చిత్ర పరిశ్రమ అందరిదీ… ఒకరి సొత్తు కాదు.. విమర్శలకు చెక్ పెట్టిన చిరు!

Chiranjeevi: తెలుగు సినీ ఇండస్ట్రీలో నటుడిగా ఎంతో మంచి గుర్తింపు సంపాదించుకున్న వారిలో సీనియర్ నటుడు చిరంజీవి(Chiranjeevi) ఒకరు గత నాలుగు దశాబ్దాలుగా ఇండస్ట్రీలో ఎన్నో అద్భుతమైన విజయాలను అందుకుంటూ నటుడిగా ఎంతోమంది అభిమానులను సొంతం చేసుకున్నారు. ఇలా ఇండస్ట్రీలో ఎంతో అనుభవం కలిగిన చిరంజీవి చిత్ర పరిశ్రమలో ఏదైనా కష్టం వస్తే వెంటనే స్పందిస్తూ నేనున్నా అనే భరోసా ఇస్తూ ఉంటారు. ఈ నేపథ్యంలోనే చిరంజీవి పట్ల పలువురు విమర్శలు కురిపిస్తూ ఉంటారు.

ఇరుముడి విజయం పై చిరు ప్రశంసలు..

తన గురించి వస్తున్నటువంటి విమర్శలపై చిరంజీవి తాజాగా స్పందించారు. ఇటీవల రవితేజ హీరోగా నటించిన ఇరుముడి(Irumudi) సినిమా ఎంతో అద్భుతమైన విజయాన్ని సొంతం చేసుకున్న నేపథ్యంలో ఎంతో మంది సినీ సెలబ్రిటీలు ఈ సినిమా విజయం పట్ల స్పందిస్తూ సోషల్ మీడియా వేదికగా పోస్టులు చేస్తున్నారు. ఈ నేపథ్యంలోని చిరంజీవి సైతం ఇరుముడి సినిమాపై స్పందిస్తూ చిత్ర బృందాన్ని అభినందించారు. సాధారణంగా ఏ సినిమా అయినా సక్సెస్ అయితే ముందుగా చిత్ర బృందాన్ని అభినందించే వారిలో చిరంజీవి ముందు వరుసలో ఉంటారు. ఈ సినిమా విజయం పై ప్రశంసలు కురిపిస్తూ చేసిన పోస్ట్ వైరల్ అవుతుంది.

మనం నిలబడాలి.. ఇతరులను నిలబెట్టాలి..

ఇరుముడి సినిమా మంచి విజయం అందుకోవడంతో చిత్ర బృందానికి అభినందనలు తెలియజేస్తూ.. “సినిమా విజయం అనేది పరిశ్రమలో ప్రతి ఒక్కరికి ఒక సంబరం.. ఈ పరిశ్రమ అందరిదీ, కేవలం కొందరికి మాత్రమే కాదు. ఈ పరిశ్రమలో మనం నిలబడాలి అలాగే ఇతరులను కూడా నిలబెట్టాలి” అంటూ ఈయన పోస్ట్ చేశారు. చిరంజీవి చేసిన ఈ పోస్ట్ ప్రస్తుతం చర్చలకు కారణమైంది. కొద్ది రోజులుగా చిరంజీవి గురించి వస్తున్నటువంటి విమర్శలపై ఈయన ఇలా పరోక్షంగా స్పందిస్తూ విమర్శలకు చెక్ పెట్టారని చెప్పాలి. ఇండస్ట్రీలో ఇతర ప్రతిభావంతులైన నటీనటులను చిత్ర నిర్మాతలను ఎదగకుండా చిరంజీవి తన పలుకుబడిని ఉపయోగిస్తూ అణిచివేస్తున్నారంటూ వస్తున్నటువంటి వార్తలకు కౌంటర్ ఇస్తూ ఈయన ఈ పోస్ట్ చేశారంటూ పలువురు భావిస్తున్నారు.

Heartiest congratulations to my dear brother Ravi on the blockbuster success of #Irumudi 💐

Thoroughly enjoyed the film from beginning to end. What a phenomenal performance @RaviTeja_offl, you carried Trinadh character entirely on your shoulders 👏🏻

Director @ShivaNirvana, you…

— Chiranjeevi Konidela (@KChiruTweets) August 27, 2026

గత నాలుగు దశాబ్దాలుగా ఇండస్ట్రీలో నటుడిగా కొనసాగుతూ ఎంతో అనుభవం ఉన్న చిరంజీవి ఎంతోమంది నటీనటులను ప్రోత్సహిస్తూ వచ్చారు. చిరంజీవిని స్ఫూర్తిగా తీసుకొని ఇండస్ట్రీలో సక్సెస్ అయిన వారు ఎంతోమంది ఉన్నారు. ఇలా ఎందరికో స్ఫూర్తిదాయకంగా ఉన్నటువంటి చిరంజీవి గురించి వస్తున్నటువంటి వార్తలపై ఈయన స్పందించారని చెప్పాలి. ఒక సినిమా విజయం అయింది అంటే అది కేవలం హీరో ,దర్శకుడు లేదా నిర్మాతకు మాత్రమే ప్రయోజనం కలిగించదు. ఆ సినిమా కోసం కష్టపడిన ప్రతి ఒక్కరికి ప్రయోజనం చేకూరుస్తుందని, అందుకే ఒక సినిమా విజయం అయితే చిత్ర పరిశ్రమ దానిని ఒక సంబరంలా జరుపుకోవాలని చిరు ఈ పోస్ట్ ద్వారా సందేశం ఇచ్చారని చెప్పాలి.

Also Read: ఏపీ గ్రీన్ ఎగ్జిక్యూటివ్ కమిటీ చైర్మన్ గా నాగబాబు.. గొప్ప అవకాశం అంటూ చిరు పోస్ట్!