ఎంత ఇవ్వాలంటే..?
Share
Akhanda 2 Release Date: ఫ్యాన్స్ కు గుడ్ న్యూస్.. అఖండ 2 రిలీజ్ అయ్యేది అప్పుడే..?
Sabarimala: శబరిమలలో మళ్లీ రచ్చ.. తెలుగు భక్తులపై స్థానిక వ్యాపారుల దాడి, రంగంలోకి పోలీసులు
