Dhruv Vikram:కోలీవుడ్ స్టార్ హీరో విక్రమ్ చియాన్ (Vikram chiyan) వారసుడిగా సినీ ఇండస్ట్రీలోకి అడుగుపెట్టిన ధ్రువ్ విక్రమ్ (Dhruv Vikram) గురించి పరిచయాలు ప్రత్యేకంగా అవసరం లేదు. ఇప్పటికే రెండు చిత్రాలలో నటించిన ఈయన.. తొలిసారి సోలో హీరోగా నటించిన చిత్రం బైసన్. అనుపమ పరమేశ్వరన్ (Anupama parameswaran) హీరోయిన్గా నటించిన ఈ సినిమా ఇటీవల థియేటర్లలో విడుదలై మంచి రెస్పాన్స్ సొంతం అందుకుంటుంది. అటు తమిళ్లో విడుదలైన వారం తర్వాత తెలుగులో రిలీజ్ చేసి ఇక్కడ కూడా ప్రేక్షకులను మెప్పించారు. ఇదిలా ఉండగా ఈ సినిమా విడుదలకు ముందు సినిమా బృందం మీడియా ముందుకు వచ్చింది. ఈ క్రమంలో ధ్రువ్ విక్రమ్ తొలిసారి తెలుగులో మాట్లాడారు. అంతేకాదు తన తండ్రి గురించి, తన గురించి తెలుగులో మాట్లాడి అందరిని ఆశ్చర్యపరిచారు.
విషయంలోకి వెళ్తే.. తమిళ్ ఇండస్ట్రీకి చెందిన ధృవ్ తొలిసారి తెలుగులో మాట్లాడి తన అద్భుతమైన స్పీచ్ తో అందరినీ ఆశ్చర్యపరిచారు. ఇకపోతే ధృవ్ తెలుగులో మాట్లాడిన స్పీచ్ సోషల్ మీడియాలో వైరల్ గా మారింది. దీంతో ఈ స్పీచ్ వెనుక ఉన్నది ఎవరు? అని నెటిజన్స్ ఆరా తీయగా.. ఈ స్క్రిప్ట్ రాసింది ఒక డైరెక్టర్ అని సమాచారం. ఆయన ఎవరో కాదు నాని (Nani) హీరోగా నటించిన ‘హాయ్ నాన్న’ చిత్రాన్ని తెరకెక్కించిన డైరెక్టర్ శౌర్యువ్ (Shouryuv). ఈయన ‘ఆదిత్య వర్మ’ సినిమాకి కో డైరెక్టర్ గా కూడా పనిచేశారు. ఇకపోతే శౌర్యువ్ రాసిచ్చిన స్క్రిప్టును చాలా అద్భుతంగా తెలుగులో మాట్లాడి తన స్పీచ్ తో అదరగొట్టేసి అందరి దృష్టిని ఆకట్టుకున్నారు ధృవ్ విక్రమ్. ప్రస్తుతం ఇందుకు సంబంధించిన విషయం సోషల్ మీడియాలో వైరల్ గా మారింది.
ధ్రువ్ విక్రమ్ తెలుగులో మాట్లాడిన ఆ స్పీచ్ లో ఏముంది అనే విషయానికొస్తే ఆయన మాట్లాడుతూ.. “నేను హైదరాబాదులో ప్రమోషన్ చేస్తున్న మొదటి సినిమా బైసన్. ఎటువంటి బ్యాగ్రౌండ్ లేకుండా మా నాన్న ఇండస్ట్రీలోకి వచ్చి నిలదొక్కుకున్నారు. అయితే నేను ఇంకా ఏమీ సాధించలేదు. మీ ఆదరణ పొందడానికి కచ్చితంగా కృషి చేస్తాను. నాకు తెలుగులో పనిచేయాలని ఉంది. తెలుగు వాళ్ళు ఫుడ్డు ని ఎంతలా ఇష్టపడతారో సినిమాను అలాగే సెలబ్రేట్ చేస్తారు. బైసన్ నా కెరియర్ లో కీలకమైన సినిమా. నేను ప్రొఫెషనల్ కబడ్డీ నేర్చుకున్నాను. ఒక్క ఛాన్స్ ఇవ్వండి నచ్చితే నాకు సపోర్ట్ చేయండి. నేను సూట్ కేస్ కొనడానికి వెళ్తే మా నాన్నను పొగిడారు. నా కొడుకు సూట్కేస్ కొనడానికి వెళ్తే నా గురించి ఫ్యూచర్లో చెప్పుకోవాలి. ఈ సినిమాలో జూనియర్ ఆర్టిస్టులు చేయలేదు. ఆ ప్రాంత వాసులే నటించారు. శౌర్యువ్ నాకు మంచి ఫ్రెండ్.. తనే తెలుగులో ఈ స్క్రిప్ట్ రాసిచ్చారు. తమిళంలో ఈ సినిమా బాగా ఆడుతోంది. ఇక తెలుగు వాళ్ళు చూస్తే చాలు అనిపిస్తుంది. ఈ సినిమా చూసి మా నాన్న ఆశ్చర్యపోయారు. తనను తాను చూసుకున్నట్లు ఫీలయ్యారు. నాకంటూ ఒక ప్రత్యేక స్థానం వచ్చేవరకు పోరాడుతాను. నా నెక్స్ట్ సినిమాకి నేనే తెలుగులో డబ్బింగ్ చెబుతాను. థియేటర్లో 15 సార్లు చూశాక మూవీ నుంచి డిటాచ్ అవుతాను. ఈ సినిమా చేసేటప్పుడు పలుమార్లు గాయపడ్డాను.. ఎడమ చేయి విరిగింది.. మూడు పళ్ళు దెబ్బ తిన్నాయి.. పలు గాయాలయ్యాయి” అంటూ చెప్పుకొచ్చారు.
ALSO READ:Rana daggubati: తండ్రి కాబోతున్న దగ్గుబాటి రానా!
Share
Taapsee Pannu : తాప్సీ సినిమాలకు గుడ్ బై..? ఇంత షాకిచ్చిందేంటి భయ్యా..!
Bullet Train – AP: ఏపీలో రెండు బుల్లెట్ ట్రైన్ కారిడార్లు, ఇక ఆంధ్రా దశ తిరిగినట్టే!
